في دورة الكنترول اللي تبع معهد الساليزيان دون بسكو في شيت ب 38 تمرين متنوعة ممكن اشوف الدواير دي ضروري عشان امتحان plc

حقيقة لا املك هذا الشيت كنت اتمني المساعده ان شاء الله تلاقيه
ربنا يوفقك

السلام عليكم أولا
ثانيا بقا بص ياسيدي أنا أخدت الدورة بتاعة الكنترول دي في السالزيان
وال38 تمرين هما في دماغي بس بصراحه أنا معرفش أوصلهم ليك ازاي بس أنا حأحاول أجيبلك كتاب وجيه جرجس بتاع التحكم اللي صادر من المعهد نفسه
وعموما ال38 حأحاول ألمهملك في نقط
1- أول مجموعة بتتكلم عن التحكم في موتور واحد من مكان أو مكانين أو 3 أماكن وكدة وكل دة طبعا حيبقى عن طريق مفاتيح التشغيل وطبعا معاك طبعا في الرسم لمبات الاشارة
وتهتم كمان بالمفتاح المزدوج اللي تقدر تشغل الموتور بيه لحظي .....معايا يامعلم

2- تاني مجموعه تمارين فيها شغل التايمرات كلة يعنى ازاي تقدر توظف التايمر في الدايرة
يعنى مثلا يقوللك معايا 3 محركات الاول يشتغل وبعدة التانى بزمن وبعدة التالت بزمن وبعدين الاول تانى بزمن وهكذا أو يقوللك الاول والتانى مع بعض يشتغلو وبعديهم مثلا يعنى التالت بزمن وفي نفس اللحظة يقف التالت ويقعد يعقدللك في الدواير "لدرجة أنا كان ممكن أقعد ليالي كاملة علشان أفكر في تمارين التايمر دى" ربنا يهده ال أ/البير
المهم يامعلم
3- بعدين تدخل علي دواير ال ستار- دلتا ودي أهم ليلة في الحوار يعنى ركز عليها كويس
يقوللك شغلي ستار دلتا عادى
أو يقولك ستار دلتا في اتجاهين "عكس الحركة يعنى"
4- بعدين تدخل علي المحركات يعنى اية؟ تتحكم في سرعة الموتور العادي والدلاندر
وكان فية دائرة اشارة مرور
المهم أنا حأحاول أشوفلك كتاب وجية جرجس من موقع سيد سعد وأبعتهولك ولو عايز حاجة راسلنى علي الايميل دة
ENG_M_A_H2005@YAHOO.COM
سلااااااااااااااااااااام يامعلم

توضيــــــــــــــــــــــــــــــــــــــح مهـــــــــــــــــــــــــــــم جـــــــــــــــــــــدا

سقط سهوا انا كتبت "ربنا يهده ال أ/ البير "

أنا أسف جدا لان كان قصدي ربنا يهديه موش " يهده "
اعتذاري للاستاذ البير لانه صاحب فضل عليا