السلام عليكم

لولا دراستي للغة الانجليزية بتعمق قبل دخولي معهد العالمية

لكنت الان مع باقي الطلاب عند مدير المعهد السيد رمزي لنشكي له الحال

اول منهج بالترم الاول للانجليزي لم يكن بمستوى الطلاب بل اعلى من مستواهم

صحيح انو basic اي مبتدئ ولكن ومع محاولتي باقناعهم بانو يحاولو يمشوا حالهم ويفهموا

لكن تفاجئت بانو بعضهم مايعرف يكتب الحروف

فبدؤا بالاحتجاج على المدرسين بانهم مايفهموا ولا يترجموا

فكيف انتو ... ايش اللي تشوفوه

العيب من الطلاب او المدرسين او مناهج المعهد

تحياتي....

ياهلا ومسهله

اخوي المشكله مو في العالمية ولا في المناهج لان هالمناهج هي الي يدرسونها في كل المعاهد

المشكله في تعليمنا أساسا يوم كنا في المتوسطه الين تخرجنا

ماقدرنا نأسس لنفسنا قواعد في اللغه الانجليزيه وكان الواحد يبي ينجح ولو بالدف

والمدرسين كانوا داجين بمعنى الكلمه

اما في المعهد ما اقول الا الله يرحم ايامك يامحمد رفيع يدرسك الانجليزي من قلبه

لكن مالقى تقدير من هالمعهد وراح لوظيفه ثانيه

والخلاصه ان الانجليزي ضروريه في تخصصنا يعني لازم تجمعلك كم كلمه خصوصا في التخصصيه

وبالتوفيق

سلام عليكم

اخبار الشباب طيبين

بالنسبه للغه الانجليزيه بالمعهد فهي مشكله قويه لدى بعض الطلاب

وانا من نظري اتفق مع زميلي رايق البال ان المشكله اساسا في تعليمنا ايام الدراسه

يا المدرس يكون داج يا الطلبه مسوين (( زاحفين )) وهاملين يا انه اشياء كثيره لاتعد ولاتحصى

لكن انا من نظري راح نعاني من المشكله هذي لسنين طويله ولا راح ننفك منها الا بحاله

وحده!؟

اللي هي انه تعليم اللغه الانجليزيه يكون من بداية الصف الاول الابتدائي في المدارس الحكوميه

طبعا المدارس الاهليه الشي ذا فيها من زمان لكن اغلب الشعب عندنا خريج مدارس حكوميه

والدراسه في وادي وهو في وادي

هذا رايي الشخصي.

وفي الختام تقبلوا تحياتي.

ســــيـــــو.

يا عزيزي المشكلة في اللخبطة و المدرسين السكة إلي مفروضين علينا ولا لما كان نصير يدرسنا الإنجليزي في الربع الأول كنا ماشيين تمام جاك أبو فلص ضيعنا وضيع المعدل الله لا يوفقه و نزل التقدير معاه كيف تبغى تمشي و هز الرقبة مستمر في القاعات

انا اقول لو يجيبون لنــــــا مدرسات بروفيشينال ومحترفات ويحطون محاظرات للتقويه من جد بنمشي زين في العالميـــه

بس كذا يعطونا كتب طلاسم ولا مدرسات اللهم ياكافي مافيه اشين من شرحها الا اسلوبها

>>>وجهة نظر


يعني الغلط من العاليمه لاننا كشعب ماتعودنا على اللغه من يوم كنا صغار .. وفي نفس الوقت المجتمع مايساعد عل التعليم
يعني بدرس وبدرس وفي النهاية بتضيع الكلمات لقلة الممارســـــه



وشكرا على الموضوع

أنا ارى أن السبب هو التعمق باللغة الإنجليزية فالافضل هو الدراسة التخصصية

انا أتفق معاكم على التبرير للمشكلة لكن من وجهة نظري الأفضل إننا نأقلم أنفسنا مع الوضع ونحاول نفهم سواء بالمناقشةمع المدرب أو الترجمه في البيت أو سؤال الزملاء وبكذا نتعلم بأسرع وقت........

وبس وكذا يا(مستر بن) شغلتنا اننا نتأقلم مع اي وضـــع في المعهد !!!

أهلين اختي الموضوع اللي جالسين نتكلم فيه يخص اللغة الانجليزية ، ولنفرض يا أختي انك تدرسين اللغة خارج المملكة ،..مو عشان تفهمي اللي حولك لازم تتأقلمي مع الوضع وتترجمي لنفسك والا ما راح تمشي!!؟؟

م.بن بالله عليك بتتكلم مع أقاربك انجليزي والا في البيت هههههه

اذا كنت بره الوضع غير انت مجبور انك تتكلم انجليزي لكن في محيطنا الحالي ما نتكلم انجليزي الا في الفصل ونص الحصة بعد ..

السلام عليكم ورحمة الله وبركاته

انا بصراحة لفت نظري الموضوع لأن احب ان اضع لمسة لكم فيه ان قبلتموني بينكم

المشكلة عندنا في الأساس ..... عندنا موطبيعي ..؟ تسألوني ...كيف ؟

اجاوب ببسطة لأن المعلم أو المعلمة همهما الوحيد هو شرح الدروس المقررة وبس

ولا يهمه ان كان الطالب استوعب او فهم ولا لأ .....

وأنا لو بيدي شئ لأقمت لجنة تحقيق مع معلمين اللغة الإنجليزية بالمملكة

ثانياً : اعتقد انه يجب ان يلغى المقررات الدراسية كاملاً ...لأن الطالب بعد التخرج

يجد العلم في ناحية والعمل في ناحية أخرى وكلهما لا يمشيان في مسار واحد

ثالثاً : لماذا لا نجد مدارس تبتكر مواهب الطالب من المرحلة الأبتدائية كلاً حسب ميوله

وتحاول ان تنمي هذه الموهبة حتى يثمر للوطن ثمرة تستفيد منها ...... انا في اعتقادي

لو وجد هناك مثل هذا لأصبحنا في عالم آخر ....

رابعاً : لماذا لا تكون الدراسة من الأبتدائية في جميع المقررات باللغة الإنجليزية .....ما عدا

الإسلامية ما رأيكم ! أنا لا أنفي اللغة العربية ابداً لكن اصبحت اللغة الإنجليزية عقدة

للبعض وانااااا أولكم ...

خامساً : المراكز أو المعاهد همها الوحيد رسوم الدورة والقلة هم المستفيدون من

الدوارت ....

هذه وجهة نظر وأرجو من الجميع ان لا يزعل علي وسامحوني جميعاً