نجحت الحمد للة ف اعدادي ومحتار اختار القسم نرجو من اخوانا اللى اكبر مننا ف الاقسام يشرحونا شوية عن طبيعة كل قسم وجزاكم اللة خيرا اخوكم ف اللة : محمد السيد عبد المقصود Xxxxxxxxx

السلام عليكم ورحمة الله
انا في قسم نظم ومقدرش افيدك غير فيه
القسم عندنا بنسبه كبيره حالته بدأت تتحسن بعدما انهي زاد عدد الدكاتره ومعظمهم كانو معيدين في الفتره السابقه وعارفين المشاكل في القسم وبدأ معظمهم في حل هذه المشاكل

ولكن ما زال بعض الدكاتره القدام في الساحه وبيفرضو مواد عقيمه لا تسمن ولا تغني من جوع

ولكن دي سنة الحياه
عندنا سلبيات كتير ولكن ده الحال في البلد كلها مش القسم بس
المشكله عندنا اننا تحت المنظار عشان كده تلاقي الناس كلها عارفه المشاكل اللي عندنا
القسم بيأهلك تبقي مهندس فقط لا غير
انما عاوز تبقي مهندس ناجح يبقي القسم لوحده مش كفايه خالص
الدنيا بره بتتطور كل يوم وفي عندنا مواد من سنه 80 ولو جبت كتاب نسخه اقدم من سنة 80 يبقي احسن
ولكن زي ما قولتلك في وفي
في مواد تانيه تحس ان الدكتور قرفان منك وهو بيشرحلك وانت مش فاهم ايه لازمة الماده دي
ولكن في سنه في تدريب في شركه لقيت الحاجات اللي بيشرحهلنا مستخدمه وطلعت حاجات اصدرات جديده ولسه ميكروسوفت مثلا منزله في اخر اصدار اوفيس2003 ليها برنامج للتطبيق ده

الخلاصه: لو انت هاوي كمبيوترbrea*&& وعندك استعداد تصرف علي الكورسات او الكتب وتقرا لوحدك ادخل
وزي ما دكتور قالنا في اول يوم في القسم
هتصرف علي نفسك قرش هتخرج من هنا تساوي قرش

والسلام

يوجد موضوع مخصص للقسم في المنتدي برجاء الدخول والمشاركة

معك العبد لله من قسم نظم..

وكما قال أخى السابق أن القسم عندنا لازم كورسات حتى تصبح ناجحا مش مجرد مهندس عادى.....

وهذه فكرة عامة عن القسم كنت قد كتبتها فى توبيك قديم

هناك عدة تخصصات ( ليست فى القسم لكن فى مجال العمل):
1) برمجة: ثل أى لغة برمجة ++c,#c....
2) قواعد بيانات: oracle و sql
3) شبكات: ccna (شهادة عالمية من شركة سيسكو تتكلف حوالى 1200 لكن واحد معرفة فى سنة رابعة قال لى : إن المهندس المعه هذه الشهادة يبدأ مرتبه تقريبا من 2500 ) وهناك مصاريف امتحان
وهناك شهادة أخرى هى mcse ( وهذه شهادة عالمية من مايكروسوفت تتكلف حوالى 3000 + مصاريف 6 امتحانات ( كل امتحان ب50 استرلينى))

لازم تحدد مجال تخصصك لأن كل تخصص بحر كبير ..
على العموم خذ دورة فى ++c ومش هتخسر بل هتفيدك لكن ما ستأخذه فى الكلية ليست هى ال++c بل مادة تسمى الخوارزميات وهى مادة هندسية اكثر منها لغة برمجة....

___________________________________________
المواد هى: ( التيرم الاول):
هياكل بيانات: ( د\حسام): مادة سهلة والحمد لله لكن الدكتور للأسف مش فاهمها كويس...
2) الخوارزميات ( د\متولى): مادة فى الحقيقة كنت أعشقها لأنها فى صميم التخصص ود\ متولى فاهماها جدا..
3) دوائر كهربية: متوسطة لكن الدكتور عبد الوهاب معقد شويه لكن بيقولوا إنه إن شاء الله بينجح..
وبالفعل الحمد لله نجح ناس كثيرة
4) أجهزة قياس: طبعا الحاج أسامة عامر مدلناش فيها حاجة واحتمال كبير جدا يدهلكم واحد اسمه د\زكى مطر... هيفهمكم إن شاء الله وامتحانته حلوة والمادة أصلا لذيذة جامعة بين النظرى والعملى..
5) الكترونيات : د\ خالد الشافعى محترم جدا وابن ناس لكن أوعى تفوت 1/2 محاضرة
6) رياضة1(تفاضل): نظام الإمتحان ثابت لجميع الأقسام ( ما عدا ميكانيكا) وهو 50 % من الأمثلة فى المحاضرات و50% من امثلة الsheet
مواد التيرم الثانى:
1) مجالات: أسامة عامر وشكله هيدهلكم هى مادة لن تفيدك فى مجالك وأسامة أبح هينجحكوا..
2) الكترونيات 2: مثل نظام واحد ونفس الدكتور..
3) رياضة 2: نفس نظام رياضة واحد واحتمال نفس الدكتور لكنها أسهل من واحد ألف مرة(جبروهندسة تحليلية).
4) تصميم رقمى: د\ متولى واحتمال معه واحد أخر....... مادة التخصص وهى شيقة جدا لو ذاكرتها كويس من أولها إن شاء الله لن تقل عن جيد جدا..
5) مادة معمل: تطبيق للدوائر والكترونيات وللتصميم وبينجحوا إن شاء الله فيها وكمان تقادير بس احضر وافهم...( مادة المعمل من أول الفصل الأول لكن هى الوحيدة الممتدة)
6)سيرة + ENG.+ قرآن ( طبعا كل واحدة مادة).............

والله يا أخى أنا تحت أمرك ..وما تنسانيش بالدعاء وحاول حدد تخصصك بحيث يبقى من الإجازة القادمة تبدأ كورسات للشهادات العالمية لأنها هى المفيدة فعلا فى العمل وهتفيدك جدا جدا

انا بقول مدنى
بس الهويات تحكم بقى