http://img.photobucket.com/albums/v204/BOSSNEMO/besmala5-1.gif
السلام عليكم ورحمه الله وبركاته

ان شاء الله يا جماعة انا هبتدى اشرح كورس GSM كامل ان شاء الله .
وان شاء الله مش هسيب اى حاجة فى الكورس الا لما اشرحها .
على فكرة الكورس ده مهم جدا للناس الى عاوزين يشتغلوا فى شركات الاتصالات
وان شاء الله لما يخلص الكورس ده هبتدى فى كورس ال gprs وكورس ال CDMA وكورس ال UMTS .
المهم خلينا الاول فى كورس ال GSM الكورس ده جميل وممتع جدا وشيق وانا عاوزكم تدونى رأيكم فى الشرح واى حد يحتاج يفهم اى حاجة انا جاهز ان شاء الله .وان شاء الله الشرح هيكون بطريقة سلسة وجميلة ان شاء الله ..
فى حاجة مهمة
الشرح هيكون من منهج معمول بالبوربوينت وانا هعرضهلكم على هيئة صور العرض ده بتاع المهندس/ وليد الصافورى وهو ده المهندس الى انا فهمت منه ال GSM كويس جدا وربنا يباركله ويجعل الشرح ده فى ميزان حسناته..........

http://img.photobucket.com/albums/v204/BOSSNEMO/Slide1.jpg
نبدأ باذن الله تعالى

http://img.photobucket.com/albums/v204/BOSSNEMO/Slide2.jpg

ده يا جماعة الكورس بتاعنا وهو بيتكون من خمس شباتر

الاول هيبقى فيه تعريف بالنظام والتكنولوجيا المستخدمة فيه وغيره
الثانى هنتكلم فيه عن مكونات نظام الGSM
الثالث هنتكلم فيه عن الباند بتاع النظام وتقسيمه وطرق الارسال
الرابع هنتكلم فيه عن المراحل الى بتمر بيها الاشارة من اول الميك بتاع التليفون الى الارسال والاستقبال
الخامس هنتكلم فيه عن بروتوكولات التعامل بين اجزاء الشبكة

نبدا باذن الله فى المقدمة

http://img.photobucket.com/albums/v204/BOSSNEMO/Slide3.jpg

دى يا جماعة الحاجات الى المفروض انها تكون موجودة فى اى نظام اتصالات ناجح

اولا : توصيل اكبر قدر من المعلومات من المرسل الى المستقبل
ودى طبعا هتعتمد على الباند بتاعى بتاع الموبايل لك انا ممكن
اقسم الباند بتاعى الى مجموعة كبيرة من ال Channels وبكدة اكون
زودت ال Capacity لكن ال Quality هتقل لان ال B.W لكل Channel
هيقل يعنى لازم يكون فى حل وسط وهنشوف ال GSM حل الموضوع ده ازاى.

ثانيا : توصيل المعلومة فى اقصر وقت ممكن
احنا طبعا يا جماعة ساعات بنلاحظ واحنا بنتفرج على متش كورة
مثلا ان واحنا فى البيت بنلاقى ان الجون دخل والناس هيصت على
القهوة والكورة عندنا لسة فى نص الملعب وبعد كدة نلاقى الجون
دخل وده طبعا زى محنا عارفين علشان اكيد هنكون احنا بنتفرج
على الماتش على قنا فضائية والى فى القهوة بيتفرجوا على قناة
ارضية وده ينتج عنه تاخير فى الاشارة عبال لما ترسل ثم تستقبل من
القمر الصناعى ويعاد ارسالها مرة اخرى .
وطبعا الموضوع ده مش مقبول فى النظام بتاعنا

ثالثا : محاولة القضاء على ال error الموجود فى الاشارة
طبعا احنا بنرسل فى وسط مليان Noise وهو الهواء ومعنى كدة ان
الاشارة بتاعتنا هتوصل مليانة error . هنشوف ان شاء الله الحلول
الى عماناها علشان نحاول نخلى المعلومة المستقبلة بنقاء كويس.

http://img.photobucket.com/albums/v204/BOSSNEMO/Slide4.jpg

طبعا احنا شايفين الاتنين دول كانت وسيلة الاتصال الوحيدة ايامها هى الكلام


لكن الانسان فى تطور لقى انه لازم يكون فى وسيلة افضل للاتصال

http://img.photobucket.com/albums/v204/BOSSNEMO/Slide7.jpg

بقى يولع شجرة زى محنا شايفين او يشاور ببيارق او يعمل صوت كبير بالطبول وغيره لكن لسة برده الوسائل دى محدودة جدا .

http://img.photobucket.com/albums/v204/BOSSNEMO/Slide8.jpg

وفضل الانسا فى تطور لغاية لما اختع اول وسيلة لنقل المعلومات بسرعة كبيرة وهة التلغراف ودى كانت بتطتلب مد اسلاك بمسافات كبيرة .وكان بيستخدم اشارة مورس ودى طبعا متعبة جدا على المرسل والامستقبل علشان كدة لو حاولت تيعت تلغراف هتلاقيهم بيحاسبوك على الحرف..

http://img.photobucket.com/albums/v204/BOSSNEMO/Slide5.jpg

http://img.photobucket.com/albums/v204/BOSSNEMO/Slide6.jpg

http://img.photobucket.com/albums/v204/BOSSNEMO/Slide9.jpg

http://img.photobucket.com/albums/v204/BOSSNEMO/Slide10.jpg

وطبعا اى نظام اتصال بيتكون من مرسل ومستقبل ووسط لنقل المعلومة
والوسط هنا اما ان يكون باسلاك زى التليفون الارضى .الى اخترعه جرهام بل وكان الاول بيستخدم نظام السويتشات يعنى لو حضرتك عاوز تتصل باى حد يقوم عامل يوصلك بسوكت مع الاخ الى انت عاوز تتصل بيه يعنى الموضوع يدويا وده طبعا متعب جدا وعاوز عمالة كبيرة جدا وبيتكلف كتير وخصوصا مع زيادة المستخدمين وهنا ومع التطوير اصبح التليفون الارضى بيستخدم سويتشات الكترونية سهلت كتير اوى

http://img.photobucket.com/albums/v204/BOSSNEMO/Slide12.jpg

او بدون اسلاك زى شبكة المحمول.

http://img.photobucket.com/albums/v204/BOSSNEMO/Slide11.jpg

طيب تعالوا نعمل مقارنة بي الاتصال السلكى والاتصال الاسلكى
من حيث اولا : نسبة الفقد
بالطبع النظام اللاسلكى اكثر فقدا للاشارة من النظام
السلكى .

ثانيا : امكانية التحرك
اكيد النظام اللاسلكى هو الذى يملك القدرة على التحرك

ثالثا : الامان
النظام السلكى اكثر امنا فى نقل المعلومة لكن هنشوف
احنا عملنا اية فى الGSM علشان نخليه امن جدا .

رابعا : ال B.W
لكل نظام ظروفه فى ال B.W فمثلا بالنسبة للنظام السلكى
لكل سلك وله الخولص بتاعتة وال Frequency الى يقدر
يشيلها وبالنسبة للنظام اللاسلكى هيبقى حسب الباند الى
انا محكوم بيه

خامسا : التكلفة
ودى مش هنقدر نحكم عليها الا بعد معرفة المسافة


CH 1

http://img.photobucket.com/albums/v204/BOSSNEMO/Slide13.jpg

طيب تعالوا نشوف انواع التليفونا عموما

طبعا النوع الاول هو التليفونات الارضية العادية
النوع الثانى وهو التليفون اللاسلكى
النوع الثالث وهو التليفونات المحمولة

طيب تعالوا نشوف طرق الارسال والاستقبال فى الظم اللاسلكية

http://img.photobucket.com/albums/v204/BOSSNEMO/Slide14.jpg

ده اول نوع : وبيكون فيه المرسل يقوم بالارسال فقط وذلك طوال الوقت
زى التليفزيون والراديو

http://img.photobucket.com/albums/v204/BOSSNEMO/Slide15.jpg

وده النوع الثانى : وبيكون المرسل والمستقبل بيرسلو ويستقبلوا ولكن مش فى
نفس الوقت يعنى لازم تحدد الاول اذا كنت هترسل ولا
تستقبل . وده بيكون على نفس ال Channel
زى اللاسلكى بتاع الشرطة


http://img.photobucket.com/albums/v204/BOSSNEMO/Slide16.jpg

وده النوع الثالث : وبرده المرسل والمستقبل بيرسلوا ويستقبلوا ولكن ده
بيتم فى نفس الوقت وعلى قناتين مختلفتين 2Channel

طيب يا ترى احنا بننقل المعلومة ازاى يعنى اية التقنية الى احنا بنستخدمها فى نقل المعلومات من المرسل الى المستقبل .طب متيجوا نشوف التقنيات المستخدمة اصلا فى النظم اللاسلكية.

http://img.photobucket.com/albums/v204/BOSSNEMO/Slide17.jpg

تعالوا بقى نشوف نوع نوع من الانواع دى ونشوف بيشتغل ازاى ونعرف احنا بنستخدم اية فى ال GSM

http://img.photobucket.com/albums/v204/BOSSNEMO/Slide18.jpg

النوع الاول وهو frequency division multiplexing او FDM

http://img.photobucket.com/albums/v204/BOSSNEMO/Slide18a.jpg

وهو تقسيم الباند بتاعى الى مجموعة من ال carrier بحيث يكون لكل user ال carrier الخاص به سواء كان بيتكلم او لا . وده طبعا هيخلى ال capacity قليلة جدا

http://img.photobucket.com/albums/v204/BOSSNEMO/Slide19.jpg

وده النوع الثانى وهو time division multiplexing اوTDM

http://img.photobucket.com/albums/v204/BOSSNEMO/Slide19a.jpg

وهي تقسيم الـ channel لعدد من الـ time slots
وكل user له الـ time slot الخاص به سواء كان بيتكلم او لا .وبرده كانت فى نفس المشكلة وهى صغر ال capacity

ثوانى يا جماعة هو يعنى اية اصلا انى اقسم الباند الى carrier او انى اقسمه ال time slots هو ال time بيتقسم اصلا .
بصوا يا جماعة هفرض ان الباند المسموح لية من 900 mhz الى 1000 mhz
يعنى المسموح لية هو 100 mhz بس وده ال frequency الى انا هحمل عليه الاشارة طبعا مش الاشارة نفسها. ماشى .طيب دلوقتى انا عاوز ابعت اى معلومة هعمل اية ؟ طبعا مش ممكن انى ابعت المعلومة دى على ال 100 mhz دول وبس لا انا هحتاج الى ابعت كذا معلومة فى نفس الوقت طيب متيجوا نقسم ال 100 ميجا دول الى 10 اقسام كويس يعنى كدة ممكن ابعت ل 10 مستخدمين مرة واحدة فى نفس الوقت .(طب ولية عشرة لان مش هينفع ابعت ل 2 مستخدمين على نفس التردد فى نفس الوقت هيحصل تداخل )
طب متخلينا نفسمهم الى 100 قسم يعنى ممكن ابعت ل100 مستخدم مرة واحدة مش كدة .عظيم انا كدة زودت العدد ....خد بالك منقدرش نقسمها الى عدد كبير اوى كدة علشان كل لما التردد بتاع 2 مستخدمين يقرب م بعضه اوى كدة كل لما هيسببلى شوشرة وتداخل عارفين زى اية زى لما تلاقى فيه قناتين راديو داخلين على بعض ..يبقى لازم الموضوع يبقى محكوم شوية فعندى فى ال GSM بخلى كل carrier يساوى 200 هرتز ..
بالنسبة للوقت يا جماعة الوقت مش بيتقسم بالمعنى المفهوم لكن هو الى بيحصل انى ببعت اشارة على تردد معين وبعدها علطول ابعت اشارة تانية على نفس التردد وبعديها علطول اشارة تالته على نفس التردد وهكذا يبقى انا كدة بعت على نفس التردد من غير ميبقى فى تداخل وهى دى نظرية عمل ال TDM.طبعا ممكن واحد يقول هو لما اعمل كدة المستخدم مش هيحس بتاخير .كفاية انك تعرف انى ببعت ل 8 مرات فى كل 20 مليثانية تخيل وطبعا الانسان مش بيحس بالفرق البسيط ده عموما الكلام ده هنقوله ان شاء الله بالتفصيل .....

نرجع تانى لموضوعنا
طبعا انتوا شايفين ان الكلام ده مينفعش ده انا عندى النهرده ملايين شايلين موبيلات .. وانا بحجز لكل واحد تردد خاص به مش هينفع
طب والحل اية.......


http://img.photobucket.com/albums/v204/BOSSNEMO/Slide20.jpg


النوع التالت
ال frequency division multiple access او FDMA
وهي مثل الـ FDM ولكن ليس كل user له الـ carrier الخاص به بمعنى انه يتم تبادل الـ carriers في حين وجودها خاليه

http://img.photobucket.com/albums/v204/BOSSNEMO/Slide21.jpg

النوع الرابع
ال time division multiple access او TDMA
وهي تقسيم الـchannel الواحدة لعدة frames
وكل frame يحتوي علي عدد من الـ time slots
وكل user له الـ time slot الخاص به ولكن كل مجموعة
من الـ users تشترك في radio frequency واحدة
وعددهم ثابت . وهذا النوع غير مستخدم غالبًا

النوع الخامس
ال time division multiple access/frequency division multiple
access
او TDMA / FDMA
وهي من مسماها مزيج بين النوعين ونقوم فيها بتقسيم كل band الى عدة channels وكل channel لعدة frames و كل frame لعدة time slots وكل user يرسل في time slot واحد
ولحساب عدد user يتم حساب عدد الـcarriers مضروب في
عدد الـ time slots للـ frame الواحد
وفى اى وقت نقول فيها TDMA يبقى المقصود TDMA / FDMA تمام يا جماعة

طيب تعالوا بقى نشوف البدايات بتاعة الموبايل بتاعنا من اول الجيل الاول الى الجيل التالت ونعمل بينهم مقارنة

تعالوا نبدأ من الاول خالص من قبل الجيل الاول حتى


http://img.photobucket.com/albums/v204/BOSSNEMO/Slide23.jpg

طبعا انتوا شايفين الراجل الى على العربية ده الجهازالى جمبه ده عبارة عن الموبايل الاول ونظرا لانه كان لازم يتشال على عربية فعلشان كدة اشتقوا اسم الموبايل من اسم العربية .اوتوموبيل

http://img.photobucket.com/albums/v204/BOSSNEMO/Slide22.jpg

وكان النظام القديم ده مشاكله كتير اوى زى محنا شايفين كان غالى جدا ومفيهوش ربط بين المناطق البعيدة والسعة بتاعة المستخدمين قليلة وال power المرسلة من الابراج بتاعته كانت مضرة على الانسان

تعالوا بقى نشوف ال First Generation

http://img.photobucket.com/albums/v204/BOSSNEMO/Slide24.jpg

زى محنا شايفين دى كانت الخصائص بتاعته
كان بيستخدم analog system وطبعا احنا عارفين مشاكل ال analog
وعموما احنا هنعمل مقارنة بين ال analog system وال digital system
كمان شوية
وكان كل دولة ولها نظام معين وتردد معين شغالة عليه يعنى مينفعش يبقى فيه تجوال
كمان مكنش بينقل الا صوت وبس
وبالطبع علشان التشفير فى ال analog systems صعب ومكلف فمكنش فيه تشفير للمعلومات المرسلة
وكان بيستخدم ال FDMA
وكان بيستخدم ال Frequency Modulation

http://img.photobucket.com/albums/v204/BOSSNEMO/Slide25.jpg

http://img.photobucket.com/albums/v204/BOSSNEMO/Slide26.jpg

طيب تعالوا نشوف ال Second Generation

http://img.photobucket.com/albums/v204/BOSSNEMO/Slide27.jpg

الجيل التانى ظهر فى اوائل التسعينات
وكان بيستخدم نفس التردد على مستوى الدول كلها علشان كدة كان فيه موضوع التجوال .واستخدمنا فيه ال digital system علشان كدة قدرنا نعمل تشفير للبيانات بسهوله وقدرنا ننقل data عبارة عن SMS فى الاول لغاية لما الموضوع تطور وبقينا ندخل على النت وننقل رسايل مالتيميديا بعد ادخال تقنية ال GPRS

http://img.photobucket.com/albums/v204/BOSSNEMO/Slide28.jpg

واستخدمنا فيه ال TDMA وعلشان كدة ال capacity بقت كبير (احنا قلنا لما نقول TDMA يبقى قصدنا TDMA/FDMA )
وطبعا الموبايل نفسه تطور وبقى صغير

http://img.photobucket.com/albums/v204/BOSSNEMO/Slide29.jpg

وده الباند المستخدم فى الدول المختلفة

http://img.photobucket.com/albums/v204/BOSSNEMO/Slide30.jpg

ودى التغطية بتاعة الجيل التانى وزى محنا شايفين التغطية تعتبر فى جميع انحاء العالم..المناطق الى مفيهاش تغطية دى زى اليابان وامريكا الجنوبية كانت بتستخدم انظمة اخرى غيى ال 2G


وده ال Third Generation
http://img.photobucket.com/albums/v204/BOSSNEMO/Slide31.jpg

وطبعا الجيل التالت بقى يخلينا نتكلم فى اى حتة حتى لو مفيهاش تغطية وده عن طريق القمر الصناعى
وكمان رسائل الوسائط المتعددة زى الفيديو والصور وغيره
واستخدم تقنية جديدة وهى الً WCDMA
واستخدم كمان ال smart anttena وان شاء الله هنقول عنها نبذة صغيرة ادام شوية...........

http://img.photobucket.com/albums/v204/BOSSNEMO/Slide31a.jpg

ده جدول فية مقارنة بين جميع الاجيال


طيب احنا قلنا ان احنا استخدمنا digital system من اول الجيل التانى يعنى حولنا من analog الى digital طيب يا ترى لية عملنا كدة
طب متيجوا نشوف الفرق بين النظام ال analog والنظام ال digital
احنا الاول هنعمل شوية حاجات نقرن من خلالها

http://img.photobucket.com/albums/v204/BOSSNEMO/Slide44.jpg

اول حاجة : ال capacity
من مزايا النظام الرقمى هى امانية ضغط الاشارة بكفاءة كبيرة جدا طب هو الضغط ده مش هيقلل عدد ال bits طب مكدة يبقى الاشارة الى هرسلها هتبقى صغيرة يبقى كدة انا قللت ال B.w بتاعى صح يبقى هقدر اخلى المستخمين اكتر وطبعا الكلام ده مش موجود فى ال analog system

تانى حاجة : التوافق مع باقى الانظمة
طبعا ال GSM مش نظام لوحده لا ده فى انظمة كتيرة بيتعامل معاها زى الانترنت وال ISDN وغيره يبقى لازم يكون متوافق مع الانظمة دى

تالت حاجة : التكلفة
ودى طبعا لان الانظمة الرقمية بتستخدم hardware تكلفتة اقل بكتير من الانظمة التشابهية زى التشفير زى ماهنشوف

رابع حاجة : نقاء وجودة الاشارة المرسلة

http://img.photobucket.com/albums/v204/BOSSNEMO/Slide31b.jpg

يعنى زى محنا شايفين فى الاشارة ال analog ممكن ال noise تبوظ الاشارة خالص ولما استقبلها هلاقسها بايظة وقيمها اتغيرت

http://img.photobucket.com/albums/v204/BOSSNEMO/Slide31c.jpg

اما بالنسبة للاشارة ال digital فهى عبارة عن 0 و 1
يعنى ال noise مش هتاثر عليها بشكل كبير اوى .الا اذا كانت noise عالية شوية ممكن تخلى ال0 يبقى 1
ودى حلها بسيط انى بعمل خانة فيها bit بتوضحلى عدد ال 0 وال 1 الموجودين فى الاشارة غير كدة انا بعمل
error ditection and correction للاشارة فى الاستقبال زى ماهنشوف ان شاء الله

خامس حاجة : تشفير المعلومة المرسلة
التشفير فى ال analog صعب ومكلف واصلا الاجهزة الى هستخدمها علشان اعمل تشفير هتاثر على الاشارة
اما بالنسبة لل digital فالتشفير سهل جدا وفى طرق كتير للتشفير زى ان شاء الله ماهنشوف.

نبدا ان شاء الله فى بنية نظام ال GSM


ارجوا من السادة الاعضاء التفاعل معايا علشان لو فى فايدة من الشرح ده اكمله ولو مفيش حد هيستفاد منه ياريت تقولولى ....وانا ان شاء الله فى الخدمة وجاهز ان شاء الله للرد على اى سوال

جزاك الله كل خير والله ابداع بجد
ربنا يجعلة فى ميزان حسناتك
اكمل يا اخى على بركة الله

ونرجو من المشرفين على المنتدى تثبيت الموضوع نظرا للفائدتة
والجهدالعظيم المبذول فية

اخي الفاضل اشركك من كل قلبي على هذا الطرح القيم والمفيد واسال المولى ان يجعلة في ميزان حسناتك ..
اعرفك بنفس انا مهندس اتصالات ( bss ) اعمل في شركة جي اس ام منذ ثلاث سنوات ياريت نكون اصدقاء ونتبادل المعلومات سوف ارسلك ايميلي برسالة خاصة ز

متشكرين اوى يا عمرو على الرد الجميل ده وان شاء الله ربنا يكرم واكمل

الاخ امير المحبة شرفنى مرورك والله يا باشا وان شاء الله هبعتلك اميلى على الخاص وجزاك الله خيرا

هنبدا ان شاء الله يا جماعة فى بنية نظام ال GSM
طبعا يا جماعة احنا بنتعامل مع نظام لاسلكى علشان كدة لازم يكون فية محطات ارسال واستقبال فى جميع المناطق الى عاوزين نعمل فيها تغطية المحطات دى بنسميها Base Transceiver Station او Base Station وهنكلم عنها ان شاء الله فى الشبتر الى جاى
والمنطقة الى بتغطيها الBTS هنسميها cell تمام
طب فى ال cell دى هنخلى فيها الباند كله مثلا .طب لو خلينا فيها الباند كله لما نحط cell تانية جمبها هيبقى فى مشكل ال interference بينهم . طب الحل اية

http://img.photobucket.com/albums/v204/BOSSNEMO/slide31d.jpg

طيب احنا ممكن نبعد ال الاتنين عن بعض شوبة علشان ميحصلش interference

http://img.photobucket.com/albums/v204/BOSSNEMO/slide31e.jpg

بس المشكلة هنا ان هيبقى فى dead zone بينهم مفيهاش تغطية
طب والحل .... الحل ان احنا نخلى بين الاتنين cell الى بيسنتخدموا نفس التردد اتنين cell فيهم ترددات تانية غير المستخدمين فى الاتنين cell الى هيحصل بينهم تداخل
يعنى وبمعنى اخر احنا هنحاول نخلى مفيش اتنين cell بيستخدموا نفس التردد جمب بعض خالص بس ده هيحصل ازاى ...هنوزع الباند بتاعنا على مجموعة من ال cells بطريقة متساوية ......طيب متيجوا نشوف ال cell دى اصلا بيبقى شكلها اية

http://img.photobucket.com/albums/v204/BOSSNEMO/Slide33.jpg

هى طبعا هتبقى شكلها دائرى وطبعا هنضطر نعمل بينهم تداخل علشان ميبقاش فى منطقة ميتة ولو قربنا الشكل ده هنلاقية بقى شكل سداسى
وهو ده الشكل المتعارف عليه فى اشكال ال GSM cells

طيب يا ترى الاشعاع بيبقى شكله عامل ازاى بيبقى دائرى ولا على الشكل السداسى ده ولا اية

http://img.photobucket.com/albums/v204/BOSSNEMO/Slide34.jpg

لا هو بيبقى شكله مش منتظم خالص وده طبعا علشان الطبيعة الجغرافية وغيره علشان كدة بنلجأ لاساليب القياس فى اماكن مختلفة حول ال cell علشان نقرر ال cell الى هتبقى جمبها موقعها هيبقى فين

طيب تعالو نرجع تانى لموضوع توزيع الباند بتاعنا احنا قولنا ان احنا بنقسم الباند لعدد من ال carriers وبما ان الباند بتاعى ثابت مبيزدش يبقى عدد ال carriers ثابت برده معنى كده ام عدد ال channels فى ال system كله ثابته طيب هنعمل اية لو عاوزين نزود ال capacity
بصوا يا جماعة احنا قولنا اننا هنقسم الباند على ال cells بحيث مخليش اتنين cell بيستخدموا نفس التردد جمب بعض علشان ميحصلش تداخل تمام ...
طيب ياترى هما هيبقوا كام cell ... احنا لو زودنا عدد ال cell المقسمة عليها الباند كله يبقى كدة انا زودت المسافة بين الاتنين cell الى بيستخدموا نفس التردد وبكدة التداخل الى بينهم هيقل صح .. بس فى نفس الوقت ال capacity هتقل اوى لاننا خلينا عدد ال ؤاشىىثمس بتاعتى كلها فى منطقة كبيرة وعدد المستخدمين فيها كبير يبقى هضطر انى اقلل عدد ال cell المقسمة عليها الباند ....طيب هو احسن عدد ليهم اية بعد دراسات لقينا ان احسن عدد يتوزع عليه الباند كله يبقى 7 cells ...

http://img.photobucket.com/albums/v204/BOSSNEMO/slide34a.gif

والمجموعة دى من ال cells بنسميها cluster ......وال cluster ده بيبقى فيه كل الباند بتاعى بالكامل موزع بالتساوى على ال7 cells
الموجودين فيه

http://img.photobucket.com/albums/v204/BOSSNEMO/slide34b.gif

ولو لا حظنا فى التكوين بتاع الشبكة هنلاقى ان احنا خلينا بين كل cell واخرى بيستخدموا نفس التردد اتنين cell زى مهمو موضح فى الصورة الى فوق
ال cells الى لونهم اصفر هما الاتنين cell الى فيهم نفس التردد

كل اتنين cell بيستخدموا نفس التردد بنسميهم co-channels cell

والمسافة الى بينهم بنسميها reuse distance

http://img.photobucket.com/albums/v204/BOSSNEMO/Slide35.jpg

cell sectorization

احنا يا جماعة عاوزين على قد مانقدر نقلل التداخل الناتج عن ال
co-channels

الجماعة الى عملوا نظام ال GSM لقوا انهم لو قسموا ال cell الى اجزاء التداخل هيبقى اقل طب ازاى تعالوا نشوف ...

http://img.photobucket.com/albums/v204/BOSSNEMO/slide35a.gif

فى الصورة الى فوق دى احنا شايفين المستخدم M لو احنا مكناش قسمنا كان هيتأثر بجميع ال cells (الى بتستخدم نفس التردد) الى حوليهيعنى هيتأثر ب 6 cells
لكن بعد التقسيم الى احنا عملناه لاحظوا كده.. هنلاقى ان المستخدم M
بيتأثر باتنين cell بس (وده لو فى مستخدم زيه بيتكلم على نفس التردد فى ال sector المواجه له) يبقى احنا كدة وفى اسوأ الظروف قللنا التداخل بقدار التلتين..

طيب هو احنا بنقسم ال cell دى ازاى

http://img.photobucket.com/albums/v204/BOSSNEMO/Slide36.jpg

زى محنا شايفين فى الصورة الى فوق دى احنا ممكن نقسم ال cell الى 6 اجزاء وده هيقلل التداخل بصورة كبيرة جدا بس احنا كدة هنضطر نركب انتنا فى كل جزء من الاجزاء الا 6 وده طبعا هيبقى مكلف جدا .
علشان كدة احنا هنكتفى بتقسيم ال cell الى ثلاث اجزاء , وكل جزء هيبقى فيه انتنا تشع فيه زى الصورة الى جاية دى

http://img.photobucket.com/albums/v204/BOSSNEMO/Slide36a.jpg


http://img.photobucket.com/albums/v204/BOSSNEMO/Slide42.jpg

هنفرض يا جماعة ان احنا هنعمل تغطية فى منطقة جديدة ولسة مفيهاش كثافة هنعمل اية .. هنا هنخلى ال cells كبيرة شوية ...ثوانى استنوا هو احنا لو كبرنا ال cell عدد ال channels الى فيها هتزيد ولا تقل؟؟؟

ركزوا معايا يا جماعة شوية احنا قولنا ان الباند بتاعى بوزعه فى ال cluster يعنى عدد ال channels فى ال cluster الواحد ثابته تمام ..
طيب هو ال cluster فيه كام cell.. تمام فيه 7 cell بنوزع عليها ال channels معنى كدة ان كل cell فيها نفس عدد ال channels الموجود فى اى cell تانية يعنى عدد ال channels ده ثابت مبيتغيرش ...
معنى كدة انى لو كبرت ال cell او صغرتها مش هتفرق معايا زيادة فى اعداد ال channels ..
امال احنا بنكبر ال cell او نصغرها لية ...
لو فرضنا ان فى مساحة معينة زى الى فى الصورة الى فوق دى
المساحة دة كانت مفيهاش ناس كتير يبقى ممكن اوفر واعمل cell واحدة وهتكفيهمبس الفرق انى هزود ال power المنتجة منها وبس
طيب ولو الكثافة ذزادت فى المنطقة دى ؟ عادى هنزود عدد ال cells
وبكدة يبقى زودنا عدد ال channels بس هنقلل ال power شوية
طيب ولو زادت الكثافة اوى اوى برده هنقلل ال power من كل ال cells
ونزود عددهم .. وده بنسميه splitting cell

http://img.photobucket.com/albums/v204/BOSSNEMO/Slide40.jpg

يبقى انا بعمل cell splitting لما احتاج ازود ال capacity فى منطقة معينة .....

http://img.photobucket.com/albums/v204/BOSSNEMO/Slide40a.jpg

وممكن توصل انى احول cell الى cluster وطبعا بنعيد ترتيب الترددات مرة تانية

طيب تعالوا بقى يا جماعة نشوف انواع ال cells

http://img.photobucket.com/albums/v204/BOSSNEMO/Slide41.jpg

النوع الاول : macrocell

وتستخدم فى المناطق ذات الكثافة القليلة ومداها اعلى من 20 كيلو متر

النوع الثانى : microcell

وتستخدم فى المناطق ذات الكثافة الاكبر واقصى مدى لها 3 كيلو متر

النوع الثالث : picocell

تستخدم فى المناطق ذات الكثافة العالية جدا وتوضع داخل المبانى او المولات او فى الشوارع المزدحمة جدا ومداها حوالى 200 متر.

http://img.photobucket.com/albums/v204/BOSSNEMO/Slide41a.jpg

ويتم ربط جميع ال picocells باسلاك ثم تجميعهم الى انتنا اعلى المبنى

النوع الرابع : highway cell

http://img.photobucket.com/albums/v204/BOSSNEMO/Slide41b.jpg

وتستخدم فى الطرق السريعة وبتبقى ب 2 انتنا بس كل انتنا فى اتجاه من اتجاهات الطريق

http://img.photobucket.com/albums/v204/BOSSNEMO/Slide43.jpg


طيب احنا قولنا ان ال cluster بيبقى فيه كل الترددات الى فى النظام بالكامل والترددات دى بتتوزع على ال cells الموجودة فى ال cluster ده .... طيب تعالوا نشوف الترددات دى بتتوزع ازاى على ال cells

http://img.photobucket.com/albums/v204/BOSSNEMO/Slide45.jpg

هنفرض ان عندنا cluster فيه 3 cells والباند كله عبارة عن 9 ترددات بس تعالوا نشوف المقترحات لتوزيع الترددات دى على ال cells واية المستخدم فعلا فيهم ....

اول اقتراح : Fixed Channel Assignment Teq

وهو ان نقوم بتوزيع الترددات بالتساوى على ال cells
اى ان تكون لكل cell الترددات الخاصة بها
ولكن المشكلة هنا اذا حدث ضغط على cell من ال cells الثلاثة . هيبقى عندى ترددات غير مستخدمة مع انى محتاج ليها

تانى اقتراح : Dynamic Channel Assignment Teq

وهو جعل الترددات جميعها متاحة لاى cell تحتاجها وهو حل رائع
ولكنه سيسبب طول فى مدة اجراء المكالمة لان النظام سوف يقوم بالبحث عن الترددات الشاغرة لاعطاءها للمتصل

ثالث اقترح : Hybrid Channel Assignment Teq

وهنا اخذنا مزايا الاقتراحين معا فسوف نوزع بعض الترددات على ال cells وجعلها ثابتة وسوف نترك بعض الترددات متاحة للجميع


طيب تعالوا بقى نشوف المشاكل الى بتقابل الاشارة بتاعتنا وهى مبعوتة من ال BTS ال MS Mobile Station

بس تعالوا الاول نتكلم عن ال Adaptive Power Control

http://img.photobucket.com/albums/v204/BOSSNEMO/Slide39.jpg

زى محنا شايفين فى الصورة فى حالة ال MS الموجود قريب من ال BTS
هل هتكون ال power المرسلة من ال BTS هى نفسها المرسلة الى ال MS البعيد عنها ...
تقوم ال BTS بحساب المافة بينها وبين ال MS وعلى هذا الاساس تقوم بتحديد قيمة ال power المرسلة لل MS
طيب وده هيفيدنا فى اية ...
اولا بالنسبة للنظام
احنا كدة وبالنسبة لل MS القريب ده قللنا ال power المرسلة وبكدة مسافة الاشارة هتبقى اقصر وبكدة قللنا التداخل مع ال cell الاخرى التى تستخدم نفس التردد
ثانيا بالنسبة لل MS
طبعا ال power المرسلة من ال BTS تساوى ال power المرسلة من ال MS
اثناء المكالمة وطالاما هنقلل ال power المرسلة من الBTS يبقى ال MS هيقلل ال power المرسلة منه برده يبقى احنا كدة حافظنا على التأثير الضار للpower العالية على المستخدم وفى نفس الوقت حافظنا على بطارية الموبايل......الكلام ده كله يحدث اثناء المكالمة فقط...

نرجع بقى لموضوعنا وهو المشاكل التى تتعرض لها الاشارة المرسلة من الBTS الى ال MS

جزاك الله الف خير اخي bossnemo (http://www.tkne.net/vb/member.php?u=74170) vbmenu_register("postmenu_158589", true); وعوضك الله عن تعبك خير

وبوركت

جزاك الله كل خير أيها المهندس الألمعي


واصل بارك الله فيك فشرحك ممتع

واصل يامحمد هذا الشرح المتميز في كل شي ..

بسم الله ما شاء الله
رفع الله قدرك الى منزلة الرسل جزاء ما قمت بافادة الناس وجعله الله فى ميزان حسناتك
وبارك الله لك فى علمك ونحن متشوقييييييييييييييين جدا لاكمال هذا الصرح من المعلومات
وجزائك عند الله لان لساننا قد عجز عن الشكر

thaaaaaaaaaaaaaaaaaaaaaaaaaaaaaaaaaaaaaank you

http://img.photobucket.com/albums/v204/BOSSNEMO/Slide46.jpg
اول مشكلة

Multipath Fading

طبعا يا جماعة احنا بننقل الموجات بتاعتنا فى الهواء وبالطبع من خصائص الموجات دى انها ممكن تصطدم باى جسم وترتد منه مرة تانية ..
طيب معنى كدة ان الاشارة المرسلة من ال BTS الى ال MS بتروح فى كذا مسار تمام
طيب الاشارات دى بقى لما توصل للموبايل اية الى هيحصل . طبعا كل اشارة منهم هتوصل ب phase غير التانية .. المشكلة هنا ان لما توصل الاشارات دى ولانها بنفس التردد هيستقبلها الموبايل وهيجمعها ..طيب تخيل بقى لو مجموع الاشارات دى بقى 0 طبعا مش هيبقى فى اشارة ..طيب افرض بقى ان الموبايل ثابت معنى كدة ان ال paths هتفضل ثابتة وبكدة بقى فى منطقة مفيهاش شبكة خالص .....

طيب هو اية انواع ال Multipath Fading

النوع الاول : Rician fading

http://img.photobucket.com/albums/v204/BOSSNEMO/Slide46a.jpg

وبيكون فيه ال MS وال BTS على خط واحد Line Of Side
وطبعا بيكون فى اشارات تانية جاية من انعكاسات كتيرة
وفى النوع ده مفيش مشكلة لان ال MS بيشوف ال BTS وبالتالى هيكون بيستقبل اشارة ب power عالية ومش هيتأثر بباقى الاشارات

النوع الثانى : Rayleigh Fading

http://img.photobucket.com/albums/v204/BOSSNEMO/Slide47.jpg

وبيكون فيه ال MS فى مكان لا يرى فيه ال BTS يعنى No Line Of Side

وطبعا دى الحالة الاكثر شيوعا ..وهنا بتكون المشكلة ان لما الاشارات المرتدة من الاجسام الى حول الموبايل وصلت الى الموبايل ومحصلتها 0 .

طيب تعالوا نشوف اية الى قاله عم Rayleigh ده
نظرية Rayleigh بتقول انه وفى حالة ارسال اشارة معينة من المرسل الثابت الى المستقبل الثابت فى نفس المسار ولكن بترددين مختلفين فان نتيجة ال Fading ستكون مختلفة.

طيب تعالوا بقى نشوف اية الحلول الى عملوها علشان موضوع ال fading ده

http://img.photobucket.com/albums/v204/BOSSNEMO/Slide48.jpg

الحل الاول هو ال Microscopic Diversity Techniques

http://img.photobucket.com/albums/v204/BOSSNEMO/Slide49.jpg
http://img.photobucket.com/albums/v204/BOSSNEMO/Slide50.jpg

وده عبارة عن ثلاث اقتراحات

الاول : Time Diversity Technique

وهوببساطة ان احنا نرسل نفس الاشارة للموبايل ولكن بزمنين مختلفين يعنى نبعت الاشارة وبعد زمن T نرسل نفس الاشارة تانى وبكدة نكون غيرنا الالمسار بتاع الاشارة صح ......لا بس استنوا ده بيعتمد ان احنا بنتعامل مع موبيل يعنى ده بيعتمد ان الموبيل ده بيتحرك فمع الاشارة الاولى هنفرض انها وصلت فى مسار خلاها ب 0 بعد زمن t بعتنا اشارة تانية هيكون الموبيل اتحرك وبكدة الاشارة التانية دى هيبقى اكيد ليها مسار تانى لان الموبيل اتحرك مش كدة .... بس هنفرض بقى ان المستخدم ده بيتكلم وهو ثابت مش بيتحرك يبقى انا بعتله اشارتين على الفاضى لانهم هيوصلوا فى نفس المار ...يبقى الاقتراح ده فاشل ...تعالوا نشوف الاقتراح التانى

الثانى : Frequency Diversity Technique

وفيه بيتم ارسال الاشارة بتاعتنا الى الموبيل ولكن مبتبقاش اشارة واحد لا هما فى الحقيقة اشارتين ولكن تردد الاشارة الاولى غير تردد الاشارة التانية .. طيب وهنستفاد اية ...طيب ممكن برده يكون الموبايل ثابت....ماشى طيب هو احنا كنا اتكلمنا عن الى اسمه Rayleigh ده لية
افتكر كدة الراجل ده كان بيقول اية . كان بيقول ان احنا لو بعتنا من مرسل ثابت الى مستقبل ثابت بترددين مختلفين (يعنى الاشارتين هيسلكوا نفس المار لان المستقبل الى هو الموبايل ثابت ) هيكون ال fading مختلف..
يبقى احنا كدة حلينا الموضوع ده كل مستخدم هياخد ترددين نبعتله فيه اشارتين وعلى اسوأ الظروف اكيد واحدة فيهم هتوصل كويسة...ثوانى كدة انت قولت اية كل مستخدم هياخد ترددين . هى ناقصة مش هينفع طبعا ده انا عندى مشكلة فى الباند بتاعى وبعانى من صغره هقوم ادى كل مستخدم ترددين ..مش هينفع برده يبقى الاقتراح ده فاشل مش هينفع

الثالث : Space Diversity Technique

هنا ياجماعة بنعمل اية ..احنا قولنا اننا بقسم ال cell بتاعتى الى ثلاث اقسام صح . كل قسم بيبقى فيه انتنا مخصصة ليه تمام .طيب محنا ممكن نحط فى كل قسم 2 انتنا بحيث تكون واحدة فوق وواحدة تحتحا شوية ...طيب وهو ده هيفيدنا فى اية ...لا استنا الاتنين انتنا هيبعتوا نفس الاشارة للموبايل ولان كل انتنا فى مكان متغير عن التانية يبقى كدة كل اشارة هتروح فى مسار غير الاشارة التانية ....احنا كدة حلينا المشكلة..بس فى مشكلة تانية هى التكلفة لو لاحظت احنا كدة ضاعفنا عدد الهوائيات فى كل BTS يبقى كدة التكلفة هتبقى عالية جدا ..علشان كدة احنا بنستخدم الموضوع ده فى المناطقى الى بنلاحظ ان ال fading فيها بيبقى عالى قوى ...اما اى منطقة تانية فبنستخدم تقنيات تانية....

طيب تعالوا بقى نشوف الطرق المستخدمة فى الموبايل لاستقبال الاشارة

http://img.photobucket.com/albums/v204/BOSSNEMO/Slide51.jpg

الطريقة الاولى : Selective Technique

ببساطة هى اختيار الاشارة الافضل عند استقبالها وترك الاشارة الضعيفة

الطريقة الثانية : Maximal Ratio

هو استخدام ميكرو بروسيسور فى الموبايل ليقوم بتكبير الاشارة الضعيفة بمقدار كبير وتكبير الاشارة الاكبر بمقدار اكبر وهكذا وهذه العمليات يتحكم فيها الميكروبروسيسور. زلكنها طريقة معقدة وستكون مكلفة

الطريقة الثالثة : The Equal Gain

ضرب الاشارات المستقبلة فى نفس القيمة وتكبيرها جميعا دون استخدام الميكرو بروسيسور ولكن لن نستفيد شيئا بضرب الاشارات جميعها فى نفس القيمة ...

الطريقة المستخدمة فعلا هى الطريقة الاولى



الحل الثانى : Frequency Hopping

http://img.photobucket.com/albums/v204/BOSSNEMO/Slide51a.jpg

اجنا قولنا يا جماعة ان بتغيير التردد يتغير ال fadingحتى لو على نفس المسار .ال Frequency Hopping هو القفز بين جميع الترددات بسرعة كبيرة وبذلك سيتغير ال fading حتى لو المستخدم ثابت .طيب هو القفز ده اد اية بالظبط ..يصل الى 217 hop/sec

الحل الثالث : Interleaving Technique

هو تقطيع المعلومة المرسلة الى نصفين .نصف نقوم بارساله ونقوم بارسال النصف الاخر فى الفريم الذى يليه ..وعموما سنتكلم عنها ال Interleaver فى حينه

الحل الرابع : Adaptive Power Control

وهو ان نقوم بزيادة ال Power للمستخدم الذى يعانى من ضعف الاشارة بسبب ال fading



احنا كنا بنتكلم عن الحاجات الى بتواجهها الاشارة المرسلة وكان اول ححاجة اتكلمنا عنها ال Multipath Fading بانواعه ال rician وال rayleigh واتكلمنا عن الحلول بتاعتهم
تانى حاجة هنتكلم عنها فى المشاكل الى بتواجه الاشارة هى

Shadow Fading

http://img.photobucket.com/albums/v204/BOSSNEMO/Slide52.jpg

بصوا يا جماعة لو فى واحد بيتكلم فى الموبايل بتاعه وهنفرض انه عدى جمب جبل عالى بعربيته مثلا ايه الى هيحصل ..اكيد الاتصال بينه وبين ال BTS هينقطع صح..
طب وبعدين ...ال MS بيقوم بقياس قوة الاشارة الى جياله من جميع ال BTSs الى حواليه وعلى هذا الاساس يقوم باختيار ال BTS ذات اقوى اشارة ويعمل عليها حاجة اسمها Handover ..وذلك اثناء الاتصال.. يبقى لما ال MS يلاقى قوة الاشارة فى BTS من الى حواليه اقوى من الاشارة الى جاياله من ال BTS الى موجود فى نطاقها يتم تحويله الى ال BTS الاقوى فى الاشارة وذلك عن طريق الامر الصادر من ال BSC ...والكلام ده ان شاء الله هنتكلم عليه بالتفصيل ان شاء الله ....

تالت مشكلة

Doppler Shift

http://img.photobucket.com/albums/v204/BOSSNEMO/Slide53.jpg

طبعا كلنا عارفين نظرية دوبلر ..وعموما احنا هنتكلم عنها شوية
عمر حد فينا كان راكب عربيته او عربية ميكروباص وهو على الطريق الصحراوى ولقى ادامه لجنة بتقوله انه تجاوز السرعة القانونية .. طيب هى الناس دى عرفت ازاى ان انت ماشى على سرعة عالية ...هما عرفوا سرعتك ازاى ؟
العالم دوبلر ده قال ان لو فى تردد بنرسله فى اتجاه معين وفى جسم بيسير بسرعة فى اتجاهنا. . التردد ده لما نستقبله هنستقبلة وهو بتردد اعلى من التردد الى ارسلناه بيه.. الفرق ده الى بين التردد المرسل والتردد المستقبل بنسميه تردد دوبلر وهو بيتناسب مع سرعة الجسم ده..

http://img.photobucket.com/albums/v204/BOSSNEMO/Slide53a.gif

يبقى وبحسبة صغيرة هنعرف سرعة الجسم ده لما نستقبل التردد الى احنا ارسلناه ..اما لو كان الجسم ده بيسير فى اتجاه عكس اتجاه الارسال فالتردد الى اجنا هنستقبلة هيبقى اقل من التردد الى احنا ارسلناه....
وطبعا الموضوع ده بيحصل فى النظام بتاعنا لو ال user بيتكلم فى الموبايل وهو راكب عربية وبيمشى بسرعة كبيرة ...
وطبعا ده هيسبب مشكلة فى الارسال والاستقبال لان ال MS وال BTS خلاص اتفقوا على التردد الى هيشتغلوا عليه. وخلاص ال MS ظبط الفلتر بتاعه على التردد ده وطبعا بسبب السرعة الى ماشى بيها ال MS التردد هيختلف وبالتالى الاشارة الى بيستقبلها ال MS هيتشال منها جزء كبير بسبب ال Band Pase Filter الى خلاص متظبط فى ال MS ...
طيب والحل
هنعمل Synchronization بين ال BTS وال MS
يعنى هنعمل عملية توافق بينهم فى التردد وذلك حسب السرعة الى ماشى بيها ال MS

المشكلة الرابعة

Co-Channel Interference

http://img.photobucket.com/albums/v204/BOSSNEMO/Slide54.jpg

وهى التداخل بين ال cells التى تستخدم نفس التردد
والحل هو عمل تقسيم لل cell زى متكلمنا قبل كدة عنه cell sectorization
الحل التانى هى زيادة ال power المرسلة من ال BTS الى ال MS

المشكلة الخامسة

Adjacent Channel Interference

http://img.photobucket.com/albums/v204/BOSSNEMO/Slide55.jpg

ركزوا معايا يا جماعة شوية
احنا قولنا قبل كدة ان احنا بنقسم الباند بتاعنا كله على ال cluster واتكامنا ازاى بنقسم الترددات دى على ال cells ....طيب احنا لو وزعنا الترددات بالترتيب جوه نفس ال cell
طيب هو مش ممكن يحصل تداخل بين التردد والتردد الذى يليه ....ايه ده ازاى يا عم هيحصل تداخل بينهم هما مش ترددين مختلفين؟؟ والتداخل بيحصل بين نفس التردد لو استخدمناه مرتين؟؟
ماشى بس احنا عارفين ان احنا بنستخدم band pase filter فى ال Ms
طيب مهو الفلتر ده مش Idle صح يعنى هيبقى فى تشويش لو استخدمنا ترددين متتاليين داخل نفس ال cell ..طيب والحل ممكن واحد يقول طيب محنا ممكن نخلى فيه منطقة فارغة بين كل تردد والذى يليه...تمام صح بس ده هيأثر على الباند بتاعى ولو جمعنا الفروق الى احنا هنسيبها بين كل تردد والتانى هنلاقى ان احنا سيبنا جزء كبير احنا فى احتياج اليه..
طيب الحل اية بقى ....

http://img.photobucket.com/albums/v204/BOSSNEMO/Slide56.jpg

الحل بسيط جدا وهو وعند توزيع الترددات على ال cell هنراعى اننا منخليش ترددين متتاليين فى نفس ال cell وده بنسميه Channel Management

المشكلة السادسة

Delay Spread OR Time Dispersion

http://img.photobucket.com/albums/v204/BOSSNEMO/Slide57.jpg

هو مش ممكن يا جماعة يحصل تأخير فى الاشارة المرسلة لانها عدت على مسار كبير وممكن يكون فى اشارة تانية واصلة بدرى شوية وبالتالى عند جمعهم تحصل مشكلة ..على فكرة التاخير ممكن يكون مش كبير ولا حاجة ممكن يكون التأخير بمقدار bit واحدة بس وعند الجمع طبعا هتحصل مشكلة فى الاشارة بالكامل بسبب ال bit دى

الحل استخدام ال Delay Equalizer وهو ان احنا نبعت مع الاشارة بتاعتنا شوية bits يعرفونا الترتيب بتاع ال bits الى فى الاشارة وهنسميهم Training Sequance
طيب بنضفهم امتا وازاى ان شاء الله هنشوف الموضوع ده بالتفصيل

المشكلة السابعة

Distance Between MS and BTS

http://img.photobucket.com/albums/v204/BOSSNEMO/Slide58.jpg


طبعا فى موبيلات قريبة من ال BTS واخرى بعيدة عنها واحنا قولنا ان احنا هنعملهم Power Control ونبعت للموبيلات القريبة Power قليلة وهنبعت للموبيلات البعيدة Power اكبر يعنى بنظبط ال Power حسب المسافة بين ال MS وال BTS
بس المشكلة المرة دى مش فى ال Power المرسلة طيب هى المشكلة فى اية ...
المشكلة فى الوقت الى هتتبعت فيه الاشارة للموبيل ورد الموبيل باشارة تانية
هنفرض ان الموبيل A والموبيل B بيتكلموا فى نفس اللحظة على نفس ال BTS
وتم تخصيص ال Time Slote الى اسمه T2 للموبيل A
وتم تخصيص ال Time Slote الى اسمه T3 للموبيل B
وتم ارسال ال Frame
فى اثناء الاستقبال ونظرا لقرب الموبيل B هنفرض ان مفيش تأخير فى الرد
ونظرا لبعد الموبيل A الاشارة هتاخد وقت لغاية لما توصل لل BTS الوقت مش طويل ولا حاجة لكن كفاية اننا نعرف ان وقت ال TS يساوى 0.577 msec
يعنى حوالى نص ملى ثانية معنى كدة ان اى تأخير فى اى TS هيأثر على ال TS الى بعده
يعنى ولبعد المسافة بين الموبيل A وال BTS الرد بتاع الموبيل A هيوصل متأخر وبكدة هيدخل على الزمن بتاع الموبيل B وهتبقى مشكلة
طيب والحل اية
الحل هو وبمعرفة المسافة بين ال MS وال BTS بواسطة الحسابات بواسطة ال BTS
هنعرف الوقت الى هتاخده الاشارة مت والى ال BTS وهنا تقوم ال BTS بابلاغ ال MS انه يقوم بارسال الاشارة الخاصة به بدرى شوية بمقدار الزمن
المستغرق لوصول الاشارة الى ال BTS

المشكلة الثامنة

Path Loss


http://img.photobucket.com/albums/v204/BOSSNEMO/Slide59.jpg



طبعا يا جماعة احنا عارفي ان الاشارة اللاسلكية بتتأثر بعوامل الجو
يعنى لو فى جو ممطر غير لو الجو كويس وبكدة هتفرق معايا حاجة مهمة وهى المسافة الى بتوصل اليها الاشارة ودى طبعا بتتناسب طرديا مع ال Power المرسلة ..المشكلة هنا هى اننا وفى حالة الجو الغير مستقر الاشارة بتاعتنا هتتأثر جدا بحالة الجو دى وممكن توصل للمتخدم مشوهة او ممكن متوصلش خالص
طيب والحل
الحل بسيط جدا وهو عن طريق زيادة ال Power المرسلة من ال BTS فى حالات الجو السىء ..وتقليلها فى حالات الجو الصحو.
طيب وده بيحصل ازاى...
جميع ال BTSs المجاورة لبعضها تقوم بقياس ال Power المرسلة من بعضها البعض والتحكم فى قدرة ال Power المرسل بحيث لاتكون هناك منطقة بها Power قليلة ...

طيب تعالوا بقى نشوف ال Noise الموءثرة على الاشارة فى رسم واحد


http://img.photobucket.com/albums/v204/BOSSNEMO/Slide60.jpg

دى جميع الموءثرات التى تتأثر بها الاشارة المرسلة


وبكدة يا جماعة نكون خلصنا CH 1
وقبل مانبدأ فى CH 2 لو فى اى حد عنده اسئلة انا جاهز ان شاءالله

جزاك الله خير جزاء ونرجوا تكملة الموضوع

انا فعلا عاجز عن شكرك
انا كنت ناوي اخذ فيها دورة لكن انا هكتفي بمتابعتك هنا
بصراحة شرحك ممتع جدا ومبسط
ان شاء الله في ميزان حسناتك وارجوك ارجوك تكمل

وينك يا اخي احنا بنتظار مشاركاتك ...واحنا مشكورين منك كثير

الف شكر يا بشمهندس
بس لو فيه ملف باور بوينت او بي دي اف يكون افضل
ولو مفيش برضه الف شكر على المجهود الكبير

والله انا مش عارف اشكرك ازاي بس فعلا ربنا يكرمك وتكمل الموضوع على خير

السلام عليكم ورحمة الله و بركاته

بجد الموضوع جميل جدا و الشرح و اسلوبك يا بش مهندس اضاف رونق على الموضوع فصار موضوع جذاب جدا ربنا يوفقك يا بش مهندس وليك الف شكر و تقدير وربنا يجزيك كل خير عن الإسلام و المسلمين و علمك ما ينفعك و نقعك بما علمك وزادك الله علما

الي الأمام دائمان يا بشمهندس و بجد تأنقت في الموضوع فــتألقت

مشكوووووووووووووووور
كلنا الاردن
كــــلـــنـــا الاردن --- الصفحة الرئيسيه
http://www.jordan-all.com

جزاكم الله الخير بالله كليكم اكمل الكرس فى اقرب وقت ايمالى elalmanyalx@yahoo.com or elalmanyalx@hotmail.com or elalmanyalx@gmail.com

السلام عليكم

تدري وش احلى بالموضوع هو الشرح اللي جاي بالهجة المصرية
أعتقد ان المعلومة حتوصل بالقوة


شكرا وجهد مبارك

اسف جدا يا جماعة على التأخير بس والله لظروف خارجة عن ارادتى وان شاء الله الكورس هيكمل ...
ومشكور جدا للجميع على الردود الجميلة دى وان شاء الله الى عنده سؤال انا موجود وان شاء الله مستعد للأجابة ..
بكرة ان شاء الله هتنزل اول محاضرة فى شبتر 2

http://img.photobucket.com/albums/v204/BOSSNEMO/gsmch2/Slide1.jpg

تعالوا بقى نشوف النظام بتاع ال GSM بيتكون من اية

http://img.photobucket.com/albums/v204/BOSSNEMO/gsmch2/Slide5.jpg

ده شكل عام لمكونات النظام تعالوا بقى نشوف المكونات دى حاجة حاجة
وعلى فكرة انا مش عاوز حد يتوه لما يبص للرسمة الى فق دى . الموضوع بسيط جدا جدا ان شاء الله . بس خليكوا معايا فى جزء جزء هشرحه . وبعد كده هنربط الاجزاء كلها ببعض .

اولا : Mobile Station MS

http://img.photobucket.com/albums/v204/BOSSNEMO/gsmch2/Slide5a.jpg

والموبايل زى محنا عارفين بيتكون من العدة بتاعتنا والشريحة

http://img.photobucket.com/albums/v204/BOSSNEMO/gsmch2/Slide5b.jpg

طيب متيجو نتكلم عن الموبايل الاول . وهنا احنا هنتكلم عن الحالات الى بيكون فيها الموبيل

http://img.photobucket.com/albums/v204/BOSSNEMO/gsmch2/Slide6.jpg

تعالوا كدة نشرحهم واحدة واحدة ..

اولا : هنتكلم عن الموبيل وهو مفتوح attached

ودى فيها حالتين اولا : والموبيل مفتوح وبس يعنى وهو فى جيبك ideal
1 - registration
وهنا احنا لسة بنفتح الموبيل. بعد فتحه مباشرة هيبعت اشارة
لل BTS يقولها انه فتح وهيبتدى يستخدم الشبكة يعنى هيعمل
registration وهنشوف دى بتم ازاى بالتفصيل ادام شوية
ان شاء الله ..
2 - Location Area LA
احنا بنقسم الشبكة الى عدة مناطق بنسميها ال
Location Area وده للتسهيل على الشبكة فى البحث
عن اى موبيل جاياله مكالمة .
وبالتالى ال MS كل لما يخرج من LA الى LA تانى
بيبعت للشبكة وبيبلغها انه دخل فى نطاق LA تانى علشان
الشبكة تبقى عارفة هو فين لما يجيله مكالمة ومتعدش تدور
عليه فى الجمهورية كلها وتضيع وقت كبير فى البحث .
وطبعا اللمكان ده بيتخزن فى الشبكة . وان شاء الله هنقول
بيتخزن فين والموبيل بيبلغ الشبكة ازاى انه خرج من ال
LA الى كان فيه الى LA اخر ..
3 - paging
احنا قولنا يا جماعة من شوية ان ال MS لما بيخرج من
LA الى LA اخر بيبلغ الشبكة هو بقى فين ..
لما ال MS ده بقى يجيله مكالمة الشبكة هتعمل اية ..
طبعا خلاص بقى مهى الشبكة عارفة هو فين خلاص
صح ؟ تمام بس الشبة عارفة هو فى اى LA وال LA
ده بيتكون من كذا CEll طيب هى الشبكة هتعمل اية
الشبكة هنا هتعمل paging يعنى هتدور على ال
MS ده فى ال LA الى عارفة انه موجود فيه .
4 - roaming
وهى التجوال . يعنى لو اخنا مشغلين التجوال ودخلنا فى
نطاق اى شبكة محمول تانية هنضطر نقفل الموبيل ونشغله
علشان يعمل registration على الشبكة الجديدة .
تانيا : ان الموبيل وبيجرى مكالمة active

1 - Ongoing call
يعنى ال MS فعلا بيجرى مكالمة
2 - HO
ال Ms وهو بيجرى مكالمة مش ممكن يخرج من نطاق
تغطية ال BTS الى نطاق تغطية BTS اخرى .
فى الحالة دى هيعمل حاجة اسمها Hand Over
يعنى الشبكة بتنقل ال MS من ال Cell الى هو موجود فيها
وبيجرى المكالمة الى Cell اخرى وده طبعا بيتم بحيث
المكالمة متتقطعش .وده بيحصل بعد شوية حسابات بتحصل
فى ال MS و ال BTS وهنتكلم عنها بالتفصيل فى
وقتها ان شاء الله .

3 - Monitoring power & quality of its BTS
ال MS وهو بيجرى المكالمة بيفضل يقيس ال Power
الى جاياله من ال BTS بتاعته ويبعت ريبورتات الى
ال BSC التابع له وده طبعا عن طريق ال BTS
طيب هو ليه بيقيس ال Power ديه
علشان لو ال Power دى قلت عن حد معين يقوم ال
BSC بالبدأ فى عملية ال Hand Over
وكمان علشان موضوع ال Power Control
الى اتكلمنا عنه فى الشبتر الى فات...
4 - Monitoring power of neighboring BTSs
الموبايل اثناء المكالمة بيفضل يقيس ال Signals
الى جاياله من جميع ال BTS's الى حواليه وده بيتم
كل 480 ملى ثانية وبتتبعت برده لل BSC

ثانيا : هنتكلم عن الموبيل وهو مقفول detached
1 - IMSI de.
وهنا يعنى انت الى قفلت التليفون بنفسك او التليفون نفسة خرج بره التغطية وهنا ال MS قبل مايقفل بيبعت اشارة الى الشبكة انه قد تم اغلاقة او انه خرج عن حدود التغطية وبالتالى يتم تسجيله فى الشبكة مغلق او غير متاح ..
2 - Implicit de.
وهنا فى حالتين اما ان الموبيل يخرج عن حدود التغطية او ان البطارية تفصل شحن
وهنا فى الحالتين بيبقى فى مشكلة فى الشبكة ..لان ال MS فصل قبل مايبلغ الشبكة انه اتقفل طيب الشبكة تعمل اية .. فى حاجة اسمها ال Periodic Registration وهى ان تقوم الشبكة بارسال اشارة الى جميع ال MS's كل ست دقائق . الموبيل الى يرد يبقى تمام والموبيل الى ميردش يتم تسجيله مغلق....

http://img.photobucket.com/albums/v204/BOSSNEMO/gsmch2/Slide7.jpg

طيب احنا اتكلمنا عن حالات الموبيل سواء ان كان مفتوح او مقفول طيب هو الموبيل ده مش ليه رقم بيميزه عن غيره من الموبيلات يعنى رقم لكل عدة والرقم ده بنسميه IMEI
Interntional Mobile Equipment Identity

http://img.photobucket.com/albums/v204/BOSSNEMO/gsmch2/Slide8.jpg

وزى محنا شايفين فى الصورة الى فوق الرقم ده بيتكون من 15 digit
ولو شفناه من الشمال لليمين هنلاقى ان اول مجوعة عبارة رقم يدل على عن الموديل والشركة المصنعة .
وتانى رقمين يدل على بلد المنشأ
وتالت مجموعة من الارقام هما السيريال نمبر الى بيفرقوا بين الاجهزة الى ليها نفس الموديل والشركة والبلد
واخر رقم ده بيبقى Spare وهو مختلف بين الشركات
وطبعا ال IMEI ده ثابت للجهاز الا اذا تم تغييره عن طريق **** عبد العزيز..

ثانيا : Subscriber Identity Module SIM

http://img.photobucket.com/albums/v204/BOSSNEMO/gsmch2/Slide9a.jpg

طبعا كلنا عارفين الشريحة الى بنركبها فى الموبيل بتاعنا علشان نعرف نتصل او نستقبل المكالمات وغيره طيب هى الشريحة دى فيها ايه علشان تعرف تعمل ده كله ..
الشريحة دى فيها شوية ارقام هنعرفها دلوقتى وفيها القيمة بتاعة الشحن بتاعنا وفيها خوارزميات التشفير والتوثيق وهنعرفهم كلهم وهنعرف بيشتغلوا ازاى ان شاء الله ..

http://img.photobucket.com/albums/v204/BOSSNEMO/gsmch2/Slide9.jpg

تعالوا بقى نشوف الارقام الى بيتعامل بيها الموبيل مع الشبكة واماكن وجودها او اماكن واوقات توليدها

http://img.photobucket.com/albums/v204/BOSSNEMO/gsmch2/Slide10.jpg

اول رقم ال MSISDN

http://img.photobucket.com/albums/v204/BOSSNEMO/gsmch2/Slide11.jpg

وده يا جماعة وببساطة الرقم الى كلنا بنتصل بيه وبنتعامل بيه مع بعض ..
وهو بيتكون من 15 digit
اول اتنين من على الشمال دول الكود الدولى الى بيبقى +
تانى مجموعة هو كود الدول وبيبقى 20 فة مصر
تالت مجموعة هو رقم الشبكة الداخلية يعنى هيبقى 010 لفودافون و011 لاتصالات وهكذا
والصفر الى فى الاول ده اشارة لاننا هنكلم موبيل
رابع مجمدوعة هو رقم الشريحة نفسها وهو يتكون من 7 digit
وال MSISDN ده بيبقى متخزن على الشريحة وموجود فى الشبكة .

تانى رقم هو ال IMSI

http://img.photobucket.com/albums/v204/BOSSNEMO/gsmch2/Slide12.jpg

وده بقى الرقم الى الشبكة بتتعامل بيه مع ال MS
اول مجموعة من الشمال هى كود الدولة من جهة نظر شركات المحمول
تانى مجموعة هى رقم شركة المحمول حسب بداية تواجدها فى البلد
تالت مجموعة هو رقم يتم التفريق به بين ال MS's وبعضها وهو لايتكرر نهائيا
وال IMSI ده بيكون موجود على الشريحة وموجود فى الشبكة وشوية وهنعرف بيبقى موجود فين بالظبط ..والشبكة بتستخدمه ازاى

تالت رقم هو ال IMEI
وده اتكلمنا عليه قبل كدة

رابع رقم هو ال MSRN

http://img.photobucket.com/albums/v204/BOSSNEMO/gsmch2/Slide13.jpg

اول تلات مجاميع زى ال MSISDN
والمجموعة الاخيرة هى رقم ال Location Area الموجود فيها ال MS
والرقم ده بيبقى متخزن فى الشبكة

خامس رقم هو ال TMSI

http://img.photobucket.com/albums/v204/BOSSNEMO/gsmch2/Slide14.jpg

وزى محنا شايفين كدة الرقم ده عبارة عن مجموعة واحدة
احنا قولنا ان الشبكة بتتعامل مع الموبيل عن طريق الرقم IMSI
لكن الرقم ده سرى جدا ولا يسمح التعامل به .
ال TMSI ده هو الرقم البديل .يعنى اول الموبيل ما يتم فتحه بيبعت ال IMSI وبعد كدة الشبكة تخصص ليه TMSI خاص به يتم التعامل بينها وبينه طوال فترة فتح الموبيل ولا يتم تغييره الا عند غلق الموبيل وفتحه مرة اخرى او عند خروج الموبيل من LA الى LA اخر
او بعد مرور وقت معين من استعمال ال TMSI ده ...

بكدة هنتكلم المرة الجاية ان شاء الله عن ال Base Station Subsystem BSS
وهو يتكون من
1 - Base Transceiver Station BTS
2 - Base Station Controler BSC
3 - Transcoding and Rate Adaptation Unit TRAU

ان شاء الله هنتكلم عن ال Base Station Subsystem BSS

http://img.photobucket.com/albums/v204/BOSSNEMO/gsmch2/Slide15a.jpg

1 - Base Transceiver Station BTS

http://img.photobucket.com/albums/v204/BOSSNEMO/gsmch2/Slide15.jpg

وهى البرج الى احنا كلنا بنشوفه فوق العمارات والبيوت وبيكون عليها الانتنا او التلاته انتنا وانتنة ال Microwave الى بتقوم بربط ال BTS مع ال BSC ودى لازم تكون Line Of Site يعنى لازم الاتنين انتنا يكونوا شايفين بعض علشان ده بيبقى بنسل بيم
وكل Cell يحتوى على BTS واحدة فقط
وهى المسئولة ع جميع العمليات الى بتحصل فى الاشارة م تشفير وتحميل وغيره
لكنها بتعمل الحاجات دى كلها عن طريق الاوامر الى جايالها من ال BSC يعنى هو المخ وهى العضلات ..

http://img.photobucket.com/albums/v204/BOSSNEMO/gsmch2/Slide16.jpg

وده شكل الشلتر بتاع ال BTS وبيبقى موجود فى الغرفة السفلية الموجودة اسفل البرج وكما بيبقى موجود فيها الاجهزة الى بتتحكم فى الميكروويف وبيبقى موجود فيها برده اجهزة اطفاء وبطاريات تخليها ممكن تشتغل لمدة م اربع الى تمن ساعات فى حالة انقطاع التيار الكهربائى

2 - Base Station Controler BSC

http://img.photobucket.com/albums/v204/BOSSNEMO/gsmch2/Slide17.jpg

ال BSC ده يا جماعة هو المسئول عن جميع العمليات الى بتعملها ال BTS من Power Control او ال H.O وغيرها من العمليات يعنى هو الى بياخد القرار بتاع العمليات دى وال BTS عليها التنفيذ ..العمليات دى زى:

1- Paging
لو فى مكالمة جاية ل MS ال BSC بيبعت رسالة الى جميع ال BTS's بالرقم MSRN الخاص بال MS فتقوم جميع ال BTS;s التابعة لهذا ال BSC بالبحث عن هذا ال MS
والعملية دى بنسميها Paging .واول لما اى BTS فيهم تلاقى ال MS المطلوب بتبعت لل BSC رسالة انها لقيته فيقوم ال BSC بوقف عملية ال Paging ...وعلى فكرة عملية ال Paging دى بتحصل داخل ال LA بالكامل لان مكان ال MS المتخزن فى الشبكة هو رقم ال LA الموجود فيه ....

2 - Channel Allocation

يعنى وبأختصار تحديد التردد وال T.S الى هيشتغل عليه ال MS سواء لو هيبدأمكالمة او هيستقبل مكالمة

3 - Handover

اثناء المكالمة بيبقى فى مراقبة لقوة الاشارة بين ال MS وال BTS ولو الاشارةقلت عن حد معين بيقوم ال BSC بعمل Handover لل MS على BTS تانية تكون ال اشارة بتاعتها اقوى ....

4 - Frequency Hopping

طبعا احنا عارفين الخاصية دى واتكلمنا عليها قبل كدة .المسؤل عنها بقى هو ال BSC

http://img.photobucket.com/albums/v204/BOSSNEMO/gsmch2/Slide19.jpg
ويتحكم ال BSC فى حوالى من 20 الى 30 BTS
ال BٍSC بيتصل بال Remote BTSالتابعة له بالميكروويف وبيبقى موجود معاه BTS بنسميها Co-located BTS وبيبقوا موجودين فى سنترال ارضى علشان كدة لو لاحظنا هنلاقى ال BTS دى مليانا بانتنات الميكروويف الى هية عاملة زى الطبلة دى وده علشان ال BSC ده بيتصل بكتير من ال BTS وكل واحدة ليها انتنا ميكروويف خاصة بها

http://img.photobucket.com/albums/v204/BOSSNEMO/gsmch2/Slide18.jpg

وده شكل الشلتر بتاع ال BSC

طيب احنا قولنا ان ال BSC بيتحكم فى عدد من ال BTS's طيب هو التوصيل او الربط بين ال BSC وال BTS's دى بيبقى ازاى ..

1 - Cascade

http://img.photobucket.com/albums/v204/BOSSNEMO/gsmch2/Slide22.jpg

زى محنا شايفين التوصيل بيبقى فى اتجاه واحد وطبعا هيبقى فى مشكلة . وهى ان لو فى اى BTS وقعت المجموعة بالكامل هتقع ...يبقى مش هينفع نوصلهم مع بعض بالطريقة دى

2 - loop

http://img.photobucket.com/albums/v204/BOSSNEMO/gsmch2/Slide23.jpg

ودى الطريقة التانية للتوصيل ..هى ممكن تكون كويسة شوية بس لو حصل قطع فى 2 BTS
مرة واحدة يبقى المجموعة بالكامل هتقع ..ومتنساش ان فى مجموعة مش صغيرة من ال BTS's يعنى احتمال ان اكتر من BTS تقع موجود....

3 - Star

http://img.photobucket.com/albums/v204/BOSSNEMO/gsmch2/Slide24.jpg

ودى بقى احسن طريقة للتوصيل بين المجموعة بالكامل ..كل BTS متوصلة مع نفسها بال BSC يعنى لو حصل مشكلة فى اى BTS المجموعة مش هتتأثر .......
والربط بين ال BSC وال BTS's بيكون عن طريق ال Microwave عادة
ولكن فى المسافات القريبة ممكن نستخدم ال Optical

3 - Transcoding and Rate Adaptation Unit TRAU

http://img.photobucket.com/albums/v204/BOSSNEMO/gsmch2/Slide20.jpg

بصوا يا جماعة احنا طبعا عارفين ان نظام ال GSM مش نظام مستقل بذاته لكن هو نظام بيعتمد على الشبكة الارضية ...التوصيل بين ال MSC وال BSC بكابلات الشبكة الارضية ..
لكل مستخدم Rate 64 kbps بيخرجوا من ال MSC وعلشان نوصلهم الى ال BSC الى بعد كدة هيبعتهم الى ال BTS وطبعا 64 kpbs دول كتير اوى وهياخدوا B.W كبير اوى لو اتنقلوا زى مهما كدة ...يبقى لازم نحول ال Data Rate الكبير ده الى Data Rate صغير بقدر الامكان علشان يوفرلى ال B.W بتاعتى....وهى دى بق مهمة ال TRAU
بيحول ال 64 kbps الى 16 kbps وكمان بيعملهم عملية Multiplexing
يعنى بيخلى كل 4 مستخدمين على كابل واحد ويبعتهم لل BSC ...هو فى الاصل بيحولهم الى 13 kbps وبيضيف ليهم 3 bit Control لتعريف كل مستخدم عن الاخر وبيتم معرفتهم فى ال BTS وهى الى بتشيلهم بعد كدة وتبعت ال 13 kbps لل MS's

http://img.photobucket.com/albums/v204/BOSSNEMO/gsmch2/Slide21.jpg

وده شكل وحدة ال TRAU

وان شاء الله المرة الى جاية نكمل ..

مشكور اخى على المجهود الرئع نرجو المزيد

كمل ياريس مستنيين التكمله
بس ليا تعليق فى نقطه مش carrier=
200khz not 200hz
http://img177.imageshack.us/img177/1200/22vx4.jpg
بصراحه الموضوع جااااااااااااااااااااامد والصور من الاخر
وفى حاجات مكنتش عارف هيا جت ازاى واشمعنى كدة وعرفتها منك
متتاخرش علينا ياباشا

مشكور على الشرح معاك على طول يابش مهندس

بانتظار المزيد....

وشكرا عالمجهود الرائع.....

بارك الله فيك و جزاك خير الجزاء على هذا العمل و الجهد الوافر و جعله في ميزان حسناتك
ونحن في انتظار المزيد من فضلك في أقرب وقت

مشكور جدا" بارك اللة فيك وياريت المزيد

اخوك المهندس زكريا الفقية

اسال الله سبحانه وتعالى ان يجعل هذا العمل في ميزان حسناتك واذا وجد عنك المزيد زودنا جميعا بها للفائده لاني مهندس مبتدي واذا عندك جديد زودنا على الايميل
zma111@yahoo.com وارفعه على المنتدى للفايده للجميع جزاك الله خيرا

مشكور اخوانى على المرور والرد

وبالنسبة للاخ mazagngi2010 هى فعلا khz 200 لكن اكيد ال K وقعت منى من الكتابة بسرعة انا اسف جدا يا باشا

The Mobile service Switching Center MSC

http://img.photobucket.com/albums/v204/BOSSNEMO/gsmch2/Slide25.jpg

وده يا جماعة زى ال exchange بتاع السنترالات العادية ..
يعنى هو المسئول عن الربط بين ال MS's وبعضها البعض ...وطالاما هو المسئول عن الربط والفصل بين الموبيلات وبعضها يبقى هو الى يقدر يحسب مدة المكالمة ...
وتتصل ال MSC's ببعضها البعض ...
ولكل MSC منطقة بيكون هو المسئول عنها وعن ال BSC's الى موجودين فيها وهو المسئول عن التعامل بينهم ويتحكم فى حوالى من 15 الى 20 BSC ..
يتحكم ال MSC فى منطقة كبيرة جدا فهو السنترال الاساسى لشبكة المحمول..
يتم توجيه المكالمة الى ال MSC فاذا كانت داخل نفس الشبكة فيقوم بتوصيل المستخدمين ببعضهم البعض اما اذا كانت المكالمة موجهة الى شبكة محمول اخرى او الى الشبكة الارضية فيقوم ال MSC بتحويلها ال ال Getway MSC الذى يختص بالتعامل مع اى شبكة خارجية.

http://img.photobucket.com/albums/v204/BOSSNEMO/gsmch2/Slide26.jpg

وده شكل لل MSC


طبعا يا جماعة وزى اى نظام لازم يكون فى وحدات تخزينية له .وكمان علشان احنا فى شبكة لاسلكية الكل ممكن يستقبلها يبقى لازم يكون فى حاجة تخلى المشترك فى الشبكة بس هو الى يدخل واى حد تانى لا ...طيب تعالوا نشوف اية هى الحاجات الى بيتوصل بيها ال MSC ونشوف كل حاجة فيهم بتعمل اية ...

http://img.photobucket.com/albums/v204/BOSSNEMO/gsmch2/Slide27.jpg

تعالوا نتكلم عنهم واحدة واحدة

1 - Home Location Register HLR

http://img.photobucket.com/albums/v204/BOSSNEMO/gsmch2/Slide28.jpg

وهو عبارة عن قاعدة بيانات للشبكة بالكامل

http://img.photobucket.com/albums/v204/BOSSNEMO/gsmch2/Slide28a.jpg

بيتخزن فيها المعلومات الى مبتتغيرش او ال تغييرها قليل جدا والمعلومات السرية زى
1 - الارقام الخاصة بكل شريحة ى ال MSISDN وال IMSI ودى زى محنا عرفنا ارقام ثابتة لكل شريحة ولا تتغير ابدا.

2 - الMSC Area الموجود فيه ال USER وده مبيتغيرش كتير لان عدد ال MSC مش كتير .

3 - الرصيد ونظام الدفع

4 - معلومات التوثيق لكل ٍُUSER هنعرف يعنى اية توثيق كمان شوية

وطبعا الاتصال بين ال HLR وال MSC يتم عن طريق ال PSTN الى هية الشبكة الارضية..
علشان تعرف ال HLR الى انت تابع ليه *500#


2 - Visitor Location Register VLR

http://img.photobucket.com/albums/v204/BOSSNEMO/gsmch2/Slide29.jpg

ده برده عبارة عن قاعدة بيانات بس خاص بال MSC وبس يعنى لكل MSC واحد VLR خاص به وبيقترن بيه علطول ولو لاحظنا فى اى وقت بنتكلم فيه عن ال MSC هنكتب جمبه او برسم جمبه ال VLR

http://img.photobucket.com/albums/v204/BOSSNEMO/gsmch2/Slide29a.jpg

وبيتم تخزين المعلومات الخاصة بكل USER موجود فى منطقة ال MSC فى ال VLR والمعلومات دى زى
ال MSRN وال IMSI وال TMSI وبمجرد خروج ال USER من منطقة ال MSC الى منطقة MSC اخرى يتم مسح بياناته بالكامل من ال MSC القديم الى منطقة ال MSC الجديد ..


3 - Authentication

http://img.photobucket.com/albums/v204/BOSSNEMO/gsmch2/Slide30.jpg

بصوا يا جماعة طبعا احنا عرفنا ان لكل شريحة رقم اسمه ال IMSI خاص بها وهو الرقم الى بتتعامل بيه الشريحة مع الشبكة والرقم ده مش ممكن يتكرر ابدا زى رقم موبيلك كدة مش ممكن يتكرر ابدا ..وطالاما ان الرقم ده هو الى بتتعامل بيه الشريحة مع الشبكة يعنى عند فتح الموبيل بيقوم بأرسال ال IMSI الى الشبكة علشان يقولها هو مين وعليه بتقوم الشبكة باحضار بيانات الراجل ده من ال HLR زى رصيده علشان تعرف تحسب هو فاضله اد اية وتعرف تحاسبه ...
طيب تمام والرقم الى اسمه ال IMSI ده متخزن على الشريحة مش كدة طيب محنا ممكن نجيب اى شريحة ونعمل عليها نفس البرنامج الى موجود على الشريحة بتاعة الموبيل ونضرب عليها اى رقم IMSI وتخيل بقى لو طلع الرقم الى احنا ضربناه ده صح واية بقى يطلع صاحب الرقم ده واحد معاه خط بيزنس يعنى هيتكلم مفتوح طبعا الاخ ده هيلاقى الفاتورة بتاعته كبرت اوى وهو معملش المكالمات دى كلها ... طيب وبعدين والحل .احنا قولنا قبل كدة ان ال MS بيبعت ال IMSI ده مرة واحدة اول مايفتح وبس وبعد كدة بيتم تخصيص رقم TMSI له ويتم التعامل به علطول ودى تعتبر حماية لل IMSI ... بس لسة المشكلة موجودة ان ال IMSI موجود فعلا على الشريحة ....
علشان كدة بقى عملوا موضوع التوثيق ده علشان الشبكة تتأكد ان الاخ ده هو فعلا صاحب ال IMSI ده فعلا ....
طيب ماشى احنا كدة فهمنا اية هو التوثيق ولية اخترعوه اساسا طيب و بيتم ازاى اصلا ....
تعالوا نشوف....
بصوا يا جماعة احنا قولنا ان الموبيل بيبعت ال IMSI بتاعه اول مايفتح للشبكة علشان يقولها انا فتحت اهو .. الشبكة تعمل اية بقى تاخد ال IMSI وتروح بيه لمرك التوثيق الى هو ال Authentication Center والى هنرمز ليه بعد كدة فى كلامنا كله ب AUC
طيب هيعمل بيه اية ال AUC ده ..
هياخد ال IMSI ده ويطلعله رقم اسمه Indivual Key Ki
طيب وهو اية ال Ki ده هو عبارة عن رقم ثابت لكل IMSI يعنى رقم ثابت لكل شريحة ومش بيتكرر ابدا برده .. وال Ki ده موجود فى ال AUC وموجود على الشريحة برده ...
طيب ماشى جاب ال Ki ده هيعمل بيه اية يعنى ..
هياخد ال Ki ويروح مدخله على خوارزمية Algorithm وهى A3
ومعاه رقم عشوائى يقوم ال AUC بتوليده
تمام . الخرج بقى بنسميه Signed Response وبنرمزله ب SRES
وخلال هذه العملية يقوم ال AUC بارسال الرقم العشوائى ده الى ال MS
ويقوم ال MS باجراء نفس العملية ..
اول مايوصله الرقم العشوائى ده يجيب ال Ki المتخزن على الشريحة ويضربه فى ال A3
الموجوده فى العدة نفسها فينتج له ال SRES
يعمل اية بيها بقى .... تمام يبعتها للشبكة . والشبكة تعمل مقارنة بين ال SRES الى هى انتجتها وال SRES الى ال MS بعتها لو هما هما ومتشابهين يبقى تمام وننتقل الى عملية التشفير الى هناخدها ادام شوية . ولو مش متشابهين يتم عدم قبول ال MS فى الشبكة ..

http://img.photobucket.com/albums/v204/BOSSNEMO/gsmch2/Slide30a.jpg

واحد يقول طيب وهى لية اللفة دى كلها .... دى كلها اجراءات امان يعنى لو فى واحد لقط رقم ال IMSI عمره ميعرف ال Ki .. طيب مهى ال A3 ثابتة لجميع الاجهزة ...صح بس عمر مافى حد يعرف يطلع منها ال Ki لانه لازم يكون عارف الرقم العشوائى كمان علشان يعرف يطلع ال Ki ...
وفى نفس الوقت يقوم ال AUC بادخال ال Ki ونفس الرقم العشوائى ده على خوارزمية اخرى هى A8 فينتج رقم بنسميه Key Ciphering Kc

http://img.photobucket.com/albums/v204/BOSSNEMO/gsmch2/Slide30b.jpg

وتتم نفس العملية دى فى الموبيل كمان ..
وهنشوف بنستفاد ب ال Kc ده باية ادام شوية ان شاء الله...
وعلى فكرة ال Kc وال SRES وال رقم العشوائى بنسميهم ال Triplet

تقوم الشبكة بعملية التوثيق فى الحالات الاتية :
1 - بداية تشغيل ال MS
2 - تغيير ال LA لل MS
3 - تغيير ال MSC LA لل MS
4 - عند الشروع فى اجراء مكالمة
5 - ارسال رسالة قصيرة


4. EIR Equipment Identity Register

http://img.photobucket.com/albums/v204/BOSSNEMO/gsmch2/Slide31.jpg

ده بقى هو المسئول عن الابلاغ عن اى موبيل مسروق تم الابلاغ عنه

ازاى ...اول حضرتك ماتفتح الموبيل بتاعك بيبعت رقم ال IMEI بتاعه الى الشبكة . الى ال EIR ده..
فى ال EIR ده ثلاث اقسام او ثلاث قوائم
القائمة الاولى White list
ودى بيخزن فيها ارقام ال IMEI لجميع الموبيلات الى عنده فى الشبكة واى موبيل يدخل على الشبكة جديد

القائمة الثانية Black list
دى بقى بيتم تخزين ارقام ال IMEI للموبيلات المبلغ عن سرقتها

القائمة الثالثة Gray list
ودى بيبقى فيها ارقام ال IMEI للموبيلات الى فيها مشاكل فى ال software

ولو فى اى موبيل مبلغ عن سرقته وفتح على شبكة من الشبكات ورقم ال IMEI بتاعه موجود فى ال Black list يتم عمل لآمخؤن له ويتم تسجيل رقم الشريحة الموجودة فيه ليتم التعرف على صاحب الشريحة ...


تالت حاجة هنتكلم عليها من مكونات نظام ال GSM
هى

3-The Operation and Maintenance Center OMC

http://img.photobucket.com/albums/v204/BOSSNEMO/gsmch2/Slide32.jpg

جميع عناصر الشبكة بيتم عمل Self Test بصفة دورية وعند ظهور اى مشاكل يتم ابلاغ ال OMC فيقوم ال OMC بعمل Alarm ليتم حل هذه المشكلة من مهندسين الصيانة سواء كانت هذه المشكلة فى ال BSS او فى ال MSC ...
وكمان بيراقب حدوث اى زيادة فى الكثافة فى منطقة معينة ليتم عمل الازم..
ويقوم بقياس ال َQuality بتاعة النظام فى جميع مناطق التغطية ...

http://img.photobucket.com/albums/v204/BOSSNEMO/gsmch2/Slide33.jpg

وده شكل لل OMC


http://img.photobucket.com/albums/v204/BOSSNEMO/gsmch2/Slide33a.jpg

وده شكل عام لمكونات نظام ال GSM

Geographic network areas

تعالوا نشوف مكونات نظام ال GSM من حيث التغطية

http://img.photobucket.com/albums/v204/BOSSNEMO/gsmch2/Slide34.jpg

لو اتكلمنا فى بلد معين زى مصر مثلا هنلاقى ان مصر فيها ثلاث شبكات محمول فودافون واتصالات وموبينيل وكل شبكة ليها اماكن تغطيتها زى مهنشوف كمان شوية كل شبكة من دول بنسميها
Public Land Mobile Network PLMN

http://img.photobucket.com/albums/v204/BOSSNEMO/gsmch2/Slide35.jpg

وكل PLMN بتتكون من مجموعة من ال MSC area

http://img.photobucket.com/albums/v204/BOSSNEMO/gsmch2/Slide36.jpg

وكل MSC area بتتكون من مجموعة كبيرة من ال Location Area LA

http://img.photobucket.com/albums/v204/BOSSNEMO/gsmch2/Slide37.jpg

وكل LA بيتكون من مجموعة كبيرة من ال CElls
ودى المساحة الوحيدة الى ممكن الموبيل يتحرك فيها من غير مايعمل Location Update ودى المساحة الى بيتعمل فيها Paging


http://img.photobucket.com/albums/v204/BOSSNEMO/gsmch2/Slide38.jpg

http://img.photobucket.com/albums/v204/BOSSNEMO/gsmch2/Slide39.jpg

وكل LA له رقم معين ثابت له ولا يتكرر


http://img.photobucket.com/albums/v204/BOSSNEMO/gsmch2/Slide40.jpg

ودى زى محنا عارفين ال Cell وهى اصغر منطقة فى نظام ال GSM

http://img.photobucket.com/albums/v204/BOSSNEMO/gsmch2/Slide41.jpg

http://img.photobucket.com/albums/v204/BOSSNEMO/gsmch2/Slide42.jpg

وكل Cell بيكون لها رقم بتتعرف بيه داخل الشبكة بنسميه
CGI Cell Global Identity

http://img.photobucket.com/albums/v204/BOSSNEMO/gsmch2/Slide38a.jpg



http://img.photobucket.com/albums/v204/BOSSNEMO/gsmch2/Slide43.jpg

وده شكل تغطية شبكة فودافون


http://img.photobucket.com/albums/v204/BOSSNEMO/gsmch2/Slide44.jpg

وده شكل تغطية شبكة موبينيل


http://img.photobucket.com/albums/v204/BOSSNEMO/gsmch2/Slide44a.jpg

وده شكل لتغطية نظام ال GSM فى العالم

http://img.photobucket.com/albums/v204/BOSSNEMO/gsmch2/Slide44b.jpg


وده شكل يبين الدول الى بتستخدم ال GSM 900 و GSM 1800 و GSM 1900

وبكدة نكون خلصنا شبتر 2 وهنبدأ فى المرة الجاية فى شبتر 3 ان شاء الله
ومنتظر الاسئلة ان شاء الله

السلام عليكم
الشكر الخاص للأخ bossnemo على ماقدمتة وماتقدمه لإخوانك وجزاك الله خيرا.
عندي بعض الأسئلة:
1- كيفية حساب Pathloss ولو في مثال عملي يكون أحسن
2- مسألة control power كيف يتم حسابها ولو في مثال عملي يكون أحسن.
3- ماهي البرامج المستعملة لعملية planification of GSM على منطقة معينة وكيف يتم دلك وهل يمكن تنزيلها من الإنترنيث.
وأسف على كثرة الأسئلة والشكرالمسبق لك أخي.

جزاك الله خيرا على هذه المعلومات القيمة

شكرررررررررررررررررررررررررررررا

والله مش لاقي كلام أقوله ليك وللمنتدى الجميل ده
بجد هذه الأمة لن تقوم الا بأمثالك

?when will be the next chapter

علي فكرة الشرح عسل خالص.. و ان شاء الله ربنا هيكرمك ويوفقك.. بس كمل جميلك بقي و كمل الكورس........ربنا يكملك فرحتك بالخير

جزاك الله خيرا اخي الكريم على هذه الدورة الرائعة والمجهود الطيب
بالفعل كنت ابحث من مده على شئ مماثل ويكون باللغة العربية للتسهيل على المهندسين في فهم نظام ال Gsm.

جزاك الله كل خير والله ابداع بجد
ربنا يجعلة فى ميزان حسناتك
اكمل يا اخى على بركة الله
تحياتى لك

والله موضوع ولا اروع انا لفيت كل المنتديات كده شرح وكده روعه ما لاقيت بجد يسلمو يا بشمهندس
بس ليا ملاحظه : ازا فيك نتراسل على الخاص لانو حضرتك معلن على شروحات cdma umts وانا عايزهم ضروري جدا جدا جدا وهاد طبعا بعد ازنك وشكر ليك وللمنتى الرائع ...

بسم الله الرحمن الرحيم
خيركم من تعلم العلم وعلمه
اخى الفاضل انت جعلتنى احصل على ضالتى
ارجوك اكمل فاهناك ايناس تحتاج المساعده حتى ترتقى بعملها
اخوك
وائل البنا
اشراف هندسى بشركه فودافون (ارجو التواصل للرقى)

ربنا يكرمك يا شيخ--------------------------------

السلام عليكم ورحمة الله
جزاك الله خيراً يا أخي
و جعله في ميزان حسناتك
ونحن بانتظارك
وأقترح عليك أن تجعل هذه الكورسات في كتاب واحد ووضغها في موقع " كتب " لأنها تستحق الإهتمام ويستفيد منها كل المهتمين بالاتصالات.
إذا ممكن الإيميل وشكراً
والسلام عليكم

ولك والله مو عارف شو احكي معقول في هيك شرح و مجانا ........يارب يارب يضع هذا العمل في ميزان حسناتك و انشالله الك بكل حرف عن كل قارئ للموضو 1000000حسنة و الله يضاعف لمن يشاء انت عارف انا رح اقولك على شي انا عندي مناقشة مشروع بعد اسبوعين و كنت ماكل هوا في الموضوع هاد عشان انا بالاساس ه.كمبيوتر الله يوفقك يارب

فين باقى الشرحححححححححححححححححح

اللهم اكتب له في ميزان حسناته مقدار كل حرف تعلمناه بسببه " آمين "

والله ياخى مشعارف اشكرك ازاى ربنا يجزيك عنا خير

اعجز عن شكرك يا بشمهندس , أنت بحق نموذج للإنسان الرائع , و بذلته من جهد هنا لا يمكن ان ننساه و تأكد اننا ندعو لك من القلب بأن يجزيك الله عنا خير الجزاء .
أكرر شكري وامتناني الشديديين

بارك اله فيك على الشرح وندعوا لك بالتوفيق
ونرجوا منك الشرح فى مواضيع اخرى

يعطيك ألف عافية,كان لدي أمور كثيرة في هذا الموضوع لم أكن أفهمها

وأتمنى منك أن تكمل الشرح لكي نستفيد.

وشكرا

السلام عليكم ورحمه الله وبركاته
ربنا يكرمك ويجازيك خير علي مجهودك
ويارب دايما نتعاون علي الخير دائما

وياريت يا بشمهندس باقي الشرح
واكون لي الشرف ان اتواصل معك

شكرا كتير على مجهود ولكن افضل لو تشرح بالعربي فصحى ولو قليل
واتمنى لو تكمل مجهودك وتشرح بين الانظمة Gsm Gprs Cdma Umtsوالفرق بينهم وجزاك الله الف خير

بارك الله فيك يااخي الفاضل والله موضوع ممتاز

اللهم اجعل هذا العمل في ميزان حسناته اللهم امين

جزاك الله خيرا و وفقك الي ما فيه خيرا لك في الدنيا و الآخرة

جزاك الله خيرا يا بشمهندس على الموضوع الشيق اللي وجدت فيه ضالتي ويا ريت وبشمهندس ان تكمل الكورس وباقي الكورسات cdma لاني محتاجو كلش وياريت من حضرتك ان تراسلني على ايميلي الخاص belalhp82@yahoo.com وبارك الله فيك

1000000000000000000000000000thankss

شلونك عيني يا بشمهندس احنا استمتعنا بشرحك واستفادينا كلش بس نحتاج منك باقي الشبترات وياريت الكورس الخاص ب cdma لاني محتاجه كلش وياريت على ايميلي belalhp82@yahoo.com وبارك الله بيك على هذا المجهود الرائع

continue
يا باشمهندس


مشكووووووووووووووور يا هندسة

شكراااااااااااااااا جزيلاااااااااااااااااااااا

انت وقفت ليه بس ياريس كمل ياباشا

السلام عليكم ورحمة الله وبركاته
متشكرين على مجهودك الرائع بجد ولكن ليه انت بتقف عند نفس النقطة ومش بتكمل بعد شابتر 2 وده حصل فى منتدى تانى بدون ذكر اسمه فارجوا منك التكملة وعاجز عن الشكر وجعله الله فى ميزان حسناتك

يسلمو كتير على لشرح الحلو
يعطيط العافية على المجهود الرائع
الف شكر

ماجاوبتش على سؤالى برده يابشمهندس ليه وققفت الشرح نتمنى استكماله

جزاك الله خيرا و أدخلك جنانه الواسعة

جزاك الله كل خير
اللهم ارزقنا علما نافعا ورزقا طيبا وعملا متقبلا يا رب العالمين يا رب

جزاك الله كل خير
بجد أنا فهمت أوي واسلوبك جميل وسلس

السلام عليكم ورحمه الله وبركاته

انا اسف جدا جدا يا جماعة على التأخير ...انا فعلا اتأخرت كتير اوى بس معلش سامحونى

وان شاء الله انا هكمل الكورس ومعلش استحملونى شوية

الجماعة الى بعتولى على الخاص :: انا اسف تانى يا جماعة وان شاء الله الكورس هيكمل

وبالنسبة للجماعة الى طالبين الكورس مكتوب فى ملف Word والله يا جماعة انا لسة معملتوش

بس ان شاء الله اول لما يجهز هرفعه على طول باذن الله

CH 3

http://img.photobucket.com/albums/v204/BOSSNEMO/gsmch3/Slide1.jpg


http://img.photobucket.com/albums/v204/BOSSNEMO/gsmch3/Slide2.jpg

بصوا يا جماعة الشبتر ده وببساطة بيتكلم عن الباند بتاع الموبيل وازاى بنقسمه وانواع ال Channels
وشكل ال TS الى بيتكون منها ال Frame

http://img.photobucket.com/albums/v204/BOSSNEMO/gsmch3/Slide3.jpg


فى اوائل التسعينات فضل ال GSM 900 هو المستخدم للمحمول ولما الباند دة بقى مش مكفى الاعداد الهائلة الى انضمت للشبكة كان لازم ننتقل الى باند تانى وكان الباند ده هو ال GSM 1800 والباند GSM 1900 وطبعا الباندين مش بيستخدموا فى نفس الدولة لكن بيتم استخدام ال GSM 1800 فى دول وال GSM 1900 فى دول اخرى

وبالنسبة لل 3G الباند بتاعه بيبقى فى ال 2.1 ميجا


http://img.photobucket.com/albums/v204/BOSSNEMO/gsmch3/Slide5.jpg


بالنسبة لل GSM 900 هو كان فى الاول اسمه Primary-GSM 900
ولما تم اضافة الباند القديم اوى بتاع ال 1G اليه بقى اسمه Extended-GSM 900

طيب وهى اية ال Uplink وال Downlink دى

بصوا يا جماعة بالنسبة للباند بتاع ال E-GSM 900 هو من 880 ميجا الى 960 ميجا يعنى 80 ميجا
طيب هنقسم الباند ده ازاى بقى . هو لما بيحصل اتصال بين ال BTS وال MS بيبعت على تردد معين حسب الاتفاق بينه وبين ال BTS مش كدة ده بقى بنسميه Uplink. وبالتالى هيتحدد تردد تانى علشان اتصال ال BTS بال MS وده بنسميه Downlink


http://img.photobucket.com/albums/v204/BOSSNEMO/gsmch3/Slide4.jpg

طيب هنقسم ازاى برده هنبدا من ال 880 الى 915 ودى هتبقى ال Uplink تمام كدة يعنى 35 ميجا
ومن 925 الى 960 تبقى ال Downlink وطبعا هتبقى برده 35 ميجا تمام
يعنى لو اعتبرنا ان ال MS هيتكلم على التردد 880 مثلا فى ال Time Slot رقم 3 يبقى ال BTS هترد عليه على تردد كام فى ال Uplink ?? ....... هترد عليه على التردد المناظر للتردد ده يعنى على 925 وعلى ال TS رقم 3 برده وده علشان يبقى فى نظام فى توزيع الترددات بين ال BTS وال MS ..
يعنى الفرق بين ال UPlink وال Downlink بيبقى ثابت علطول وهو 45 ميجا ودى بنسميها ال Duplex Distance

طيب احنا كدة عندنا 35 ميجا فى ال Uplink و35 ميجا فى ال Downlink طيب هما دول بقى بيتقسموا ازاى
احنا لقينا ان افضل حيز من التردد ينفع نبعت فيه ال Frame بتاعنا هو 200 كيلو هرتز يعنى هنقسم ال 35 ميجا دول الى عدد من ال Carrier بحيث يكون كل Carrier 200 كيلو هرتز .....
يعنى لو عاوزين نعرف احنا عندنا كام تردد حامل هنقسم ال 35 ميجا على ال 200 كيلو ..... يبقى احنا عندما 174 تردد حامل فى ال E-GSM 900 طيب هو اية الواحد الى نقص ده عبارة عن فاصل بين الباند بتاع ال GSM والانظمة الاخرى وفى واحد فى ال Uplink وواحد فى ال Downlink
واحنا طبعا بنقسم ال Carrier بتاعنا الى 8 TS يعنى بكدة لو ضربنا 174 فى 8 يدينا 1392 الى هو عدد ال Channels او عدد ال Time Slot او عدد ال Users الى ممكن يتكلموا فى نفس الوقت فى ال Cluster فى ال E-GSM 900

طيب وهو ليه احنا خلينا ال Uplink لل BTS وخلينا ال Downlink لل MS ؟؟؟؟
فى ال Downlink ال تردد اكبر من ال Uplink وبالتالى وزى محنا عارفين كل لما التردد بيزيد ال Noise بتزيد وبالتالى هنضطر نزود ال Power علشان نتخلص من ال Noise دى وطبعا لما نزود ال Power فى ال BTS مش هتفرق انما لما نزود ال Power فى ال MS كدة هيبقى فى تأثير على المستخدم .

طيب احنا كدة عندنا 80 ميجا زى ماقولنا فى باند ال E-GSM 900 منهم 35 ميجا فى ال Uplink و 35 ميجا فى ال Downlink يعنى 70 ميجا طيب هما فين العشرة الى فاضلين دول الى هما بين ال 915 وال 925
اولا فى منهم 6 ميجا من 915 الى 921 فى ال Downlink ومن 870 الى 876 فى ال Uplink
ودول لاجراء الاختبارات على النظام بالكامل

طيب كدة لسة فى 4 ميجا من 921 الى 925 فى ال Downlink ومن 876 الى 880 فى ال Uplink
دول بقى بتوع ال GSM - R
بصوا يا جماعة الناس دى ماسبيتش حاجة الا لما فكرت فيها . يعنى مثلا لو فى واحد مسافر من فرنسا الى اسبانيا مثلا فى قطار الراجل ده خرج من حدود التغطية فى فرنسا طبعا هيشتغل معاه التجوال تمام لكن لو فرضنا ان القطار ده مشى قطعة معزلة مفيهاش تغطية اية الحل بقى . ولو حطوا Pico Cell فى عربيات القطار بتستخدم تردد من الترددات الى بتستخدمها ال Micro Cell هيحصل تداخل لو القطار عدى فى منطقة اخرى . يبقى الحل اننا نعمل باند خاص للقطارت عموما وده الى حصل وخلينا ال 4 ميجا دول خاصين بالقطارت بس . ولو حسبناها وقسمنا ال 4 ميجا على ال 200 كيلو هرتز وضربنا الناتج فى 8 هنلقيه 160 Channels ودول طبعا كفاية اوى ..


http://img.photobucket.com/albums/v204/BOSSNEMO/gsmch3/Slide6.jpg


http://img.photobucket.com/albums/v204/BOSSNEMO/gsmch3/Slide7.jpg

تعالوا نفتكر مع بعض كدة ال TDMA احنا قولنا قبل كدة ان احنا بنقسم الباند الى Carriers
وفى كل Carrier بقسمه الى 8 Time Slot وكل مستخدم بياخد Time Slot واحد
هيبعت المعلومة بتاعته عليه والمعلومة الى هتتبعت دى بقى اسمها Burst
يعنى لما نقول Burst يبقى اكننا بنقول Time Slot
الفرق بس ان ال TS دى هى الى بتشيل ال Burst عليها زى ما هنشوف دلوقتى

http://img.photobucket.com/albums/v204/BOSSNEMO/gsmch3/Slide8a.jpg
طيب متيجوا بقى نشوف ال Burst دى بتتكون من اية

http://img.photobucket.com/albums/v204/BOSSNEMO/gsmch3/Slide9a.jpg

اولا هنلاقى انها بتتكون من 156.25 bits
زى محنا شايفين فى الصورة الى فوق دى ال Data عبارة عن 114 bits
وفى فى حاجة اسمها ال Hide Bits وال Tail Bits كل واحدة عبارة عن 3 bit ودول علشان نعرف منهم بداية ال Data واخرها
وفى ال Training Sequence ودول علشان نعرف اذا كان حصل تأخير فى الاشارة ولا لا ولو حصل تأخير نعرف المشكلة فين ونصلحها .....افتكروا معايا كدة شبتر واحد من ضمن المشاكل الى بتتعرض لها الاشارة مشكلة اسمها Dealy Spread وكان حلها ان احنا نضيف ال Training Seq دول ....
وفى تانى حاجة اسمها ال Stealing Flags ودى عبارة عن 2 bits بيحددوا نوع ال data المرسلة يعنى
لو 0 0 يبقى المعلومة المرسلة عبارة عن كلام
ولو 1 0 يبقى المعلومة المرسلة عبارة عن تحكم فى ال Power من ال BTS
ولو 0 1 يبقى المعلومة المرسلة عبارة عن Timing Advance ( ارجع للمشاكل التى تواجه الاشارة فى شبتر واحد )
ولو 1 1 يبقى المعلومة المرسلة عبارة عن Hand Over

اخر حاجة هى ال Guard Period
وهى عبارة عن مساحة فارغة بجوار ال Burst للفص بينها وبين ال Burst التى بجوارها وهى عبارة عن 8.25 bits ..... ووجودها بيحمى ال Burst اذا حصل اى تأخير او تقديم لها ...
يبقى كدة ال Burst بتتكون من 156.25 bits


http://img.photobucket.com/albums/v204/BOSSNEMO/gsmch3/Slide10.jpg

تعالوا كدة نحسب شوية حسابات علشان نعرف الزمن بتاع ال Frame والزمن بتاع ال Time Slot

الاول صلوا على النبى ............... طب زيدوا النبى صلى

احنا ال Bit Rate بتاعنا فى ال GSM بيساوى 270.833 Kb/s
وده هنثبته شوية كدة
يبقى علشان نجيب ال Bit Duration الى هو الوقت الى بتستغرقه ال bit الواحدة
يبقى نقسم واحد على 270.833
يبقى 3.96 ميكرو ثانية
طيب يبقى علشان نجيب الزمن بتاع ال Time Slot هنضرب ال 3.69 فى ال 156.25
هنلاقى ان الزمن بتاع ال TS 0.577 msec
وطبعا علشان جيب الزمن بتاع ال Frame كله هنضرب فى 8 هنلاقيه 4.615 msec


http://img.photobucket.com/albums/v204/BOSSNEMO/gsmch3/Slide12.jpg

هى اما physical الى هى ال Time Slot ودى بنشبهها بالطرق الى بتمشى عليها العربيات الى هى المعلومات
وال Logic الى هى المعلومات نفسها

http://img.photobucket.com/albums/v204/BOSSNEMO/gsmch3/Slide13.jpg

ولما نشوف ال Logic Channels هنلقيها اما ان تكون Traffic Channel او Control Channels
وال Traffic Channels دى عبارة عن المعلومات بتاعتنا الى احنا بننقلها
اما ال Control Channels فهى عبارة عن الاوامر الى بتديها الشبكة لل MSs

تعالوا نشوف انواع ال Traffic Channels الاول

http://img.photobucket.com/albums/v204/BOSSNEMO/gsmch3/Slide14.jpg


http://img.photobucket.com/albums/v204/BOSSNEMO/gsmch3/Slide15.jpg


Full Rate -1

بيكون ال Data Rate بتاع ال Speech 13 Kb/sec

وبعد اضافة ال Redundancy بتبقى 22.8 Kb/sec
وال Redundancy دى بتستخدم فى عمل تصحيح للاشارة وهنعرف لية بتتضاف وازاى بالتفصيل فى شبتر اربعة


Enhance Full Rate -2

وفيها بنزود ال Redundancy شوية

Half Rate -3

لما ال Capacity بتاعة الشبكة بتزيد بصورة كبيرة جدا بنضطر ان احنا نخلى كل واحد يا خد نص ال Rate الى المفرض ياخده وبنقسم ال TS على 2 User


والمرة الجاية نكمل ان شاء الله

الف الف الف الف شكر
انا عاوز ادرس ال
gsm &gprs_cdma&umts
وسالت فى باناسونيك قالولى مفيش مواعيد بعد الساعة 6
وانا لاسف بخلص شغل على الساعة 4 واحيانا بتمتد الى 6
فكنت عاوز اطلب منك لو تدلنى على اى مكان تانى يكون زى باناسونيك
وانا فعلا معجب جدا بطريقة شرحك
واتمنى ان نتعاون مع بعض
وده ايميلى
لو تحب ان احنا نتعارف على بعض
mta_eng_elect@yahoo.com

انا تحت امرك ان شاء الله يا باشمهندس ..
بس بصراحة انا شايف ان افضل حتة تاخد فيها الكورس ده هو باناسونيك
عموما لو انت قريت الشرح ده كويس واى اسئلة تيجى فى دماغك تسألها ومتتكسفش ان شاء الله هتبقى تمام اوى اوى ..

الف الف الف شكر
انا مش عارف اقولك ايه على سرعة ردك وعلى اهتمامك
ربنا يجزيك كل غير
على العموم انا اتمنى ان نكون اصدقاء
وده رقم تليفونى
0161462027
وده ايميلى
mta_eng_elect@yahoo.com

الف الف الف شكر
انا مش عارف اقولك ايه على سرعة ردك وعلى اهتمامك
ربنا يجزيك كل غير
على العموم انا اتمنى ان نكون اصدقاء
وده رقم تليفونى
0161462027
وده ايميلى
mta_eng_elect@yahoo.com

متشكر جدا جدا يا باشمهدس وانا طبعا اتشرفت بمعرفتك
وجزاك الله كل خير

تعالوا بقى نشوف ال Control Channel

http://img.photobucket.com/albums/v204/BOSSNEMO/gsmch3/Slide16.jpg

http://img.photobucket.com/albums/v204/BOSSNEMO/gsmch3/Slide17.jpg

اولا : BroadCast Channel

http://img.photobucket.com/albums/v204/BOSSNEMO/gsmch3/Slide17a.jpg

ودى فيها ثلاث قنوات

http://img.photobucket.com/albums/v204/BOSSNEMO/gsmch3/Slide23.jpg

الاولى ال BroadCast Control Channel

ودى يا جماعة عبارة عن قناة عامة ترسل لجميع الموبيلات فى جميع الاوقات وهى دى الى بتخلى الموبيل يكتب اسم الشبكة ويعرف اسم ال Location Area الى هو موجود فيه دلوقتى واسم ال Cell والترددات المستخدمة ودى بتبقى Downlink يعنى بتتبعت من الا BTS ومش محتاجة رد عليها .

الثانية ال Frequency Correction Channel

ودى بتعرف الموبيل بالتردد الاساسى علشان يعرف يتعامل مع ال BTS

الثالثة ال Synchronization Channel

ودى بتعرف الموبيل بتكوين ال Frame يعنى ترتيب المعلومات فيه وكمان بتعرفه البداية بتاعة ال TS
والSCH وال FCCH مهمين جدا لاى موبيل يدخل جديد وبعد الاستقبال منهم يقدر بعد كدة يتعامل مع الشبكة ويرسل ويستقبل المكالمات. ودول برده Downlink بس


ثانيا : Common Control Channels

http://img.photobucket.com/albums/v204/BOSSNEMO/gsmch3/Slide18.jpg

وتتكون من ثلاث قنوات

http://img.photobucket.com/albums/v204/BOSSNEMO/gsmch3/Slide19.jpg

الاولى Paging Channel PCH

دى بقى يا جماعة هى المسؤلة عن البحث عن الموبيل الى جاياله مكالمة وبدور عليه عن طريق ال TMSI الخاص به
ودى برده Downlink بس

الثانية Random Channel RACH

ودى القناة الى بيرد عليها الموبيل على ال Paging وهى فى ال Uplink وبس

الثالثة Access Grand Channel AGCH

لما الموبيل بيكون عاوز يجرى مكالمة لازم يعمل شوية حاجات علشان الشبكة تتأكد ان الموبيل ده مش مسروق مثلا وان الشريحة الى فيه مش مضروبة ..الحاجات الامنية دى الموبيل بيعملها فى حالات كتير اوى هنذكرها بالتفصيل بعدين المهم الحاجات دى الموبيل بيعملها على Control Channel اسمها SDCCh ال AGCH دى بقى هى الى بتقوله على SDCCH thضية علشان يستعملها ودى بتبقى فى ال downlink وبس


ثالثا : Dedicated Control Channel DCCH

http://img.photobucket.com/albums/v204/BOSSNEMO/gsmch3/Slide20a.jpg

وتتكون من ثلاث قنوات

http://img.photobucket.com/albums/v204/BOSSNEMO/gsmch3/Slide21.jpg

الاولى Stand_alone Dedication Control Channel SDCCH

ودى الى بيعمل عليها الموبيل جمع الاجراءت من توثيق وتحديث الموقع وغيره ودى بتكون فى ال Downlink وال Uplink

الثانية Slow Associated Control Channel SACCH

بتقوم بتبليغ الموبيل بقيمة ال Power والوقت الى هيرسل فيه ودى بتكون فى ال Downlink وال Uplink

الثالثة Fast Associated Control Channel FACCH

ودى المسؤلة عن نقل بيانات ال Hand Over بين الموبيل وال BTS ودى بتكون فى ال Downlink وال Uplink

طيب هى ال Control Channels دى بتتوزع ازاى وبتوصل للموبيل ازاى والموبيل بيرد عليها ازاى


بصوا يا جماعة احنا عارفين ان ال Frame بتاعنا بيتكون من 8 TS وطبعا لازم يكون فى مكان لل Control Channels دى علشان كدة تم حجز اول 2 TS من كل Frame لل Control Channels دى وباقى ال Frame يبقى لل Traffic Channels يعنى لنقل البيانات

http://img.photobucket.com/albums/v204/BOSSNEMO/gsmch3/Slide21a.jpg

طيب وهى بتتوزع ازاى فى ال 2TS دول

http://img.photobucket.com/albums/v204/BOSSNEMO/gsmch3/Slide21b.jpg

اولا بالنسبة لل FACCH وال SACCH دول بيبقوا عبارة عن 2 bit والى بنسميهم ال Stealing Flag
والى اتكلمنا عليهم فى مكونات ال Burst
يعنى مثلا لو ال 2 bit دول 1 1 يبقى ال Burst دى عبارة عن معلومة عن ال Hand Over
ودى الى احنا سميناها FACCH

اما بالنسبة لال 2TS الاولى والثانية
زى محنا شايفين فى الرسمة الى فوق بالنسبة لل TS0 فى ال Uplink هنلاقى ال RACH
وفى ال Downlink هنلاقى ال BCH , FCCH , SCH , PCH , AGCH
ودول يا جماعة احنا اتكلمنا عن وظايفهم
وبالنسبة لال TS1 هنلاقى فيها ال SDCCH فى ال Uplink وال Downlink وده علشان دى زى ماقولنا بتبقى بيتم عليها عمل الاجراءت الاولية للمكالمة والى هنتكلم عليهم ادام شوية ان شاء الله

وبكدة يكون شبتر 3 انتهى

كلمة شكرا لا توفي حقك لكني اقول لك جزاك الله خيرا وزادك الله علما
وللامام دائما

بجد الشرح روعة ربنا يجعلة فى ميزان حسناتك ونرجو التكملة

جزاك الله خيرا ونسا ل الله ان يوفيك ما تقدمه لنا من العلم الميسر الذي قد يحير الطالب للحصول على هذي المعلومات نشكرك اخونا شكرا جزيلا

اني بدي اطلب منك يا ريت كورس cdma وياريت على ايميلي الخاص belalhp82@yahoo.comولو فيها زحمة بس صبرك معانا واحنا نشكرك كثيرا

بجد يسلمو يا بشمهندس والله كورس روعه جدا وشرح اجمل وبعد ازنك ازا فيك تبعتلي كورس ال cdma و ال umts لانو محتاجهم ضروري جدا وهاد ايميلي elagha_ahmed@hotmail.com وشكرا كتير الك على تواصلك ...بنتظار جديدك....

انا مهندس أتصالات 2007 اسكندرية ممكن أبعت لحضرتك الcv بتاعى ياباشمهندس
karimhamama@yahoo.com

السلام عليكم

مشكور اخويه على هذا الموظوع اتمنى الله يوفقك واذا عندك موضوع شامل عن gsm ارجو منك ان ترسل اليه على الاميل alrekabi_782005@yahoo.com

الله يعطيك العافية

عنجد شي بيفرح القلب

الله يكتر خيرك ويقويك ويعطيك القوة

عنجد أول مرة بشوف هيك شرح " شي حلو كتير"


مشكووووووووووووووووووووورررر حبيبي

الله يعطيك العافيه

انا مهندس جوال

وعملت لي

refrsh

الاول ربنا يبارك فيك يا بشمهندس على الشرح والمجهود
في سؤال عايز اسئله ؟
What is the
connection between bts and bsc and transmission rate?

تسلم اخوي عالطرح ويزاك الله خير ولا هنت ....

السلام عليكم :
كل الشكر والامتنان لك علي هذا العلم والمقدره علي التبسيط والشرح الوافي , ونتمني منك مواصلة الطرح حتي نتمكن من الاستفاده اكثر واكثر وبخاصه الانظمه التاليه لشرح gsm كما وعدت وبخاصة نظام ال cdma فهو اصعب قليلاً ويحتاج الي شرحك الجميل وياريت لو كان لاحد البوربوينت المتوفره في هذا النظام ........
ولك فائق المحبة والتقدير &
اما الشكر فكله لك واما الجزاء فنكله الي العالم ليزيدك من علمه ....

احب اشكر اولا الاخ بوسنيمو على الشرح الاكثر من رائع ده و يا ريت يرفع لنا الكتب و البوربوينت اللى بيستخدمها علشان اللى محتاج الحاجات دى بسرعة و لو حتى يرشح لنا بعض الكتب و احنا نبحث عنها و انا باشكره جدا

جزاك الله كل الخير معلومات مفيده جدا

الف شكر يا بشمهندس ربنا يكرمك و يوفقك يا رب بجد حضرتك افادتنا قووووووووي باسلوب بسيط و ممتع ....بالله عليك كمل يا بشمهندس انا تقريبا معتمدة عليك كليا في الدورة دي
واسفة لو هكتر علي حضرتك انا كنت عايزة دورة utms
ولو حضرتك تقدر ده الميل بتاعي
emoomhamed@yahoo
و جزاك الله خيرا

بببببببببببببببببببببببببببببببببببببببببببببببببب بببببببببببب

مشكورررررررررررررررررررررررررررررررررر

جزاك الله كل خير اجر ما فعلت
مشكوووووووووووور

الواحد مش عارف يشكرك اذاي..........
جزاك الله كل خير اجر كل الاستفادة اللى حصلنا عليها
مشكوووووووور