بسم الله الرحمن الرحيم
السلام عليكم ورحمة الله وبركاته
كنت حابب اطرح فكره صغيره للنقاش واتمنى انها تعجبكم
الفكره ببساطه ان طالب من كل قسم فى الكليه يكتب موضوع عن اهم الاساتذه فى القسم واللى ليهم انجازات علميه او حصلوا على جوايز علميه ويريت يكتب ايه هيه الانجازات دى والجوايز دى بقدر الامكان .
والهدف من الفكره ان احنا نعرف كل طلبة الكليه _وخصوصا طلبة اعدادى _ على اهم العلماء الموجودين فى الكليه.
انا بسمع عن بعض الدكاتره فى الكليه زى الدكتور مازن من قسم كهربا والدكتور محمد الشافعى من مدنى وغيرهم لكن معنديش اى معلومات عنهم اتمنى ان المعلومات دى تكون موجوده عند زمايلى فى الاقسام.
بشكركم جدا واتمنى ان الفكره تعجبكم وفى انتظار ردودكم ان شاء الله.
محمد تمام
اعدادى هندسه
اسيوط

جميل اننا نساعد الناس ميرسى على الفكرة الجميلة ده يا باشمهندس محمد
اختك
فاطمة
هندسة اسيوط

شكرا على تشجيعك يا باشمهندسه فاطمه بس انا كنت مستنى حد من الاقسام يرد عليه ويكون مستعد للتعاون لكن معذورين علشان اليومين دوله النتايج بتظهر (ربنا يوفق الجميع)
عموما انا بفكر اعمل الموضوع ده بنفسى لو ربنا قدرنى .

السلاام عليكم انا هند ميكانيكا اسيوط انا حابة الفكرة بس فى مشكلة الدكاترة بيتغيروا كل سنة وحاسة ان كتابة مقال عن الكاترة مش هيضيف حاجة ولاحسن نعرف المواد فى الاقسام وكيفية مزاكرتها

على فكرة احنا عندنا فى اسيوط دكاترة ممتازين جدا وليهم خبرة كبيرة وممكن نستفيد منهم زى د/ احمد ابو القاسم ود/ كرم عمارة وغيرهم اللى طبعا يشرفنا اننا نكتب عنهم

اولا بشكرك على الرد والاهتمام يا بشمهندسه هند
ثانيا انا معتقدش ان الدكاتره بيتغيروا او حاجه لان معظم الدكاتره فى الكليه بسمع انهم فيها من زمان جدا لكن بعضهم بيسافر بره شويه بيحضر دكتوراه او بيدرّس فى جامعه تانيه لكن بيرجعوا تانى .
وطبعا زى ما قولتى ان احنا فى هندسة اسيوط عندنا دكاتره متميزين علشان كده الهدف من الموضوع ان احنا نعرف كل طلبة الكليه بالدكاتره المتميزين علشان نكون فخورين بيهم
لانه من عومل تحديد مستوى اى كليه او جامعه قوة الاساتذه فيها .

على فكره موقع جامعه اسيوط فيه تاريخ حياعه كل الدكاتره فى الجامعه

وعلى رؤسهم د/ مازن محمد شفيق

اللى يعتبر من احسن 10 علماء فى الجهدد العالى"high voltage" والمجال الكهربى

فعلا الموقع فيه معلومات عن الدكاتره بما فيهم طبعا العالم الدكتور مازن لكن مش للدرجه الكبيره دى بس على الاقل فيها قدر كافى الى حد ما .
وممكن هو ده السبب اللى خلانى تراجعت شويه عن الموضوع.
شكرا على الرد والاهتمام

بسم الله الرحمن الرحيم
هاى يا جماعة انا لية بدرى مادخلتش بس دة بسب الامتحانات اتمنىالكم التوفيق وعلى فكرة الموضوع دة جامد بس انا مع مهندسة هند ان التعرف على المواد هيكون افضل وطريقة الاستفادة منها علشان نعرف نطبقها فى الحياة العملية بس الكلام دة مش هينفع دلوقتى لان الامتحانات على الابواب ويارب الناس كلها تنجح
مهندس خالد الفرقة 2 مدنى

بسم الله الرحمن الرحيم
هاى يا جماعة انا لية بدرى ما دخلتش السايت بس دة بسب الامتحانات بس اول ما دخلت لقيت الفكرة الجامدة دى وليا تعليق صغير فى الاول انا مع مهندسة هند فى ان التعرف على المواد هيكون افضل من الناحية العملية بحيث تعرف بتتزاكر ازاى وازاى ممكن نستيفد منها بحيث نطبق لكن ممنكرش ابدا اننا بنتعلم على يد دكاترة عظيمة فى كل الاقسام شكرا واتمنالكم التوفيق والنجاح كلكم امييييييييييييين
مهندس خالد الفرقة 2 مدنى

بسم الله الرحمن الرحيم
سلام عليكم يا جماعة ازيكم انا لية بدرى ما دخلتش نت ودة بسب امتحانات اعمال سنة اتمنالك التوفيق جميعا وبرافوووووووووو عليك يا تيمو على الفكرة جى بس انا مع مهندسة هند فى ان التعرف على المواد هيكون افضل من التعرف على الدكاترة بس مع عدم نكران الجميل لاساتدزتنا العظماء اللى الواحد بيفخر انس بيدرس منهم وبرضة موضوع النقاش دة جميل علشان نخلى النادى حيوى كدة على طول ومتنسوش كلكم انك تدعوا اصحابكم وزملائكم للدخول فى الموقع والمشاركة الفعالة فى النادى
شكراا مهندس خالد 2 مدنى

بسم الله الرحمن الرحيم
سلام عليكم يا جماعة ازيكم انا لية بدرى ما دخلتش نت ودة بسب امتحانات اعمال سنة اتمنالك التوفيق جميعا وبرافوووووووووو عليك يا تيمو على الفكرة دى بس انا مع مهندسة هند فى ان التعرف على المواد هيكون افضل من التعرف على الدكاترة بس مع عدم نكران الجميل لاساتزتنا العظماء اللى الواحد بيفخر انه بيدرس منهم وبرضة موضوع النقاش دة جميل علشان نخلى النادى حيوى كدة على طول ومتنسوش كلكم انك تدعوا اصحابكم وزملائكم للدخول فى الموقع والمشاركة الفعالة فى النادى
شكراا مهندس خالد 2 مدنى

فكرة جميلة لكن تفتقر الهدف القوي

وبعدين موقع جامعة اسيوط فيه السير الذاتية لكل الدكاترة في جميع الاقسام بالاضافة الى ارقام تليفوناتهم المحمولة

على العموم انا ان شاء الله ناوي اكتب عن أبرز دكاترة قسم مدني و_يعني_ اذاي ممكن الواحد يتعامل مع المواد بتاعتهم بالطريقة المثلى . بس ده في الاجازة ان شاء الله لااننا حاليا داخلين في امتحانات
والله الموفق ......
حسن محمد محمد _ قسم مدني