المساعد الشخصي الرقمي

مشاهدة النسخة كاملة : مهم وارجو المساعدة



بيلسانوو
19-06-2007, 02:21 AM
السلام عليكم ورحمة الله وبركاته
انا عضوة جديدة بالموقع ومرررررة عاجبني وعندي موضوع وحابة احد يساعدني فية
انا خريجة معهد العالمية قسم علوم الحاسب تخصص تقنية البرمجة ( دبلوم سنتين ) وناوية بإذن الله اكمل بكالوريوس في معهد العالمية بس هم قالوا لي لازم تكون معاكي الشهادة البريطانية وعرفت ايش موضوع هاذي الشهادة .. بعدين فرع الخبر اللي في المنطقة الشرقية قالوا احتمال يخلونا نقدم بحوث ونكمل بكالوريوس .. في احد يقدر يساعدني في الموضوع هذا ؟؟؟ وهل بامكاني اذا خلصت البكالوريوس اني اكمل ماجستير في اي جامعة اهلية ؟؟
وشكراا

المهندس ميكانيكي
19-06-2007, 03:47 AM
اتوقع تقدرين تكملين ماجستير والله يوفق الجميع

**mzoon**
24-06-2007, 06:39 AM
الله يوفقك بس اذا للحين مصدقة المعهد مصيبة اتصور ان الشهادة بعد ماتخلصين وتتقدمين لاي مكان بيقولون ماهي معتمدة اسألي وتاكدي من المكان اللي ناوية تقدمين للعمل فية عن قبولهم لشهادة المعهد ....الحين بلشنا بعمرنا الديوان والرئاسة ماقبلوا شهاداتنا الدبلوم ..

متمرد رغم الظروف
28-06-2007, 06:50 PM
السلام عليكم . اسال الله ان يوفق الجميع . وبالنسبة للشهادة فهي معترف بها من ديوان الخدمة المدنية . وانا متوظف من الديوان بالدبلوم . وربي يوفقكم .

ابوداحم شبكات
01-07-2007, 09:33 AM
هلا متمرد اول شئ ابارك لك على الوظيفة واتمنى لك التوفيق في حياتك المهنية
ثانيا ممكن اعرف كيف توظفت؟ وهل انتظرت لفترة طويلة؟ وكم راتب يعطونك؟وكم معدلك عندما قبلوك في الوظيفة؟
وارجو الاتعتقد اني تعديت خصوصياتك وبصراحة ودي اعرف لاني تخرجت من المعهد ومازلت انتظر نتيجة اختبار الشامل بعد اسبوع تقريبا
وجزاك الله خير

متمرد رغم الظروف
02-07-2007, 07:41 AM
مرحبا ابو داحم تفضل بكل رحابة صدر وانا ما دخلت هنا إلا عشان افيد واستفيد من اخواني عموما الشهادة زي ما قلت انها معتمدة من ديوان الخدمة المدنية وعلى فكرة بدون اختبار المؤسسة الشامل يعني شهادة المعهد لوحدها كافية ، بس افضل انك تختبر الاختبار الشامل، وانا شخصيا ما اخذت شهادة المؤسسة .
اما بالنسبة للوظيفة كل اللي عليك انك تتابع الديوان ومتى ما نزلت وظائف سواء مسابقة او مفاضلة تقدم لها طبعا المسابقة عبارة عن اختبار اما المفاضلة فهي على التقدير والخبرات فالافضلية وطبعا اذا حصلت على وظيفة مساعد مبرمج تاخذ المرتبة السادسة الدرجة الاولى بالاضافة إلى بدل 25% من الراتب الاساسي شهريا . اما اذا تقدمت على وظيفة محضر معمل حاسب آلي فهي وظائف تخص وزارة التربية والتعليم طبعا برضوا عن طريق الديوان وتكون الوظائف في المدارس الحكومية بس اعتقد انها مو على المرتبة على الكادر التعليمي يعني مستويات . وبرضوا راتبها معقول . عموما في وظيفة مساعد مبرمج يكون اول راتب تحصل عليه في اول سنة هجرية 5692 ( خمسة الاف وستمائة واثنان وتسعون ريال ) طبعا هذا اجمالي الراتب مع البدل . ويارب زد وبارك . وبالتوفيق يا خوي ابو داحم .
ملاحظة / انصحك اخوي لو تقدمت لاي وظيفة في الديوان حاول ان تاخذ الشهادة اللي معدلها افضل يعني لو شهادة دبلوم المعهد تقديرك ممتاز وشهادة اختبار المؤسسة العامة جيد انصحك تقدم بشهادة دبلوم المعهد . وياليت توضح فكرة لنا عن اختبار المؤسسة وهل يعتبر اختبار صعب ومن خارج منهج الدبلوم في المعهد .
تحياتي للجميع .

ابوداحم شبكات
03-07-2007, 04:42 AM
جزاك الله الخير على الرد والتوضيح ونت وماقصرت معاي حتى الان مع العلم تقديري جيدجدا بمعدل 3.98 اما الشامل فنتائجه بعد اسبوع تقريبا ؟ حتى لو ما نجحت في الشامل اقدر اقدم للديوان؟وش تنصحني؟
اما بالنسبة لاختبار الموؤسسه فهي سهلة جدا فلاتخاف اما المذاكرة سهلة ولايحتاج الى بذل الجهد قصدي قبل ماتختبرون الشامل انصحكم كتاب اسم(مذكرةمراجعة الشامل) الاستاذ ماجد سعد الصالح والاسئلة اللي اختبرت الثلاثاء الماضي موجود في المذكرة اما بالنسبه للمذكرة فهي تحتوي على ملخصات وشرح والمساءلة و وكل شئ ويباع في مكتبة المركز الاول لخدمات الطالب الجامعي تقاطع الملك عبدالله مع شارع التخصصي الرياض والله يوفقكم جميعا

متمرد رغم الظروف
03-07-2007, 07:02 PM
السلام عليكم ، مرحبا اخوي ابو داحم زي ما وضحت لك سابقا انك تهتم بان تتابع الوظائف في ديوان الخدمة المدنية اللي تخص دبلوم الحاسب وموعد التقديم فيها وتكون متابعة مستمرة مع ديوان الخدمة المدنية . وبالنسبة للافضل فالافضل هي الشهادة اللي معدلها اعلى . الله يوفقك . ( ولا تنسى شهادات الخبر تعطي اولوية بعد النسبة ) . عموما المسالة تحتاج اجتهاد يعني لازم تزور الديوان في يوم وتستفسر عن اي سوال يخص شهادتك لانه ربما تحصل مستجدات ما يقدر يفيدك فيها احد اكثر من موظفي الديوان .