المساعد الشخصي الرقمي

مشاهدة النسخة كاملة : حكاية الونيت 8-1 والدنة للماشي السعودية



Sadig Bakri
01-04-2010, 09:38 AM
طبعا كلنا او على الاقل الجزء الاكبر مننا بعرف العربية اللاندروفر الـ وان تين 10-1 ..... السعوديين بسمو اي عربية كاشفة (بوكس) بـ ونيت وبجمعوها بـ ونيتات اصل التسمية دي حكاها الاستاذ د/ محمد ابراهيم شكري في محاضرة القاها بعد اتخلا عن مهامو كأول عميد للكلية ... انو الخواجة في مناطق التنقيب عن البترول في السعودية كان عندو عربات لاندروفر الموديل القديم اللي هو 8-1 يعني القبل الـون تين (10-1) .... وكان كل شويه ينادي هات الونيت استعمل الونيت امشي بالونيت تعال بالونيت وووووو .... وهو طبعا كان بقولا:
Bring the 1-8, Take the 1-8, Use the 1-8 ... etc
.... خلاص فهمو يعني شنو ونيت من شكلو
اها لمن البترول جرا في عروقهم وضاقو نعمتو وجات الطيارات والعمارات والعربات جات التايوتا والداهاتسو والمتسويشي طبعا دي جات بأسمائها بس لانو مافي كلمة عربية مباشرة بقت بسمو اي عربية كاشفة (بوكس) ونيت مع انو اللاندروفر وقف مع الخواجة الان السعوديين لسة خامين باسمو كل العربات الفي شكلو ....

الدنة هي عبارة عن دفار صغير كدا بشيلو صندوقو وبختو بدلو صهريج بسقو بيهو ماشيتهم وهي اصلا (TOYOTA - DEYNA) وهي اول دفار يخش السعودية وخلاص بقا اسم لاي عربية شكلها زي الدنة القديمة ديك .... وفات الاسم لحد اليوم ....

ملحوظة للماشي السعودية ( اضيفوها لمفرداتكم )

eng.khalidhamouda
04-04-2010, 01:56 PM
الصادق أنا ما ماشي السعودية لكن أضفتها لي مصطلحاتي، وشكراً على المجهود الحلو دا.
بس عندي سؤال ممكن نسمي الأكسنت الزي بتاعت ود إسحق شنو؟
إقتراح:
الدفار التايوتا إسمو Deyna ممكن الأكسنت تكون They Anaa ( زي الناء ) ولا رأيك شنو يا ود إسحق ( أبو الناء )!!!

Sadig Bakri
06-04-2010, 09:15 AM
والله ياخالد هي مختلف عليها في ناس بسموها بطة وناس بسموها باندا ..... كدا شوف محمد اسحاق شغال باي واحد في ديل

eng.khalidhamouda
06-04-2010, 12:31 PM
والله يا أخوي أنا عارف محمد إسحق شغال بي ياتو إسم، لكن عشان ما تكوم مسطِّح مفروض محمد إسحق يورينا شنو الإسم، ولو ما قال أنا بكتبه وبالخط العريض كمان.

mohammed Ishag
06-04-2010, 05:05 PM
يا خلف الله عذبتنا !!!!!!!!!
اسمها (وين مجدي كسلاء) مفروض يدخل علينا ويفتينا

eng.khalidhamouda
07-04-2010, 09:18 AM
يا خلف الله عذبتنا !!!!!!!!!
اسمها (وين مجدي كسلاء) مفروض يدخل علينا ويفتينا



أنا منتظر مجدي كسلا دا زيك وأكتر كمان ونفسي أعرف أخباره شنو؟ وآخر معلومة عندي إنه ساب كسلا ومستقر في القضارف