المساعد الشخصي الرقمي

مشاهدة النسخة كاملة : صعوبة فهم المواد الهندسية



تركي12
21-03-2006, 11:01 PM
أريد منكم أخواني من يقرا هذه الرساله هل يجب أن أكون رائد في اللغة الأنجليزية حت أتمكن من دخول جامعة الأسكندرية وهل الهندسة الألكترونية كلها أنجليزي ودكاترة الجامعة سيئيل رددددددددددددددددددددددددعلي

الوادعي
29-03-2006, 09:24 PM
السلام عليكم ورحمة الله وبركاته

أخي الكريم تركي

اللغة الانجليزية أصبحت في وقتنا الحاضر ضرورة من ضروريات الحياة


وأقسام الهندسة عموماً تدرس في جميع الجامعات باللغة الانجليزية


ولكن دراسة الهندسة من الدراسات الممتعة جداً

ولاأعتقد بأن اللغة الانجليزية عقبة في دراستها

لأنها تدخل في المصطلحات فقط

وماعدا ذلك من عمليات حسابية ومنطقية فالأمر هين ولن تحتاج لجهد كبير

في فهم اللغة


ملحوظة / أنصحك باقتناء قاموس متخصص في هندسة الالكترونيات


تمنياتي لك بالتوفيق

mu_viper
28-04-2006, 01:03 AM
ياعم اتوكل علي الله انت بس وتعالي اسكندرية واي خدمة احنا موجودين
وبالنسبة للانجليزي يمكن تكون الدراسة الاول صعبة بس بعد كدا حاتتعود وتلاقيها عادي جدا وحتي لما تبقي تيجي تكتب مواضيع هنا ف المنتدي جديدة حاتكتبها بالانجليزي .. وحابقي افكرك
تحياتي

عصام حمودة
07-05-2006, 10:51 AM
ماتخافش خش واتوكل علي الله .

في إعدادي هندسة قعدت لبعد نصف السنة مش فاهم حاجة في الميكانيكا انجليزي وثلاث أبعاد وحاجه نيله خالص -علي الرغم من مجموعي العالي جدا في الثانوية وقتها طبعا اللوقتي مايجيبش حاجة -ومش أنا لوحدي تقريبا كل الدفعه واهه الحمد لله نجحنا في إعدادي بجيد واتخرجنا والانجليزي بقه آخر حلاوة ياعم وبنتكلم مع الأجانب راس براس المهم
- أضيف لنصيحة الأخ اللي قالك علي القاموس
- إنك تعتمد علي المراجع والكتب المشهورة -أمهات الكتب الهندسية -تكون عندك من إعدادي .
- تحاول تعتمد علي نفسك يعني غالبا معظم الدكاترة مش هيفيدوك كثير في المشاكل الدراسية اللي هتواجهك .
-تحاول تعمل Team فريق مع زملائك واحد يبيض محاضرة الكيمياء ويشرحها وواحد ميكانيكا وهكذا .
- تواظب علي زيارة المنتديات الهندسية وتشوف التخصص بتاعك ومش مهم تفهم كل شيئ .
- تنزل بعض البرامج في مجال تخصصك وتدندن معاها .

وربنا يوفقك وأي خدمة ياسيدي في مجال الإلكترونيات
-

محمود أبو الخير أحمد
14-05-2006, 08:55 PM
مهما كان اى انتقال من مرحلة لمرحلة اعلى منها بتبقى صعبة
انا برضة كنت لغاية نهاية الترم الاول من اعدادى هندسة مش فاهم حاجة وكل المواد بالانجلش بس الحمد لله الواحد اتعود لغاية البكالريوس على اللغة
بالعكس يعنى ممكن المواد اللى كانت بتبقى عربى اتخنق منها وابقى عايز المواد كلها انجلش
فنصيحة لطالب اعدادى هندسة ميتخدوش من المواد او صعوبة المواد بكرة الشدة هتزول

اسلام زغلول
21-05-2006, 06:08 PM
اخي العزيز

توكل علي الله ولا تخف

ليس هناك اية مشكلة ولا اية صعوبة علي الاطلاق

ولكن هناك نظام جديد وهو انتقالك من مرحلة لاخري فحاول التأقلم بسرعة

واعلم

ان هناك فرق شاسع جدا بين اللغة الانجليزية للمحادثة واللغة الانجليزية للمهنة

إبدأ بلغة المهنة وستجدها اسهل كثيرا من المحادثة وبالتدريج هتكون 100 100 باذن الله

وفقك الله

osama1
27-06-2006, 01:49 PM
اخى الفاضل الصعوبة ليست فى اللغة الانجليزية ولكن الصعوبة فى الخوف الذى بداخلك من هذا العالم الجديد فانا طالب فى كلية الهندسة جامعة الازهر ومع ان اعدادى عندنا معظم المواد بالغة العربية الى انها كانت اصعب من اى سنة والحمد للة عدت والوقتى انا فى قسم الهندسة الكهربية كلة بالانجليزى بس انت بتتعب شوية فى وبعد كدة ربنا بيوفق وبتكون بربنط فى الانجليزى
اخوك فى اللة
azhary

m_soso_3000
10-07-2006, 11:20 PM
على فكرة إن شاء الله بعد لما تدخل إعدادى وهتنجح بإذ الله هتلاقى نفسك ممكن تقرا مثلا صفحة كاملة بالإنجليزى ومش عارف معنى أى كلمة بس فاهم المضمون العام للكلام
يعنى متجيش عند كل كلمةوتقف وعايز تعرف معناها حاول تخمن wafk

هندسة المنصورة
07-10-2006, 04:29 PM
المهندسـ عصامـ حموده السلامـ عليكمـ ورحمة الله وبركاته
بعد ازنكـ انا شدتنى كلمة امهاتـ الكتب الهندسية اللى انتـ قولتها ممكن اعرفـ انا اقدر اجيبها منين من على النتـ ولو اى واحد موجود فى المنتدى عنده فكرة عن الموضوع ده يا ريتـ يفيدنى

فوفوميمي
19-04-2009, 04:55 PM
مرحبا انا مشاركه جديدة من العراق اود التواصل والمشاركة مع الجميع تحياتي