صفحة 2 من 3 الأولىالأولى 1 2 3 الأخيرةالأخيرة
النتائج 11 إلى 20 من 30

الموضوع: التروس

  1. #11

    افتراضي رد على: التروس

    اخي اشكرك علي الرابط....وارجو منك مساعدتي في هذا التصميم....وها هي الصور بالمرفقات...الحمل علي هذه ال table بالتقريب 3 طن
    الصور المرفقة الصور المرفقة
    • نوع الملف: jpg Pin-Gear_Tranmission-194x148.jpg‏ (8.8 كيلوبايت, 254 مشاهدات)
    • نوع الملف: jpg pit-drive012-344x253.jpg‏ (11.9 كيلوبايت, 251 مشاهدات)
    • نوع الملف: jpg H-drive.jpg‏ (30.3 كيلوبايت, 230 مشاهدات)
    • نوع الملف: jpg pit-drive01-344x253.jpg‏ (11.3 كيلوبايت, 223 مشاهدات)
    • نوع الملف: jpg pit-drive02.jpg‏ (35.3 كيلوبايت, 240 مشاهدات)

  2. #12

    رد: التروس

    يعني علي قد فهمي للمشكلة انا عاحاول اساعدك ولو في اي حاجة او اني مافهمتش صح قولي وانا ان شاء الله اساعدك

    انا افترضت ان الموتور موجود يعني علي ان الصورة ل موتور موجود

    التصميم هنا بعيدا عن تصميم التروس العادي (بعيدا قليلا و ليس كليا) يعني تعتبر حالة خاصة

    ابدأ اولا بحساب القوة بين الصينية و الترس (F)
    وهي تبدو صعبة لكني ساقول لك علي حيلة لحسابها بدون الدخول في تفاصيل الحمل ال 3 طن ولا نوع الbearing ولا الاحتكاك ولا دا كله
    اذهب للوحة التحكم في الموتور او اي شيء يبين لك فرق الجهد و شدة التيار الداخل للموتور وهو في اسوء حالات العمل
    وببساطة احسب الطاقة الكهربية الداخلة للموتور
    وافترض ان كفاءة الموتور و الكراسي و الفقد في الطاقة و الي اخره حتي تتولد القوة عند العمود النهائي هي 70% مثلا .. واذا كانت حالة الموتور سيئة قلل هذه النسبة لقيمة معقولة
    بهذا تكون حسبت الطاقة الميكانيكية المتولدة علي العمود
    راقب الموتور وهو في اسوء اوضاع التشغيل واحسب عدد لفاته في الدقيقة rpm
    وقم ب قياس نصف قطر الترس r (من المركز حتي الطرف الخارجي للسنة)

    وهكذا يمكنك حساب F كاتالي
    اقسم الطاقة (يجب ان تكون بال وات) علي مربع عدد لفات الموتور في الثانية (في الثانية) بهذا ينتج لك عزم الدوران
    اقسم العزم علي نصف قطر الترس (بالمتر) تكون النتيجة هي القوة بالنيوتن

    التصميم:
    يلزم لتصميم هذه الحالة مراجعة الاجهادات لكل من SHEAR و BENDING
    1- SHEAR علي المساحة A (يجب ن تضرب المسافة A وهي اقل مسافة بين سنتي الترس في عرض الترس لتكون عندك المساحة) و القوة المؤثرة هي F ,,,,,راجع كتب التصميم في ذلك
    2- BENDING سيتطلب منك حساب ال bending moment بضرب القوة F في المسافة b ثم يجب ان تحسب I (عزم المساحة) للمساحة المستطيلة A X gear width
    راجع كتب التصميم

    يمكنك ان تفترض ان مادة الترس هي من الحديد العادي او اي مادة اخري اذا كنت تعلم ذلك

    اما اذا كان الترس جديد ولا يمكنك حساب القوة من الموتور بالطريقة السابقة فانه يجب عليك حساب القوة اللازمة للوصول بهذه الصينية من وضع السكون الي وضع الحركة وهاذا ما ساقوم بشرحه لك اذا تطلب الامر ذلك

    اخيرا اطلب منك مراجعة القوانين السابقة و مراجعة كتاب تصميم جيد لان كل ما قلته من ذاكرتي و جل من لا يسهو

    تحياتي

    التعديل الأخير تم بواسطة mu_viper ; 11-12-2006 الساعة 09:29 AM سبب آخر: اضافة

  3. #13

    افتراضي رد على: التروس

    اخي mu-viper اشكرك جزيل الشكر انت مهندس اكثر من ممتاز واكن لك الكثير من الاحترام......شرح ممتاز

    ولكن للاسف الصور هي صور مبدئية وليست نهائية...لا يهم وضع الترس ..ما لدي من معلومات هو حمل مقداره 3 طن علي صينية علي bearing...المطلوب تدوير هذه الصينية بواسطة ترس وبالتالي انا لا اعرف معلومات عن الموتور المطلوب تصميمه..
    وبالتالي الصور ليست ذات اهمية ولا نوع الترس....المهم تدويرها بسرعة ثابتة....

    ولك جزيل الشكر

  4. #14

    افتراضي رد: التروس

    اذا كنت تريد التصميم ل نظام جديد فانه يلزم حساب القوة اللازمة لتدوير هذه الصينية
    وهنا يجب دراسة حالتين و التصميم علي الحالة الاسوء فيهم

    1- تغيير وضع السكون للصينية
    ويعني هو حالة بداية تحريك الصينية واخراجها من وضع السكون وهو يستمر ل مدة صغيرة جدا (وساقول لك لماذا يجب ان تعتبر ان الفترة الزمنية قصيرة)

    لنبدأ ببساطة
    لديك حمل 3 طن تريده ان يدور
    هو ساكن الان
    تريده ان يصل لسرعة دورانية مقدارها كذا
    الفترة الزمنية بين موضوع السكون و الوصول للسرعة النهائية هي كذا ثانية
    افترض ان منحني السرعة علي الزمن يمثل خط مستقيم ( وهو فرض خاطيء الا اذا كانت الفترة الزمنية صغيرة جدا) ميل هذا الخط هو العجلة (العجلة هنا عجلة دورانية بال radian/sec2 و السرعة ايضا سرعة دورانية radian/sec )
    يمكنك حساب العجلة ايضا بقوانين نيوتن للحركة لو تحب بس انا حبيت اشرح ليك ليه احنا حاناخد فترة زمنية صغيرة بس من الحركة المبدأية مش الفترة كلها بتاعة تغيير الحالة
    المهم
    حسبنا العجلة
    نحسب عزم الدوران اللازم ل توليد هذه الحركة
    العزم = الكتلة X عزم القصور الذاتي للحجم X العجلة الدورانية
    عزم القصور الذاتي دا اللي هوه I برضو بس لوحدة الحجوم
    I في هذه الحالة غير I بتاع عزم المساحة
    باختصار مش حاطول عليك
    I بتاعة المساحة بيستخدموها مهندسين المدني في التصميم لانهم دايما بيتعاملو مع المساحات علي ان ليها عرض ثابت مقداره ا متر .. انما بتوع الميكانيكا بيستخدموها بصورتها الفيزيائية المظبوطة .. وساعات بيقولو عليها J .. مع ان J حاجة تانية خالص من مواصفات الشكل..
    يعني انت تفتح كتاب التصميم و تدور علي اشكال كدا مرسومة
    لو لاقيت الاشكال المرسومة دي ثنائية الابعاد يبقي ابعد عنها .. هات الصفحة اللي وراها بتاعة الاشكال ثلاثية الابعاد .. مكتوب عليها I ولا J ماتفرقش بقي
    اعتقد ان الصينية دي علي شكل ring شوف القانون بتاع ال ring ايه و عوض فيه ب مقاسات الصينية اللي عندك واحسب عزم الحجم بتاعها

    كدا يبقي حسبنا العزم الازم لتغيير وضع الصينية دي من السكون للسرعة اللي انتا عايزها

    سؤال بقي
    وايه يعني لو افترضنا الفترة الزمنية كانت طويلة (يعني كل الفترة الازمة للوصول للسرعة النهائية)
    اصبر بس وانت حاتفهم كل حاجة

    المشكلة بقي ان في قوي تانية لازم تتحسب
    قوة الاحتكاك
    وهيه دي المشكلة اللي تخليك تفترض ان الفترة الزمنية قصيرة
    يعني الاحتكاك الميكانيكي اي كان نوعه بيتغير مقداره علي حسب السرعة
    واصلا مش بيكون صفر عند السكون ودي المشكلة العملية ان العلاقة بين قوة الاحتكاك و السرعة ليست خط مستقيم ولا تمر بنقطة الاصل اصلا
    المهم
    انا مش عارف نوع ال bearing اللي حاتستخدمو ايه ولا هوه واحد ولا عندك كتير
    اي كان
    لو حسبت مثلا ان الزمن بتاع تغيير الحالة من السكون الي السرعة اللي انت عايزها هوه 10 ثواني
    افترض انك حاتاخد منهم بس 1/20 من الثانية (دي الفترة اللي حاتفترض فيها ان الاحتكاك ثابت)
    افتح بقي كاتالوج ال bearing اللي حاتستخدمو و اي كان نوعو و اي كان شكله
    عايزك تحسبلي قوة الاحتكاك الضايعة بعد 1/20 من الثانية
    حتلاقي ف الكتالوج العلاقة بين الاحتكاك و السرعة
    يبقي انت محتاج تحسب سرعة الصينية بعد 1/20 من الثانية و منها تحسب السرعة النسبية جوة ال bearing (دا يتوقف علي شكل الكرسي و طريقة التحميل و دي انا حاسبهالك)

    باختصار
    دي القوي الاساسية اللي انت عايز تتغلب عليها
    1- قوة القصور الذاتي بتاعة جسم الصينية اللي بتسبب ان الصينية مش عايزة تتحرك و انت بتزقها عشان تتحرك
    2- قوة الاحتكاك اللي بتساعد الصينية عشان تفضل ثابتة

    هي دي القوي اللي انت حاتحسبها و تحسب منها القوة اللي عايز سنة الترس تدفع بيها الصينية F
    واول ما توصل ل F استخدم نفس طريقة التصميم اللي فاتت

    ملاحظات
    1- يجب ان تحسب عزم القصور الذاتي للصينية حول محور الدوران (لما تفتح كتاب التصميم حاتلاقي كذا معادلة .. الفرق بين المعادلة و التانية هوه المحور اللي بتجيب عزم القصور الذاتي حوله)
    2- لو كان عندك اجسام او كتل فوق الصينية ساعتها حايكون عزم القصور الذاتي هوه مجموع عزوم القصور الذاتي للكتل حول محور الدوران ( ولو مش عارف تحسبها ممكن ابقي اشرحلك ازاي بس انت تقشر)
    3- ماتنساش تدخل اي قوة تانية بتقاوم الدوران
    4- ماتنساش ان كمان في قوة احتكاك بين سنة الترس نفسه و الصينية
    ودي تقدرها من شكل السنة و مدة و زاوية احتكاكها مع الصينية
    5- لو عندك كتلة مركزة ف مكان معين علي الصينية ( غير انك حاتحسب عزم قصورها الذاتي و تضيفو ل عزم الصينية) لازم تدخل في اعتبارك ان الاحتكاك ف الكراسي حايتغير و مش حايكون كل الكراسي شبه بعض في مقدار الاحتكاك انا مش عارف شكل ولا عدد الكراسي عندك لكن خالي بالك من النقطة دي
    6- كل السرعة و العجلة الدورانية بال radians بال radians بال radians بال radians
    7- انا عارف الموضوع دا عشان انا كنت صممت لبعض الزملاء ايام المشروع بتاعي .. كان المشروع بتاعهم حفار excavator وعايزين يصممو الترس و الصينية اللي بتلف الحفار وكانوا مالهومش ف التصميم عشان همه هايدروليك .. ف قولتلهم ان حاعملكو موضوع خرافي .. وماستخدمتش اي تقريب ف صممتها ليهم بقي بدون فرض ان الفترة صغيرة ولا حاجة واستخدمت المنحني بتاع الاحتكاك زي ماهوه موجود ف الكاتالوج بتاع الكرسي اللي مستخدمينه و عملتلهم تكامل numerical integration علي كامل المنحني باستخدام معادلة اسمها rung kutta وعملتلهم المعادلة دي عالكمبيوتر .. حاجة كانت وهمية لدرجة ان الدكتور بتاعهم مافهمهاش لما قدموهالو و راح سأل دكتور تصميم

    اي كان
    احسب انت بقي الكلام دا الاول و بعدين انا حاقولك علي الحالة التانية للتصميم بعد ما تخلص دي
    ولو في حاجة انا موجود
    تحياتي

  5. #15

    افتراضي رد على: التروس

    يا سلام علي الشرح والحلاوة والجمال والفن والاداء ...انا عاجز عن الشكر...ولكن انا طماع وعايز تاني من كرمك....
    شوف يا دكتور الbearing هوhydrostatic bearing والحمل هو عربية (همر) وزنها بين 2.5الي 3 طن..علي ما اظن ان الهمر وزنها كده....اظن ان التغير من وضع السكون الي الحركة ياخد فرضا 10s ...كيف سيكون الاحتكاك....وما كتاب التصميم الذى احتاجه لاجد فيه ما اريد....ولك جزيل الشكر....وهعمل رسم لما احتاج وساوافيك به

  6. #16

    افتراضي رد: التروس

    اولا اي كتاب تصميم حايقوم بالواجب يعني
    ثانيا افضل طريقة عشان تحسب الزمن انك تشوف الماتور اللي انت متوقع ان تستخدمو .. العوم بتاعو قد ايه .. بمعني انك ممكن تجيب موتور كبير يوصلك الصينية دي للسرعة اللي انت عايزها ف ثانية واحدة .. و ممكن تجيب ماتور تاني يوصلها ف عشر ثواني .. و ممكن تجيب موتور صغير مايقدرش حتي انو يتغلب علي قوة الاحتكاك الاولية (الساكنة) ف مايقومهاش خالص
    و ياريت لو ترسم مساقط للصينية و الاشياء اللي عليها و توضخ اكتر نوع الbearing
    تحياتي...

  7. #17

    افتراضي رد على: التروس

    اخي ..اسف علي التاخرولكنه بسبب انقطاع النت....اشكر اهتمامك اولا انا اخطات في قولي 10s...بل في ثانية واحدة او ممكن اقل..ولكن لنفترض انها ثانية مدة امر التحكم الالكتروني للموتور...ولكني عاكف الان علي تصميم الترس والموتور.(يعني ازاي انا عندي حمل 2.5 طن او 3 طن ومنه اجيب قدرة الموتور الذي يتغلب علي الحمل والاحتكاك)...اما الbearing فهو نوع من انواع الhydraulic bearing....وهو الhydrostatic bearing..وهو عبارة عن كمية زيت بين طبقتين الطبقة العلي عليها الصينية والسفلي بها فتح علي طرمبة تضخ الزيت في حالة زيادة الحمل علي الصينية وعند زوال الحمل تسرب الزيت الفلئد الي الtank من فتحات من الجناب(الجنب).....والاحتكاك بينها وبين الصينية اقل بكثير من استخدام bearing عادي (كرسي)...وتتحمل الاوزان الصقيلة

    لقد اثقلت عليك ولكني لم اجد احد يساعدني الا انت واشكر لك هذا كله واتمني من الله ان يساعدك ويعطيك جزاء مساعدتي..

  8. #18

    افتراضي رد على: التروس

    ساوافيك بالصور قريبا .....عنوان اي كتاب تصميم

  9. #19

    افتراضي رد على: التروس

    ساوافيك بالصور قريبا .....عنوان اي كتاب تصميم

  10. #20

    افتراضي رد: التروس

    any book
    sorry as i'm busy these days

صفحة 2 من 3 الأولىالأولى 1 2 3 الأخيرةالأخيرة

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

https://fahraf1.com/wp