انا ساتو 20 سنة.انا طالب فى الفرقة الثالثة مدنى هندسة المنصورة. الحقيقة انا مش عارف الدكاترة بيعملو معانا كدا لية ولا هما عايزين اية مننا.
كل يوم ينزل شيت والى هيتسلم النهاردا والى هيسلم بكرا لحد ان الواحد معدش عارف النهاردة من بكرا من امبارح
كلة بقا زى بعضة ............انا بقا عايز اعرف اشمعنا بقا قسم مدنى هو الى فية الشيتات دى كلها والى الدكاترة ميعرفهوش ان الشيتات دى هى الى ارفانا ومطلعا عنينا مع ان قسم مدنى قسم ممتع جدا وانا نفسى داخل القسم عن اقتناع تام
بس مش عارف لية الشيتات دى كلها
ارجوكم يا جماعة ردو عليا وقولولى اية رايكم وهل انتم متفقين معايا ولا ليكم راى تانى
شكرا



(ساتو).........(3 مدنى) (سكشن) ( 4)

ولا يهمك ياعم كلو في الفاضي محمود 4 مدني المنصوره

hi sato i agree with you about the civil engineering disadvantage (sheets)

السلام عليكم يا ساتو و الله ضحكت قوي لما قرأت المشاركة بتاعتك انا متخرج من هندسة مدني المنصورة من 3 سنين و كنت بنقل معظم الشيتات و هي لازمتها الوحيدة ايام امتحانات التيرم انها بتسبتلك مذاكرة المحاضرات و السكاشن و بتفتحلك أفكار جديدة للمسائل ......
شيد حيلك و حاول تحل بنفسك عشان تجيب تقدير

زعبووووب

بص يا عم ساتو انا مهندس مدنى خريج جامعه المنصوره 2005 وعارف وحسيت قبلك بالى بتقول عليه وعارف انها فوق طاقه اى بنى أدم ومن الأخر لازم تنقل يعنى لازم تنقل بس نصحتى ليك والى كنت أنا شخصيا بعمله انى مكنتش انقل شيت الا اما يبقى خلاص مفيش قدامى فرصه تانيه مش تخلى ده اول حل ده اولا
ثانيا بأه والاهم لازم تعرف انه مش مشكله انك تنقل شيت بس المهم انك لازم تكون فاهم انت بتنقل ايه انا على فكره عمري منقلت شيت من غير مكون على الاقل مش هقولك مذاكر موضوع الشيت لا على الاقل واخد فكره عنه وده هيخليك تكون فاهم ايه الى بتكتبه ويخليك تنظم الشيت الى هينفعك جدا جدا فى ايام الامتحانات انا على فكره كانت مذاكرتى فى ايام الامتحانات من الشيتات وبعدين معظم الدكتره عندنا مغرمه تجيب حجات من الشيتات فى الامتحان مثل الدكتور محمود الامام وزي الدكتور الشبراوى وغيرهم كتير وربنا يعينك وان شاء الله نشوفك مهندس كبير