طبعا يا جماعة كلنا عرفنا حكاية الشاب المصرى الكندى الذى اتهم بالجاسوسية لصالح الموساد على المصريين المقيمين بكندا واسمه محمد العطار واللى سيرته مالية الجرايد اليومين دول والله انا لما قريت حكايته سالت نفسى سؤال وياريت كل واحدفينا كشاب مصرى يسال نفسه السؤال ده ( هى مصر بالنسبة لك ايه ؟؟ ) يعني لو إنت ماسك عدسة مكبرة وبتبص فيها على مصر بتشوفها ازاي؟ والعطار ده كان شايف بلده ازاى
يعني مثلا مثلا..
وزارة السياحة ووزارة الإعلام شايفين مصر عبارة عن الآتي:

شوية مية بحر صافية، على كام مايوه على كم واحدة بترقص وواحدة نايمة على الشزلونج( هم بيقولوا عليه كده ماليش دعوة شزلونج :) :) تحت الشمس، على واحد راكب حصان قدام الهرم وبيبص للكاميرا ومبسوط قوي إن الناس بتتفرج عليه!

آه صحيح انا مابهزرش والله .. إنتوا ماشفتوش الإعلان ده اللي وزارة السياحة ووزارة الإعلام صوروه وأذاعوه في كل القنوات العربية تقريبا والتليفزيزن الصرى بالطبع !
عموما دي كانت الصور اللي لقطتها كاميرا وزارة السياحة والإعلام لمصر وطبعا ده رايهم الشخصى ماحدش يقدر يقولهم كلمة والصور دي استفزت معظم الشعب المصرى
فياجماعة انا عايز كل واحد يقولى هى مصر بالنسبة له ايه وايه اللى يخلى شاب بيدرس فى الازهر يعمل كده فى بلده انا عارف ان حال بلدنا لايسر عدو ولا حبيب لكن هل لهذه الدرجة يصل بينا الحال للتجسس على البلد !!!
يا جماعة فيه ناس مايقدروش يشوفوا مصر إلا في اللون الأسمر لفلاح أصيل، أو ابتسامة أم وهي بتشجع بنتها وهي رايحة المدرسة، أو ضحكة طفل وهو بيلعب عسكر وحرامية مع زمايله فى ال**** ، أو كوز درة مشوي على كورنيش النيل، أو قرص طعمية سخن بتاكله بسرعة وإنت رايح الشغل او واحد تحصل له حاجة فى ال**** مثلا فتلاقى كل اللى فى ال**** اللى انت فيه والشوارع الجانبية وكل اللى فى العمارات اللى فى ال**** و العمارات اللى فى الشوارع الجانبية جمبك عايزين ياخدوا بايدك اااااااااااااااااااااااااااااااه عليكى يا مصر
فلو مثلا مثلا جت لك الفرصة إنك تعمل إعلان عن مصر علشان يتذاع في كل محطات العالم..

هتقول إيه في الإعلان ده؟..
هتصور إيه في مصر وما تصورش إيه؟.. وليه؟..
إيه الحاجة المصرية الخالصة.. المصرية النقية جدا اللي لما تشوفها تحس على طول إنك فعلا في مصر؟.. وطبعا اللى شايف مصر زى وزارة الاعلام ما شايفاها طبعا يقولنا رايه احنا بنرحب بجميع الاراء

مستنيين رأيك في الكلام اللي فات ده..

وإنت بتكتب تخيل نفسك مخرج كبير وبتصور إعلان عن مصر..
قول لنا هتعمله ازاي.. وهتقدمه للعالم كله بأي شكل..
يلاّ استعد..
الكاميرات جاهزة.. والممثلين موجودين.. "وماتشيلش هم النفقات المالية :) :) "
والكلمة كلمتك مش إنت المخرج؟ :)
احمد خيرى - هندسة اتصالات - اسيوط

احب اقولكم ان الخائن العطار الذى باع وطنه للموساد اخد 15 سنة سجن واجمل تحية لرجال القضاء المصرى اما التحية الكبيرة اوى اوى اوى فهى منى ومن كل شباب مصر لجميع رجال المخابرات المصرية الذين يسهروا على راحة هذا البلد الكريم ويعملون فى صمت من اجلنا فاجمل وارق تحيه لهم جميعا والله يوفقكم ويكرمكم دنيا واخرة اميييييييييييييييييييييييييييييين
احمد خيرى
هندسة اتصالات اسيوط

وجاسوس اخر يؤسفنى انه مهندس مصرى يعمل فى هيئة الطاقة الذرية يسمى سيد صابر اتهم بالتعاون مع الموساد وتزويده باسرار تتعلق بالنشاط النووى المصرى نهايته كانت 25 سنة مؤبد فالى مزبلة التاريخ يا سيد انت ورفاقك ممن يبيعون وطنهم واهلهم بابخس الاسعار
احمد خيرى - هندسة اتصالات اسيوط

للاسف كثيرا من الناس لا يهتم حتى بعرفة معنى الوطنية