مشاهدة النسخة كاملة : استشارة عاجلة جدا؟؟؟؟؟؟
أزهرية 29-01-2007, 02:28 PM السلام عليكم
ممكن حد فى نظم او كهربه يساعدنى فى الاجابة على هذه الاستفسارات ويبقه جزاه الله كل خير
1- عايزه أعرف ايه مواد الترم التانى ونبذه مختصره عنها
2 ياريت لو حد يعرف اسماء مراجع فى المواد ممكن تساعد يقول اسمها ومكان اللى ممكن الاقيها فيه وياريت لو يكتب سعرها كمان وطبعا الاولويه للكتب اللى بالعربى لكن
لو مفيش غير الكتب اللى بالانجليزى مفيش مشكله
3 وياريت لو فيه حد يعرف كتاب فى الالكتونات من الالف مش لازم لحد الياء بس يكون منهجى ومرتب
وعايزه اسال عن ال bread board
لو حد يعرف مكان بيبعها بس رخيصه شوية عشان انا رحت باب اللوق عند النخيلى ولقيتها غاليه مش اوى بس فيه انا سمعت انها ارخص وبعدين رحت العتبه كانت اغلى
وكتاب ضرورى فى لغة السى بلس بلس وايه الفرق بينها وبين السى فيجول
وعايزه كمان اسال اذا كان مادة الدوائر الكهربية مفيدة للسنين اللى جايه ولا ايه خاصة
ACيعنى اجيب كتاب شوم ولا مش مهم
معلش يا جماعة طولت عليكم لكن ياريت لو حد يجاوبنى قبل الترم التانى ما يبدا وجزاكم الله خيرا
كان الله فى عون العبد مادام العبد فى عون اخيه
والسلام ختام
فالسلام عليكم ورحمة الله
Aboud_Mokh 31-01-2007, 05:29 AM وعليكم السلام ورحمة الله وبركاته
أولاً : بالنسبة لمواد الترم الثانى فللأسف ليس لدى علم بها لأنى كما سمعت أن المناهج تغيرت وليست كالسنين السابقة
وإن كان هناك قول بأنه سيتم دراسة مادة مجالات وهى تكملة للإلكترونيات
وكذلك مادة خاصة بطرق البرمجة ولكنها ستكون مختلفة بعض الشىء عن لغة الـ C
ونرجو من لديه معلومات أن يطلعنا عليها
بخصوص كتاب للغة السى فالكتب كثيرة جداً ومتنوعة
وهذا رابط به مجموعة كتب عن السى أرجو أن تفيدك
http://www.shazly.net/~freehosting/5x1/quh6ph47_Learning.rar
وبالنسبة لمادة الدوائر فمهم بالتأكيد لمهندس نظم أنه يكون فاهم دوائر كويس لأنه ممكن يشتغل فيها كصيانة أجهزة الكمبيوتر وغيرها
وأعتقد إن أحنا هندرس أجزاء منها فى سنة تانية
أما بقية الأسئلة فمنتظرين حد يجاوب عليها بإذن الله
أزهرية 31-01-2007, 08:10 AM جزاك الله خيرا يا اخى على الرد
الظاهر من كلامك انك فى سنة اولى وعموما المناهج اتغيرت فى المحتوى والكمية بعنى زادت واتطورت مش نقصت _لا سمح الله
وانا اللى اعرفه اننا هناخد المواد دى
مجالات
الكترونات
هياكل بيانات
رياضه
سيرة
وقران
واعتقد ان فيه مادة تانيه كمان لكن مش فكراها
وكل معلوماتى عن هذه المواد ان مادة الرياضة اسهل من الترم الاول
ومادة هياكل البيانات عبارة عن تصميم لبرنامج البرمجة عن طريق مخططات لو فاكر اول محاضرة اخدناها فى الكليه دخل لنا دكتور غير الدكتور متولى وادانا محاضرة فيها كانت سهلة جدا اسهل من السى بكتير
احنا عايزين حد يا جماعة يجاوب علينا بالتفصيل كفايه مفاجأت
وجزاكم الله خيرا
nagar 19-02-2007, 05:16 PM السلام عليكم ورحمة الله وبركاته
واضح اننا شلة شباب أزهرية زي بعض
ويا ريت نتعرف تعارف جاد أخوي ومحترم بما أننا كلنا في جامعة واحدة
ويا ريت كل من هو أزهري أو أزهرية يكتب لنا ويعرفنا بنفسه
سلااااااااااام
sbasha98 21-02-2007, 10:49 PM السلام عليكم
اهلا شباب ومرحبا بلاخوة والاخوات اخوكم في رابعة نظم وتحت امركم في اي استشارة في مقدرتي شكرا
sbasha98 21-02-2007, 11:16 PM السلام عليكم ومرحبا بالاخوة والاخوات اخوكم رابعة نظم وتحت امركم في اي استشارة في مقدرتي شكرا
المهندس الأزهرى 23-02-2007, 12:08 AM السلام عليكم
أعرفكم بنفسى الأول:
م / أحمد عبدالوهاب
خريج اتصالات وإلكترونيات دفعة 2006
بصى بئه ياأخت أزهرية
بالنسبة للكتب والمراجع اللى مطلوبة فى الكلية فعليكى وعلى سور الأزبكية اللى فى العتبة - عارفاه؟ روحى هناك هتلاقى مكتبة اسمها عباد الرحمن هتلاقى فيها إن شاء الله اللى عيزاه وبسعر كويس - المكتبة دى هى اللى انا كنت بتعامل معاها
بالنسبة للكتب فى الإلكترونيات فيه مؤلف اسمه Floyed - سمعتى عنه؟ أسلوبه جميل جدًا جدًا فى الشرح ومنظم
ايه تانى؟
آه - بالنسبة للمكونات الإلكترونية ففيه فى **** التحرير فى باب اللوق محل اسمه الجمال هتلاقيه قبل النخيلى بشوية - أسعاره كويسه - اتعاملى معاه مش هاتندمى - وماتلجئيش للنخيلى إلا فى الحاجات اللى مش لقياها عنده
أتمنى أكون أفدتك كده
وفى انتظار أى استفسار
أزهرية 23-02-2007, 08:41 AM جزاك الله خيرا يا باشمهندس احمد انا ان شاء الله هاروح العتبة قريب والمكتبة دى انا زرتها قبل كده لكن ما سالتش عن كتب فى الالكترونيك ان شاء الله هنسال وصدقا جزاك الله خيرا وتعيما للنفع احب اجاوب على بعض الاسئلة التى علمت الاجابة عليها
اولا مواد الترم التانى
1 الكترونيك
مدرس المادة الدكتور اسامة
بتعتمد للاسف على الترم الاول ربنا يستر
2 مادة المجالات
مدرس المادة تقريبا الدكتور صلاح
سمعنا انها مادة تقيلة وصعبة يعنى فيزياء كهرومغناطيسية
3 خوارزمات وهياكل بيانات
مدرس المادة الدكتور متولى
الخوارزمات سهلة ولذيذة جدا ربنا يسهل وتفضل على كده وبتعتمد بشكل كبير على البرمجة
4 رياضة
مدرس المادة دكتور سعيد دكتور محمد مهند
بيقولوا اسهل بكتير من الترم الاول ربنا يسهل لحد الان هى سهلة لكن لم نشوف المسائل نقدر نحكم
5دوائر منطقية
مدرس المادة الدكتور سمير
مادة لذيذة جدا لكن اظاهر ان هيكون فيها رسم ربنا يسهل لانى ما بحبش الرسم لكنها مادة بتساعد على التفكير بشكل منطقى ومرتب
6 معمل
مش عارفين مين اللى هيدينا ربنا يستر ونلاقى حد يشرحلن بدل ما باقى الاجهزة يتحرق ونلاقى فى الامتحان افو بيقيس تيار
7قران كريم
خمس اجزاء من الجاثية الى الربع الاخير من سور العنكبوت
سيرة
مقسمة الى السيرة النبوية والفتوحات الاسلامية
دا بالنسبة للمواد بالنسبة للمراجع احب اضيف لم قاله الباشمهندس احمد الى ان هناك مراجع بالعربى فى المكتبة المركزيه فى الجامعة وكذلك مراجع بالانجليزى فى الخوارزمات وفيه مكتبة رائعة بس نصيحة ما حدش يرحها الا وهو معاه مبلغ محترم عشان هى غالية اوى اوى لكن الكتب رائعة مكتبة متبولى فى طلعت حرب فى الميدان اما التمثال مباشرة
وجزاكم الله خيرا والسلام عليكم ورحمة الله
islampower 24-02-2007, 09:30 AM bread board موجودة عندى إذا كنتى تريدها سأتركها لكى عند محمد العسكرى على بوابة قسم كهرباء بس بشرط أن تستخدميها جيدا ثم تعيدها بعد الانتهاء منها الى محمد العسكرى مرة أخرى حتى يستفيد بها من أراد بعد ذلك
المهندس الأزهرى 25-02-2007, 11:34 PM ياريت تبقى تسلم لى ياإسلام على محمد العسكرى
المهندس الأزهرى 26-02-2007, 06:49 PM """" موجودة عندى إذا كنتى تريدها سأتركها لكى عند محمد العسكرى على بوابة قسم كهرباء """""
معذرة أخى إسلام ومعذرة أختنا أزهرية........
عندكى زميلات كثيرة لكى منهم من هم فى سنك ومنهم من هم أكبر منكى ويتقدمونكى فى الدراسة فيمكنكى الاستعانة بهم فيما تريدين
أما أن يساعدكى الأخ إسلام - فهو جزاه الله خيرًا على حسن نيته - ولكن النفس أمارة بالسوء والشيطان لايكل ولايمل فربما جرت هذه المساعدة البريئة إلى أشياء وأمور نحن فى غنى عنها، فنحن نحمد الله أنه لايوجد اختلاط فى جامعتنا ونريد أن نفعله بأنفسنا؟!!
أرجو أن تتفهموا كلامى وأن تتقبلوه بصدر رحب
وشكرًا لحسن قرائتكم والسلام عليكم ورحمة الله وبركاته
أزهرية 27-02-2007, 02:41 PM جزاكم الله خيرا وجزاك الله خيرا اخى islampower انا بالفعل اشتريتها
وانا مع المهندس الازهرى وشكرا على التعاون
islampower 01-03-2007, 02:42 AM السلام عليكم ورحمة الله وبركاته
بأى حق تحكم على الآخرين بسوء النية وتتحدث معهم بهذا الأسلوب الساخر
يا مهندس يا أزهرى أسلوبك غير مهذب وليس لك الحق فى الحكم على الآخرين
راجع نفسك فقد تجاوزت
islampower 01-03-2007, 02:44 AM ياريت تبقى تسلم لى ياإسلام على محمد العسكرى
أسلوب ساخر غير محترم
المهندس الأزهرى 02-03-2007, 07:18 AM أسلوب ساخر غير محترم
والله ياإسلام انا اقصد فعلاً الكلمة بمعناها الحقيقى، أقصد فعلاً تسلم لى على محمد العسكرى
ابقى قول له بس م/ أحمد عبدالوهاب بيسلم عليك
وبالنسبة لنيتك ياأخى انا لت ان عارف ان نيتك حسنة وكل حاجة لكن قلت ان النفس أمارة بالسوء والشيطان قاعد لنا بالمرصاد وربما أخذنا هذا الأمر إلى أمور نحن فى غنى عنها
|