المساعد الشخصي الرقمي

مشاهدة النسخة كاملة : يلا نتذكر ايام زمن الجامعة وخور طقت ونكتب وننشر احلا واطرف لحظاتنا فيها على المنتدى



Sadig Bakri
17-03-2010, 10:08 AM
اكيد يا شباب فترة الدراسة بتمر بالناس مواقف طريفة .... والاكيد اكتر انها مستمرة وبتتكرر بشكل يومي لانو كل الظروف مواتية
التواصل والتآلف بين الناس والوحدة بيناتهم وعزلة طقت عن غيرا علاوة عن المحكات والمقصات والاساتذة و و و و.... ( طبعا لا... )
.... واظن انو لولا طرافة الحياة ولذتا لكان الاستمرار في دراسة جافة زي الهندسة شيء في غاية الصعوبة .....
بتمنى من البتذكر موقف او مواقف درامية ايا كانت كوميدية او حتى تراجيدية ينشروا للجميع هنا في المنتدى دا .... وكدا حيخلد لينا التذكار الجميل ......

يلة ياشباب نتذكر

mohammed Ishag
17-03-2010, 12:00 PM
ياباشمهندس الصادق ابدأ لينا ونحن بنتم الباقي وزي ماعارف الهندسه دراسه ماجافه لكن تخصص الميكانيكا هو التخصص ----------؟؟؟؟؟؟؟؟؟؟؟؟؟؟؟؟؟؟

Sadig Bakri
17-03-2010, 03:03 PM
يامحمد اسحاق ... قصدك التاريخ يرجع ونقرا مدنية ولا شنو ؟؟؟؟ ...

mohammed Ishag
18-03-2010, 11:18 AM
يا باشمهندس ارجو ان تبدأ لنا باي موقف او قصه او نكته

eng.khalidhamouda
20-03-2010, 05:31 PM
ابداء ليكم انا طيب

وهذه القصة ليست للنشر

في عام 2004م كنا في رحلة علمية لجامعة الخرطوم، وقتها كنا في السنة القبل الاخيرة Semi-final يعني. كنت انا والزميل محمد اسحق ومعانا عمار موسى أحمد الفكي واقفين في مظلة كافتيريا المهندس.
في هذه اللحظات كنا في اجازة السمستر رقم 8 على ما اذكر، وبينما نحن جلوس في هذه الكافتيريا جاء احد الاساتذة وساله الزميل محمد اسحق بعد ان سلم علينا
قائلا: يا استاذ النتيجة كيف؟
الاستاذ: والله ما بطالة.
محمد اسحق: طيب في ناس جايين ملاحق؟
الاستاذ: والله حوالي تمانية ديل جاين لكن الملحق ما صعب.
محمد اسحق: طيب يا استاذ الشباب ديل ما تديهم باص لانه نحن السنة الجاية خريجين واي ملحق في السنة دي ممكن ياثر على النتيجة.
الاستاذ: لا..... لازم يجوا ملاحق الشباب ديل.
محمد اسحق: طيب يا استاذ الناس ديل شغلهم كعب للدرجة دي وما ممكن يتعالج؟
الاستاذ: الناس ديل انا جايبهم ملحق علشان اجربهم اشوفهم لي قدام لو في واحد منهم جاء ملحق حيقدر يباصي واللا لا.

وحسمت اجابة الاستاذ الاخيرة هذه كل استفسار او تساؤل في وجوه الاخرين.
ولكن لن ابوح باسم هذه الاستاذ ابداً مهما كانت الاسباب.

Sadig Bakri
21-03-2010, 12:02 PM
سبوووووووووووووووووووووتة .... سبووووووووووووته سبووووووووووووته ..... رد الله غربته واذاق من لاقاه الويل

mohammed Ishag
31-03-2010, 01:40 PM
يا خلف الله ما عذبتنا !!!!!!!!!!!!!
اقصد يااباتشي ما تدينا حاجه كده من المواقف الخاصه وياريت خالد أحمد العبيد يدخل ويشارك ايضا بأي موقف
وبرضو يا خلف الله ما عذبتنا

eng.khalidhamouda
31-03-2010, 06:49 PM
عليك الله يا محمد إسحق ( أبو الناء ) أحكي لينا قصة خلف الله دي.

أحمد ودالأحمر
01-04-2010, 02:07 AM
ههههههه
والله الواحد لو اتذكر هنا يا صادق
حيحظروهو طووااالي وانت فاااهم كده
ههههههههههههههه

Sadig Bakri
01-04-2010, 09:24 AM
يا ود الاحمر .... انت بالذات نحنا دايرينك تحكي... ولو انو انا متذكر ليك حاجات كفيلة بحظرك لو نشرتها ....بس حلو الغنا في خشم سيدو ..... ياهندسة كدا هات واحد او اتنين على الخفيف خاصة من يوميات شجرة خالتي فاطمة

eng.khalidhamouda
04-04-2010, 02:11 PM
ههههههه
والله الواحد لو اتذكر هنا يا صادق
حيحظروهو طووااالي وانت فاااهم كده
ههههههههههههههه





يا ود الأحمر لو خايف يحظروك ممكن تحكي لينا بالرندوق ونحن بنفهمك وتطلع من قصة الحظر دي...
رأيك شنو في الفكرة...