المساعد الشخصي الرقمي

مشاهدة النسخة كاملة : المعهد سيءبجميع المقاييس



اسطورة الحب
15-10-2008, 11:28 AM
السلام عليكم ورحمة الله وبركاته
كيفكم جميعا ..
ولو إني ما أعرف إلى ثلاث أعضاء تقريبا ..
طبعا أنا كنت عضوه في المنتدى لسبب خاص تركته واليوم أول يوم ارجع بعد ذلك اليوم..
وسبب رجعت لأني أبغى انزل موضوع خاص وأتوقع إن هذا هو المكان المناسب له..
بموضوعي بتكلم عن المعهد بشكل عام من أول يوم دخلت فيه لين أخر يوم
خاصة إني (فرش) خريجه جديدة يعني ممكن بمقالي أفيد ناس تفكر تتهور وتنضم للمعهد ..

بسم الله نبدأ
طبعا المعهد بجميع المقاييس سيء جدا
لعدة أسباب
1-حب المادة وهو الهدف الأساسي من المعهد ..
2-ضعف الطاقم التعليمي يعني تجيك مصريه ماسكه خمس مناهج لأرباع مختلفة فمحتوى مختلف كيف ممكن تقدر توصل المنهج بشكل صحيح ودقيق ..
3-مبنى المعهد جدا سيء ..
4-المناهج جدا غريبة يعني فيه مناهج مالها داعي وفيه مناهج مناسبة للمعهد بس للأسف عدم وجود مدرس مناسب جعل المادة أكثر غرابه ..
الحين بمسك الأشياء المهمة وبتكلم عنه ببساطه
1 – بداية كل شهر تجي المساوله عن المحاسبة مبتسمة (ادفعوا) وعلى فكره المحاسبة ما نشوفه إلا بداية كل شهر لدرجة إن البنات صاروا يسمونه ادفعوا ..
واللي ماتدفع اففففف يكرهونه بعيشته ما فيه احد بالمعهد ما يجي ليش ما دفعتي ..
2 – المناهج طبعا اللي مضبطين المناهج ناس إكبار وعلى بالهم يفيدوننا مادروا إنهم يدمروننا
أقول لكم ليه فكرة الدراسة بالمعهد سنتين كل سنه مقسمه لأربع أرباع يعني ندرس ثمان أربع مع العلم إن لكل ربع مناهج خاصة هذا الشيء يجعل المدربة اللي ماسكه أكثر من منهج تستخدم أسلوب أهم شي نختم يعني افتحوا الكتاب نخطط... بكذا أنكون ما استفدنا ولا شي لما يجي الاختبار طبعا ما نسى أقول إن حتى فكرت الاختبار غريبة في المعهد في الربع الواحد اختبارين شهر من مدربة المعهد واختبار خارجي يعني إجمالي الاختبار في سنتين 16 اختبار من مدربة المعهد و8 اختبارات خارجية يعني قضت السنة اختبارات
طبعا الأسلوب المستخدم بالمعهد لما تجي الاختبارات المدربة تكون خلصت تخطيط بالاختبار الشهري تعطينا الأسئلة وتقول بس هذا اللي معكم بالاختبار ..
أما الاختبار النهائي وبما إن الأسئلة خارجية ما تقدر تحدد (تتخذ أسلوب ادرس اللي تحس انه مهم )ولما نستلم الأسئلة طبعا ما نعرف شي لأننا نحس إن المادة كله مو مهمة فايش الحل ننادي المدربة وتشرح الأسئلة وبما إن قاعات الاختبارات دمج مجموعه من الربوع ما تقدر تغششنا فنتخذ ثالث أسلوب تعلمته بالمعهد لا تطلعون إذا فضت القاعة جيت لما تفضا القاعة تجي وتسكر الباب والمراقبة تطلع برى تراقب الوضع إذا جت المديرة دخلت تعطي خبر والمدربة تحل الأسئلة من الأول لين الأخير ..
ونأخذ النتيجة بتقدير ممتاز ..
طبعا ممكن تكونون مستغربين إن المدربات ما يغششون إلا القروب اللي أنا فيه أقول لكم لا هذا أسلوب مع جميع القروبات يعني إذا تقدر تغشش القروب وحده وحده زين على زين إذا ما تقدر نستخدم الأسلوب السابق خاصة إذا السالفة شرح ..
بكذا نكون ختمنا سنتين غش بغش و بصراحة مدري مين المسئول ..
خلاص الاختبار والدفع وكل شي النتيجة النهائية ناجحة بتقدير ممتاز لجميع الطالبات
بس لسا ما انتهينا جت سالفة الشامل سألنا المدربة إذا بيحظر احد معنا قالت لا بصراحة صدمه مو طبيعيه الحين كيف بندخل اختبار لأكثر من 20 منهج ما نعرف فيهن شي وبدون حتى مساعده ..
وزعت علينا المدربة مذكره فيها أكثر من نموذج لاختبار الشامل وحلت معنا النماذج وقالت ادرسوا بس المذكرة دائما الأسئلة تتكرر درسنا المذكرة بجد يعني من دخلتي للمعهد أول مره أذاكر كنا شايلين هم مو طبيعي
عاااااااااادي مثل غيرنا رحنا لمقر الاختبار وكان مره زحمه الموقف اللي كان مضحك جلست أنا ومجموعتي جنب مجموعه ثانيه كانوا يتكلمون عن الاختبار جت لمهم وحده وقاموا يسلمون عليها بعدين قالت شو أخبار الاستعداد قالوا والله خايفين قالت ليه هذي المحاولة كم قالت وحده هذي الثانية وحده هذي الثالثة والأخيرة هذي أخر محاوله أنا والبنات تنحنا ايش الصباحية الكتاب واضح من عنوانه الظاهر موضوع عادي أعادت الاختبار
المهم دخلنا القاعة توزعت الورق وللأسف الشديد ولا شي من المذكرة كل شي خارجي بدينا انقلب الأوراق نحاول نفهم شي نبغي نحل شي ما فيه طبع المرقبه كانت شديدة اغلب البنات انسحبوا واللي حلو على عما ( حقره بقره ) طبعا طلعنا وحنا نقول الوعد شهر واحد في نفس المكان ..
واذكر تدق علينا مدربه وتقول هدو الموضوع ما يستاهل والاختبار مجرد شكليات المهم نتيجة المعهد
طبعا طلعت النتائج والفرع اللي ادرس فيه ما نجح غير طالبتين أنا ووحده بس متخيلين معهد كامل ما نجح فيه غير طالبتين بس طبعا من المسئول محد يدري ..
لما طلعت النتائج رحت للمعهد قالت لي المديرة شهادة المعهد مو معتمده حاليا والاهم شهادة المواسسه قلت يعني كيف قالت ما فيه شهادة من المعهد متخيلين ستين بدون شهادة فقط شهادة يوم واحد من ناس قدموا الأسئلة لناس ما يعرفونهم ولا يعرفون مستواهم التعليمي ..
يعني أخذنا صدمات بما فيه الكفاية ..
3- بخصوص الواجبات قسم بالله العظيم درست سنتين كاملتين تخصص برمجه ما طلب من ولا واجب .. يعني ما عانينا من هذي النقطة ابد ..
4- أما بخصوص المشروع صراحة كنا مره متحمسين له لما كمل المشروع قدمناه والمصرية ما فيه عيب بالدنيا ما طلعته لنا أخر شي قالت أقول لكم اقتراح خلو احد متخصص يزينه لكم ههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههه
بالذمة عمركم شفتوا مدرسه تقول كذا بصراحة جانا إحباط مو طبيعي المهم طلبنا مساعده من صاحب مكتب كمبيوتر ومرررررررره أعجبه تصدقون لا قلت لكم واللي رفع سبع ووضع سبع إن اللي حنا مزينين كان أحسن بس بما انه أعجبه مقدر أقول شي ..
5- بخصوص الشهادة البريطانية قريت من شوي مقال إن له اختبار أو واجب أو مدري ايش حنا في الفرع ما فيه أي شي من هذا القبيل قالوا لنا بالحرف الواحد ادفعي 2000 وخوذي شهادة بريطانيه وإذا ما تبغين كيفك وتستلمينه بعد سنه ..
6- لاانساء ان اقول انه معهد كامل مافيه شبكة نت من دخلتي وهم يقولون الاسبوع الجاي وخلصت والاسبوع ماخلص..
طبعا معاناتنا في المعهد لا يمكن حصرها كان جدا سيء بجميع المقاييس ..
وهذي سيئة عامه لجميع الفروع تقريبا ..

بنت الطايف
21-11-2008, 02:34 PM
جزااااااااااااااااااك الله خيرا على النصيحه

بس خلالالالالالالالاص ماعاد يفيد طاح الفاس فـالراس
ع الاقل اللي كانت تدرسكم مصريه موب سودانيه مثلنا ودي انط على زميرة رقبتها وربي نوم العالم كله فيها

مره ثانيه مشكوره يابعدي وليتني قريت مشاركتك من قبل كان ماصار اللي صار