بسم الله الرحمن الرحيم

السلام عليكم ورحمة الله وبركاته

أنا عضوه جديده معاكم ويشرفنى الإنضمام لكم

وكنت عايزه أسأل أهل الخبره والذوق العالى فى حاجه مهمه جداااااااااااا

عندنا محل ملابس جاهزه حريمى و إيشاربات وإكسسورات حريمى مساحته مش كبيره بنعيد توضيبه

وجت لى أفكار عايزه أنفذها لكن قلت ماينفعش من غير إستشارتكم لأنى واثقه إنكم هتفيدونى جااااااااامد ويارب ماتكسفونيش


أولا الأرضيه : إخترنا أرضيه سيراميك مط لونه بيج غامق ومتقطع وبيتلزق زى الباركيه بالظبط اللى يشوفه من بعيد يقول إنه باركيه مش سيراميك

السؤال : هل ينفع نعمله جوا المحل وبره كمان على التلتوار اللى قدام الفترينا ؟؟؟

************

ثانيا الواجهة : واجهة المحل فكرت فى رسومات بالخشب ولإسم المحل وخلفيه لهم وإخترت 3 ألوان هما الروز(البمبى) والبنفسجى وأخضر فاتح والأخضر مساحته مش هتبقى كتير الأغلب هيبقى روز وبنفسجى

السؤال : هل الألوان دى كلها هتبقى حلوه مع بعض أولا ومع لون الأرضيه البيج الغامق اللى نفس شكل الباركيه ثانيا ؟؟؟

***********

ثالثا الحائط : فكرت فى فكره حلوه هتغنينا عن تبييض الحيطه عارفين الإعلانات الضخمه اللى بتتعلق على الحيطان اللى زى بتاع المشروبات الغازية اللى عليها صور ممثلين ولاعيبة كوره بتبقى معموله بالكمبيوتر وخامتها شبه الجلد فكرت بقى نعمل زيها ويكون عليها نفس ألوان الواجهه ال 3 ألوان الروز والبنفسجى والأخضر برسومات بسيطه أوى تبقى خلفيه للأرفف والإستندات صحيح مش هتبان أوى لأن الفراغات بين الأرفف والإستندات مش كتير بس فى نفس الوقت الألوان اللى هتبان فى الفراغات هتدى جو حلو مع ألوان المحل الأساسيه ال 3

السؤال : أولا إسمها إيه الخلفيه الجلد بتاعت الإعلانات اللى شرحتها لكم دى ؟
ثانيا بتتعمل عند مين بالظبط ؟
ثالثا هل ممكن تحمى البضاعه من الرطوبه لأن عندنا رطوبه عاليه فى المحل؟
رابعا أيهما أكثر تكلفه الخلفيه الجلد دى ولا التبييض ؟

***********


شكرا جدا لكم إنكم سمعتونى

ومستنية ردودكم بس فى أقرب وقت

لأن الشغل فى المحل بدأ

وردودكم ممكن تغير شكل التوضيب

ليه الناس بتدخل تقرا وتخرج تانى

أنا أتعشمت فيكم إنكم أهل الخبره

وهتجوبونى ودى أول مشاركه ليا

وكنت متوقعه غير كده

الارضية لونها غامق جيد فى الداخل مع الاضاءة جيدة فى الخارج مع التلتور جرانيت و بلاط موازيكو لتحمل الحركة الدائمة
الواجهة الافضل عمل اشكال جبسية و يكون هناك لونين غمق كبرواز و فاتح داخلى
الافتة حسب المصمم فيبر جلاس
الحوائط درجة غامقة عام و فاتح درجات بالقرب من الفتحات

الارضية لونها غامق جيد فى الداخل مع الاضاءة جيدة فى الخارج مع التلتور جرانيت و بلاط موازيكو لتحمل الحركة الدائمة
الواجهة الافضل عمل اشكال جبسية و يكون هناك لونين غمق كبرواز و فاتح داخلى
الافتة حسب المصمم فيبر جلاس
الحوائط درجة غامقة عام و فاتح درجات بالقرب من الفتحات


السلام عليكم يا معمارىالفين

شرفت بمرورك و أسعدنى ردك

فعلا كنت خائفه جدا من لون الأرضيه لكن ردك طمأنى

و واجهة المحل كنت عايزه أعملها بنفسجى كلها وفيها رسمة وردة باللون البمبى (الروز )ولها فرع أخضر بس الغالب عليها هو اللون البنفسجى والحوائط من الداخل نفس لون الوردة التى على الواجهه البمبى (الروز )وبرواز الفترينه باللون البنفسجى إيه رأيك؟


وأرجو من باقى المهندسين إفادتى وجزاكم الله كل خير

النفسجى لون رائع اهم شىء تركيز الاضاءة عليها و على الوردة

وعليكم السلام
كل الافكار التي ذكرتيها رائعة جدا
وان كنت لا استطيع افادتك في التصميم الداخلي (رحم الله امرى عرف قدر نفسه)
لكن عندي بعض الاشياء اود ان ابينها ...
اولا : ان زيارة المحلات ذات الاستعمال المشابه لمحل ولها نفس النشاط تقريبا ممكن ان توحي بافكار جديده .
ثانيا من وجهة نظري
1- الواجهة كما ذكرت لتكون عنصر جذب .
2 - الجدران والارضية فيجب ان تكون الوانها باهته حتى تكون الوان الملابس هي الاكثر بروزا .
3 - لا يمنع من ابراز بعض التشكيلات الملونه على الجدران لابراز بعض المعروضات بشكل مختلف .

اتمنى ان اكون قد اسهمت ولو بشكل بسيط
م/تركي

النفسجى لون رائع اهم شىء تركيز الاضاءة عليها و على الوردة



جزاك الله كل خير يا معمارىالفين على إهتمامك

وعليكم السلام
كل الافكار التي ذكرتيها رائعة جدا
وان كنت لا استطيع افادتك في التصميم الداخلي (رحم الله امرى عرف قدر نفسه)
لكن عندي بعض الاشياء اود ان ابينها ...
اولا : ان زيارة المحلات ذات الاستعمال المشابه لمحل ولها نفس النشاط تقريبا ممكن ان توحي بافكار جديده .
ثانيا من وجهة نظري
1- الواجهة كما ذكرت لتكون عنصر جذب .
2 - الجدران والارضية فيجب ان تكون الوانها باهته حتى تكون الوان الملابس هي الاكثر بروزا .
3 - لا يمنع من ابراز بعض التشكيلات الملونه على الجدران لابراز بعض المعروضات بشكل مختلف .

اتمنى ان اكون قد اسهمت ولو بشكل بسيط
م/تركي


فعلا يا م / تركى قمنا بزيارة لمجموعه من المحلات الكثيره
وفعلا درجات الألوان وبالصدفه غير مبهره حتى لا تؤثر بالسلب على المعروضات شكرا على النصيحه الجيده

وجزاك الله كل خير على إهتمامك

انا انصحك انك تتوجهين لمهندس تصميم داخلي او ديكور وهو راح يوظف الافكار التي ذكرتينها
لانه وبكل بساطة احيانا الافكار تكون جميلة ولاكن المتخصص هو من يستطيع ان يوظف هذه الافكرا بشكل صحيح وتكوني مطمئنة قبل الوقوع في الاخطاء . بأمكان المتخصص ان يرسم لك الافكار ويريكي اياها قبل البدء في العمل ثم توافقين على التصميم

انا رأى ان عمل نفس الأرضية داخل المحل و خارجه فكرة مش ظريفة لأن ده بيدى احساس بعم اهتمام صاحب المحل بالديكور و لأن خارج المحل الأرضية بتتعرض لعوامل بيئية زى المطر و الشمس و ده بيخلى لونها يغير عن داخل المحل
فكرة وضع البوسترات بتكون حلوة فى المساحات الكبيرة و تكوى الرسمة كلها واضحة لكن وضع الأرفف عليها بيعمل ارتباك للشارى هو حيتفرج على المنتجات ولا يدور على باقى الرسمة
مادام حتعملى ارضية زى الباركيه غامقة خلى لون الحيطان بيج مط فاتح و زودى الأضاءة
شكل اليافطة لازم يعكس روح المحل لأنه عنصر اساسى لجذب الشارى لو الألوان كتيرة بيدى احساس ان المحل دة بيقدم ملابس كاجوال و الوانها كتير و العكس فخلى اليافطة انعكاس لأذواق قطاع كبير من المشتريين
و الله الموفق

الحين انتي تتكلمي عن واجهه خشبيه او جبسيه للمحل طيب والامطار والشمس كلها عوامل قد تكون مضره لواجهتك لو تعملي واجهه رخام تدي للمحل قيمه اكبر

تتكلمي عن واجهه خشبيه او جبسيه طيب الامطار والشمس اكيد راح تضرها وتخربها انا ارى واجهه رخام تدي للمحل قوه وجمال