|
مشاهدة النسخة كاملة : سمعتم الخبر ده ياجدعان السيد مصطفى 29-08-2007, 12:48 AM بيقولوا ان البنات هيبقى ليهم اقسام فى الهندسة زى البنين يعنى العملية مش هاتبقى مقتصرة على العمارة والنظم طيب ياترى هيبقى لهم بترول وميكانيكا اظن ذالك لانهم كانوا لابسين العفريتة وهم فى اعدادى هندسة......... يلا خليها تكمل.... almaleky 31-08-2007, 07:14 PM أظن لأ.. هى جامعة الأزهر لقيه تاكل ..علشان تعمل أقسام جديدة حور الدنيا 08-09-2007, 02:11 AM من تدخل فيما لايعنيه سمع مالا يرضيه وبعدين لو فتحوا أقسام لينا عندكم أحنا مش هندخلها أصلا almaleky 08-09-2007, 11:25 PM من تدخل فيما لايعنيه سمع مالا يرضيه وبعدين لو فتحوا أقسام لينا عندكم أحنا مش هندخلها أصلا يعنى إيه هو أنتو مش محتلين لكلياتنا.......... انتو عاملين زى أمريكا فى العراق........ تبريرات دخلولكم للهندسة مالهاش لازمة................ كما إحنا ما صدقنا عامللكم مبنى بعيد عنا ........... ها تقعدوا تطنطولنا تانى.............. ______________________________ على فكرة أسلوبى كدهع ظاهرة الغلظة لكنه اسلوب كاريكاترى...صح ولا لآ.؟؟؟؟؟؟ مهندس متأمل 09-09-2007, 03:29 AM السلام عليكم ورحمه الله وبركاته اعتقد ان البنات ليهم الحق ان تتفحلهم اقسام جديده ولا ايه اظن ده من حقهم وميضرناش فى حاجه بس احنا بس الى بناخد الامور من الظاهر مهندسة الأزهر 26-09-2007, 11:32 PM شكرا يا بشمهندس انك دافعت عن حق أخواتك جزاك الله خيرا بنوته ازهريه 27-09-2007, 12:36 AM انا مش عارفه ايه مشكلتكوا ان تتفتح اقسام جديده و مضايقين من ايه انتوا عندكو الاماكن كتير, انا رغم اني خلاص دخلت عماره, الا ان من حق الدفعات اللي جايه انها تختار عايزه تتدخل ايه مش يبقوا مجبورين علي قسمين بس.و من حد كل واحده انها تدرس اللي هي عايزاه طالما مش بتعمل حاجه غلط و اعتقد كمان ان البنات تقريبا تفوقت علي البنين في القسمين دول و بعدين لو فتحوا اقسام هيبقي بسبب و السبب انه عدد اعدادي بنات السنه ديه 500 هيقسموهم ازاي علي قسمين هيبقوا 450 نظم و 50 و عماره ولا ايه رأيكم يا بشمهندسين الغد المشرق 27-09-2007, 01:31 AM انا مش مصدقه ياجماعه اللي مكتوب دا المفروض اننا كلنا ازهريه بنحب الازهر وبنحب الازهريه بنحب بعض عايزين الافضل لبعض ايه اللي مزعلكو ، ولو جينا عندكو في كلياتكو المفروض انتو تحمونا وتساعدونا وتفرحولنا تخيل حضرتك لو عندك اخت تعبت جدا في الثانويه وجابت مجموع كبير ونفسها تدخل هندسه ومتلحقهاشي وتلاقي انها لو كانت ولد كانت دخلت هندسه بسهوله تخيل احساسها طب تخيل انها دخلت هندسه ونفسها في قسم معين وملقتهوشي ولقيته موجود عند البنين اللي داخلين بمجموع اقل منها تخيل احساسها مش ممكن البنت دي تعمل حاجه كويسه تعمل اختراع ترفع راس الازهر احنا مش عايزين حاجه منكو احنا بس مش عايزين نكره الازهر عايزين نحبه نفسنا نحبه ونقول انو بيساعدنا وبيشوف احتياجتنا وبينفذ رغباتنا ارجوكم فكرو في كلامكم تاني وحطو نفسكم مطرحنا بنوته ازهريه 27-09-2007, 01:37 AM تسلم ايديكي هو ده الكلام ولا بلاش يا بشمهندسه والله كان نفسي اقولهم الكلام ده كله بس مكنتش عارفه اقولهلهم ازاي و اقنعهم بيه ازاي الغد المشرق 27-09-2007, 01:43 AM شكرا يابنوته احنا مش هنعرف نقنعهم كلهم اكيد فيه ناس مقتنعه وناس هتقتنع وناس مقتنعه ومش عايزه تقتنع وناس مش مقتنعه وفي ناس اصلا مش مقتنعه بتعليم البنات وعايزين الازهر يبقي للولاد بس احنا اللي نقدر نغير فكرهم بالعمل مش بالكلام وان شاء الله نقدر amr 2003 27-09-2007, 03:40 PM اصلا بنات تدخل هندسة لية ما جبتش هندسة تدخل ترجمة وبعدين بتقول البنات جاية مجموع كبير ما دخلتش هندسة والولاد مجموع صغير ودخلوا دة على اساس ان فرق 4 درجات كبير اوى هندسة بنات 619 وهندسة ولاد 615 وبعدين البنت بتتعلم عشان تبقى انسانة متعلمة تعرف تربى اولادها على الدين والعلم مش عشان تنزل الموقع مع العمال او تتعلم عشان تخدم البنات اللى زيها يعنى مدرسة تعلم البنات دكتورة عشان تتعامل مع الست المريضة والدكتور يتعامل مع الرجل اللى زية وميبقش فية خلط يعنى المفروض تتعمل كليات للبنات وكليات للاود وزى ما بقول تخلف ان يتفح هندسة للبنات بردة بقول تخلف ان يبقى فية قسم نسا وولادة لللراجل فى كلية طب مين اللى قال مفيش فرق بين الرجل والست منتهى التخلف ربنا خلق الستات كمربية اجيال والراجل هو اللى بيصرف على الاجيال دية يعنى مينفعش يبقى زى بعض لان الاتنين بيكملوا بعض ولو بقوا زى بعض يبقى عمر الحياة ما هتتزن وبعدين يفتحوا اقسام جديدة للبنات لية ان شاء الله ادام معاهم فلوس اوى كدة طب يجيبوا اجهزة للمعامل ويرفعوا المستوى العملى بدل الاجهزة الخردة والمعامل الزبالة ولا هو نفتح اقسام وخلاص ونكبر العدد المهم عندهم الكم مش الكيف المهم عندهم انى خرجت 1000 مهندس مش مهم دول اتخرجوا ازاى اذا كان فى قسم اتصالات عندنا ما بناخدش سكاشن عشان مفيش ميزانية يعينوا معيدين يقوموا يبنوا اقسام جدية طب اسرف الاول على الاقسام اللى عندك حسبنا الله ونعم الوكيل وفى اخر كلامى بقولكم ما تنسوش تخلطوا الاسمنت بالزلط كويس almaleky 27-09-2007, 11:37 PM اصلا بنات تدخل هندسة لية ما جبتش هندسة تدخل ترجمة وبعدين بتقول البنات جاية مجموع كبير ما دخلتش هندسة والولاد مجموع صغير ودخلوا دة على اساس ان فرق 4 درجات كبير اوى هندسة بنات 619 وهندسة ولاد 615 وبعدين البنت بتتعلم عشان تبقى انسانة متعلمة تعرف تربى اولادها على الدين والعلم مش عشان تنزل الموقع مع العمال او تتعلم عشان تخدم البنات اللى زيها يعنى مدرسة تعلم البنات دكتورة عشان تتعامل مع الست المريضة والدكتور يتعامل مع الرجل اللى زية وميبقش فية خلط يعنى المفروض تتعمل كليات للبنات وكليات للاود وزى ما بقول تخلف ان يتفح هندسة للبنات بردة بقول تخلف ان يبقى فية قسم نسا وولادة لللراجل فى كلية طب مين اللى قال مفيش فرق بين الرجل والست منتهى التخلف ربنا خلق الستات كمربية اجيال والراجل هو اللى بيصرف على الاجيال دية يعنى مينفعش يبقى زى بعض لان الاتنين بيكملوا بعض ولو بقوا زى بعض يبقى عمر الحياة ما هتتزن وبعدين يفتحوا اقسام جديدة للبنات لية ان شاء الله ادام معاهم فلوس اوى كدة طب يجيبوا اجهزة للمعامل ويرفعوا المستوى العملى بدل الاجهزة الخردة والمعامل الزبالة ولا هو نفتح اقسام وخلاص ونكبر العدد المهم عندهم الكم مش الكيف المهم عندهم انى خرجت 1000 مهندس مش مهم دول اتخرجوا ازاى اذا كان فى قسم اتصالات عندنا ما بناخدش سكاشن عشان مفيش ميزانية يعينوا معيدين يقوموا يبنوا اقسام جدية طب اسرف الاول على الاقسام اللى عندك حسبنا الله ونعم الوكيل وفى اخر كلامى بقولكم ما تنسوش تخلطوا الاسمنت بالزلط كويس كلام جميل أوىىىىىىىىىىىىىىىىىىىىىىىى وصح جدا............................................... ......... بس خلى البنات تدلع ما دام هناك فرق فى المعاملة بينا وبينهم............... بتقول ما فيش معيدين هل يجبلهم معيدين من تحت الآرض............................ دول رمز من رموز الآزهر..................................... بصراحة أسألنا إحنا بتوع قسم نظم...............إزاى البنات بيجوا يأخدوا فى معاملنا وهى معامل واقعة أصلا ومنيلة بنيلة............ لأ لازم نفتح ليهم أقسام........ للفشخرة فقط لا غير بنوته ازهريه 28-09-2007, 02:06 AM اعتقد البشمهندسه اللي بتتكلم عن الفرق في المجموع بين البين و البنات قصدهم علي السنه اللي قبل اللي فاتت , اللي هندسه بنات خدت فيها 97 اللي هي السنه بتاعتي و كانت واخده في البنين 92 و شويه اعتقد و بعدين مين قال لحضرتك اني لما هشتغل هشتغل مع العمال تقريبا في مجالات ممكن اشتغل فيها كتير غير كده انا معاك ان في اقسام مش تنفع للبنات زي ميكانيكا , بس بردو في اقسام كويسه تنفع للبنت و بعدين انا لما بتكلم علي اننا من حقنا نتعلم اللي احنا عايزينه سواء هندسه او غيرها انا محدتش في اعتباري الميزانيه و الكلام ده, ده كلام لازم يبقي متوفر , انما انا بس بتكلم عن مبدا الناس اللي رافضه فكره ان البنت تبقي مهندسه و بعدين هو انا لو في هندسه مش هعرف افيد اولادي بدراستي ديه انا رغم اني لسه في اولي عماره الا اني عرفت حاجات كتير اوي مكنتش اعرفها قبل كده ,حتي لو مش اشتغلت بعد كده علي الاقل هعرف اوجه اولادي صح و هعرف اذاكرلهم اه و حاجه كمان في حاجه اسمها ميول لكل انسان و عقل ليه قدرات معينه انت بتقول ندخل ترجمه اظن سهل اوي اني اتعلم اللغات اللي عايزه اتعلمها عن طريق كورسات طب ممكن تبقي في بنات قلبها ضعيف جدا مش تستحمل اللي بيشوفه الاطباء صيدله ممكن تبقي في بنات مش عندها القدره علي الحفظ البنات دول يروحوا فين يقعدوا في البيت ولا يدخلوا اي كليه مش عايزانها و تتخرج واحده فشله مش حابه الكليه و كاره التعليم كله لانها كانت مجبره علي كده هل ديه هتبقي مربيه فاضله,في بنات بتبقي مش فارقه معاهم اي كليه اهي شهاده و خلاص و في بنات بتبقي عايزه تعرف و تتعلم و عايزه تعمل حاجه , فهل هتحرموا علينا اننا نتعلم و نعرف اسألوا الدكاتره البنات عامله ازاي و مستواهم عامل ازاي و بيطلع منهم حاجات كتير كويسه , فهل انتوا تتضايقوا لما تعرفوا ان واحده مصريه مسلمه و ازهريه بقت حاجه كبيره معلش طولت عليكوا بس انا بضايقني و جهه النظر و المنطق اللي بتتكلموا بيه , لو كان سبب اعتراضكم الميزانيه و المصاريف كنت هقولكم ان عندكم حق انما الموضوع بالنسبه ليكم مش موضوع ميزانيه محمود محمد أنور 28-09-2007, 02:38 AM بعد كلامك يا بنوتة انا مش هقول كلام انا مش عارف ايه الكلام الفاضي دة طبعا البنات من حقهم يبقي قدامهم علي الاقل قمسين تلاتة كمان كهربا مثلا ومدني مش عارف انا الرفض دة من انهي منطلق بالضبط اخشي ما اخشاه ان الحقد علي البنات عشان بيبقو داخلين اعلي منا في المجاميع يعمي عنينا عن الحقايق دي وكمان تقديراتهم اعلي ويمكن تبقي البنت كفائتها في الشغل اعلي مين عارف مهي اثبتت تفوقها اهي في مجال الدراسة انا مش فاهم ليه التعصب الاعمي دة محمد احمد احمد الشال 29-09-2007, 04:41 PM ولا تعصب ولا حاجه البنت اللى مش عجبها امكانيات الازهر اللى مش فتحلهاالاقسام اللى هى عايزهاواللى هى من حقها تدخلها فى الحال تحول تربيه وتعليم وتورنا التفوقبدال الازهر عاجز عن تحقيق ما تريد وتنصح اخوتها الصغيرين بكده almaleky 01-10-2007, 12:42 AM ولا تعصب ولا حاجه البنت اللى مش عجبها امكانيات الازهر اللى مش فتحلهاالاقسام اللى هى عايزهاواللى هى من حقها تدخلها فى الحال تحول تربيه وتعليم وتورنا التفوقبدال الازهر عاجز عن تحقيق ما تريد وتنصح اخوتها الصغيرين بكده تمام يا هندسة................. بنوته ازهريه 02-10-2007, 05:18 PM انا ماقولتش ان مش عاجبني الامكانيات تقريبا حضرتك مش قريت الكلام كويس.هما لو مش عندهم امكانيات اكيد مش هيفتحوا اقسام جديده من غير الاراء بتاعتنا يعني و بعدين انا مش شايفه ان عندنا مفيش امكانيات جامده اوي يعني في اي كليه. انا بتكلم عن رفض البنين فتح اقسام جديده و رفضهم اصلا وجودنا في الكليه بس علي فكره انا بتمني ان كل واحد من المعترضين دول يتخيل بنته او اخته نفسها تدخل هندسه او تدخل قسم معين و نفسها تتدرس في المجال ده و غصب عنها مش قدرت ,تفتكر اللي يدرس في مجال مش حابه هينجح انا مش عارفه اقنعكم بوجهه نظري و انتوا مش عايزين تقتنعوا ولا قادرين تقنعوني علي العموم اختلاف الراي لا يفسد للود قضيه bent msr 02-10-2007, 05:37 PM السلام عليكم خلاص ياجماعه اختلافكو دا مابقاش ليه لازمه لان فعلا الاقسام الجديدة هاتفتح السنه اللى جايه ان شاء الله هايفتحو كهربا وتخطيط وممكن هندسه طبيه يعنى خلاص فركش . وبعدين انتو يابنات بتجادلو ليه احنا الاسلام ادانا كل حقوقنا واللى مش عارفها كويس وبيجادل بدون علم ياريت يرجع لكتب الدين . وبعدين طالما احنا ماتعدناش حدودنا يبقى خلاص ماحدش ليه عندنا حاجه وكفايه بقى كلام فى الموضوع دا لانو مايستاهلش amr 2003 04-10-2007, 07:57 AM وكفايه بقى كلام فى الموضوع دا لانو مايستاهلش لا الموضوع يستاهل بعيد عن اعتراضى عن دخول هندسة للبنات لكن ادام هم معاهم فلوس يفتحوا اقسام جديدة طب يصرفوا على المعامل الزبالة بتاعتهم الاول طب حتى على الاقل يعينوا معيدين بدل ما بيقولوا مفيش فلوس نعين حسبنا الله ونعم الوكيل bent msr 04-10-2007, 03:16 PM بص انت عارف طبعا ان الازهر بتجيلو فلوس كتير اوى من بره وغالبا معظمها بيتسرق . لكن السنه دى ماكانش قدامهم حل غير انهم يفتحو اقسام جديده للبنات لان فعلا العدد كبير . يعنى هما حطو نفسهم قدام أمر واقع . بس انا مش عارفه بقى هما هايعملو مبنى جديد للأقسام دى ولا احنا هانتطفل عليكو زى العاده . محمود احمد محمد احمد 04-10-2007, 03:44 PM الى الاخت/ المهندسةالازهرية/احيكيى على رد المعتدل الجرىء ومش عارف لية عندنا نقطة التعصب فى موضوع بنت ولد يااخوانى لازم نسيب الامور الصغيرة دى ونظر الى الامام -احنا كلنا فى الحقيقة فى مدرج واحد ولازم ننظر الى الارتقاء -الى الاعلى مش نسيب الاصل ونمسك فى الفرع-والمفروض نشجع ونفرح بالتخصصات الجديدة للبنات -واكيد هما برضة هيفروحوا ان اخواتهم الاولاد ليهم نفس التخصصات-برجاء ان نتواصل bent msr 06-10-2007, 07:21 PM صح يابشمهندس المفروض دا اللى يحصل فعلا . بس انت هاتقول لمين بقى كل واحد متمسك برأيه وفاكر انو صح . يلا ربنا يهدينا gehad hossein 07-10-2007, 11:17 AM الكلام الي قالته بنت مصر صحيح انه هيتفتح للبنات اقسام جديده كهربا وتخطيط وهندسه طبيه العميد قال كده وكمان ايه المشكله احنا مطلبناش ميكانيكا ولا تعدين وفيه اقسام احنا مش عايزينها اصلا وبعدين الدفعه السنه دي 550 طالبه جدد يعني هيتفتحلنا الاقسام دي امال هيودونا فين حمدى احمد حسن 09-10-2007, 03:44 PM هى المشرحه نقصه ولاا ايه................ bent msr 10-10-2007, 09:01 AM مشرحه ايه انا مش فاهمه انت تقصد ايه بالظبط بس واضح انك بتتريق مش مشكله قول اللى فى نفسك ياعم ومايهمكش محمدالنحاس 20-10-2007, 02:53 PM بقول لكم ايه : ربنا يهديكم كلكم احنا فضينا للكلام ولا ايه روح يابنى ذاكر منك لها ولا انتم مش شاطرين الا فى الكلام بس مفيش جامعة فى مصر مرتبة فى500 الاولين على العالم ده ليه لاننا رجالة وقفنا وقفة رجالة اسف قصدى لاننا مش شاطرين الا فى الكلام بس opera_110 28-10-2007, 05:15 AM والله هيا مش فارقه خالص اذا كان هيفتحوا اقسام جديده ولا ش هيفتحوا مهما حصا مفيش فايده الفشل فشل مش هيتغير امضاء مهندس فاشل ظل الظلام 04-12-2007, 11:32 PM خليهم يقولوا يا عم المهم الى ينفذ |